БНСУ-ын барилгын салбарт ажиллах хүчний хомсдол үргэлжилсээр байна

by СолонгосМэдээ posted Jun 14, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

54647416-고층-건물을-구축-할-수있는-건설-현장.jpg

   БНСУ-д 2018-2022 он хүртэлх 5 жилийн хугацаанд барилгын салбар өргөжин тэлж буйтай холбоотойгоор  ажиллах хүчинд нэмэлтээр 211 000 хүн шаардлагатай гэж тооцож байгаа бөгөөд үүнээс жил бүр 19 000 ажилчин буюу нийт 95 000 хүний ажлын байр хоосон байна гэж тооцжээ. 

   Өнөөгийн байдлаар тус улсад 100 сая воноос давсан хөрөнгө оруулалтай 1280 томоохон барилгын компаниуд дээрхи тоог бодит бус хэмээн үзэж буй бөгөөд зөвхөн дотоодын ажилчин ажиллах шаардлага бүхий 80 000 ажлын байр эзгүй байгааг сануулсан байна.

   Үүний хажуугаар барилгын салбарт ажиллаж буй ихэнхи гадаадын иргэдийг хууль бусаар ажиллаж байгаа хэмээн баривчлан саатуулах, хүчээр нутаг буцаах, ойр орйхон шалгалт явуулах зэрэг үйлдлүүд нь үйл ажиллагааны жигд, тэнцвэртэй байдалд сөргөөр нөлөөлж байгааг ч дурьджээ.

 

   БНСУ-д одоогийн байдлаар тус салбарт 1.16 сая хүн ажиллаж байгаагийн 226 000 нь гадаадын ажилчид байдаг ба үүнээс албан ёсны гэрээгээр 67 000 хүн ажиллаж үлдсэн 159 000 нь хууль бус гадаадын иргэн байна гэсэн тоо гарчээ.  

   Эндээс нэгэн жишээ дурьдахад өнгөрсөн 2018 онд зөвхөн Чонжү хотын цагаачлалын албанаас тус хотын барилгын талбайд 34 669 гадаадын иргэн ажиллаж буйг тогтоосон ба үүнээс хамгийн ихээр ажилладаг улс нь мэдээж Хятад улсын иргэд 14 270-аар тэргүүлсэн бол удаад нь Вьетнам-8863, Камбодже-2086, Узбекстан-1378, Филиппин-1293 хүн болон Балба, АНУ, Монгол зэрэг улсууд ажиллах хүчнийхээ тоогоор тэргүүлжээ.

   Мөн эдгээрийн дундаас хууль бус гадаадын 2764 иргэнийг тус цагаачлалын албанаас саатуулан нутаг буцаасан гэх мэдээлэл хийсэн байна.
images (1).jpgdownload (16).jpg

 

 

 

WWW.MGLRADIO.COM

Солонгос мэдээ булан 

 


Articles

1 2 3 4 5 6 7 8 9 10