Хариуцлагагүй ээжид хатуу шийтгэл оноожээ

by СолонгосМэдээ posted Jun 13, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

download (14).jpg

   Өы Жонг Бү хотын шүүхээс энэ оны 01.01-ний өдрийн үүрээр 4 настай охиноо шээсэн шалтгаанаар хүйтэн жорлонд 4 цаг гаруй түгжиж амиа алдахад хүргэсэн 33 настай ээж ”А”-гийн хэргийг шүүх хурал өнөөдөр/2019.06.13/ болж түүнд 12 жил шоронд хорих ял оноож, 120 цагийн “Хүүхдийн хүчирхийллийн эсрэг” хөтөлбөрт хамруулахаар шийдвэрлэжээ.

   Шүүхээс түүнийг хүүхдээ хүмүүжүүлэх нь зүйн ёсны хэрэг боловч “Өмдөндөө шээлээ” хэмээн хүйтэн жорлонд түлхэн оруулж унагахад тархиндаа авсан гэмтэл нь нас барах шалтгаан болсныг хүлээн зөвшөөрч чадахгүй гэжээ. 

   Мөн шүүхээс 2019.01.01-ний өдрийн 07:00 цагт охины биеийг хөрч байхыг мэдсээр байж эмнэлэгт хүргээгүй, шээсээ барьж чадаагүй шалтгаанаар удаа дараа шийтгэхдээ угаалгын машины хатаагчинд түгжиж байсан, ахуйн зориулалтын гар миксерээр олон удаа цохисон, том охиндоо дүүгээ хайруулын тавгаар цохихыг зөвшөөрсөн зэрэг үйлдэлд нь хүн амины хэргийн нэмэлт заалтаар шийтгэсэн хэмээн тайлбарласан байна.

   Талийгаачийн ээж А “Охиныхоо биеийг хөрч байхыг мэдсэн ч эмнэлэгийн төлбөр их гарахаас санаа зовоод биеийг нь халуун усаар угааж хувцасыг нь сольж өмсүүлсэн” гэж мэдүүлж байсан юм.

   “А”-гийн өмгөөлөгч анхан шатны шүүх хурал дээр “Шүүхийн гаргасан шийдвэрийг хүлээн зөвшөөрч байна” гээд “Дөрөвхөн настай бяцхан охиныг шээсээ барьж чадаагүй шалтгаанаар жорлон руу түлхэж оруулахдаа унагааж толгойг нь гэмтээсэн, угаалгын машины хатаагчинд түгжсэн зэрэг үйлдлийг нь хүлээн зөвшөөрч чадахгүй” хэмээн мэдэгдэж байсан бол энэ удаа А-г “Тухайн үед нөхрөөсөө салсан, жирэмсний зулбалт зэргээс шалтгаалан сэтгэл санааны гүн хямралтай байсан зэрэг нь нөлөөлсөн” хэмээн өмгөөлсөн байна.

   Харин шүүхээс “А”-г сэтгэл мэдрэлийн өвчний шинж тэмдэг илрээгүй хэмээн шийтгэлийг хэвээр баталсан байна.

 

 

WWW.MGLRADIO.COM

 

Солонгос мэдээ булан


Articles

1 2 3 4 5 6 7 8 9 10