LOTTO сугалаагаар 1.9 тэрбум вон хожчихоод 160 сая вон хулгайлжээ

by СолонгосМэдээ posted Jun 17, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

201906161020069087_d.jpg

   Өмнөд Солонгосын иргэдийн дунд долоо хоног бүр азтанаа тодруулдаг LOTTO сугалааны азтан болвол амьдрал нь өөрчлөгдөнө гэдэгт итгэдэг хүмүүсийг цочирдуулсан нэгэн явдал болсон нь тэр бүр тохиолдоод байдаггүй уг сугалааны супер азтан эр хулгай хийж байгаад баригдасныг өнөөдөр мэдэгджээ.

   LOTTO сугалааний азтан өдгөө 39 настай “А” нь 2006 онд 26-хан насандаа уг сугалааны супер азтанаар тодорч шагналын 1.9 тэрбум воныг 8 сарын дотор үрэн таран хийсэн гэдгээ хүлээсэн байна.

   Тэрээр энэхүү шагналын мөнгөө зугаа цэнгээний газар болон мөрийтэй тоглоомд алдсан ба өнгөрсөн жилийн 7 сард Пусан хотын Ёнжэ дүүргийн нэгэн уушийн газраас “Ах маань байгууллагын захиалга хийх учраас урьдчилгаа мөнгө шаардлагай байна” хэмээн тус газрын ажилтныг мэхлэн гадагш гарсан хойгуур нь уушийн газраас 4 сая орчим вонын үнэт зүйлсийг нь хулгайлсан бөгөөд энэ аргаараа Пусан, Тэгү хотын хоолны 16  газраас нийт 36 сая воны үнэт эдлэл хулгайлжээ.

PCM20190617000101990_P2_20190617105910664.jpg

   Цагдаагийн газраас хяналтын камерын бичлэгээр мөрдөн шалгах явцад “А” нь хэрэг үйлдсэнийхээ дараа такси хөлслөн хэргийн газраас зугтсан болох нь тогтоогдсоноор түүнд үйлчилсэн таксины жолоочоос байцаалт авах үед түүнийг “LOTTO сугалааны азтан болж явсан үе бий” хэмээн гайхуулж байсныг санасан нь сэжигтнийг илрүүлэх нэгэн гогцоо болжээ.

   Ийнхүү цагдаагийн газраас сугалааны азтангуудын бүртгэлийг судалж эхэлснээр сугалааны азтан болсноосоо хойш жил хүрэхгүй хугацаанд Тэгү хотын алт мөнгөний дэлгүүрээс хулгай хийсэн хэргээр баривчлагдан 1 жил шоронд ял эдэлсэн, шоронгоос гараад 2008 онд дахин 18 газраас хулгай хийгээд шийтгэгдсэн “А” мөн болохыг тогтоосон байна.

PCM20190617000102990_P2_20190617105910668.jpg

   Түүгээр зогсохгүй 2014 онд 135 удаагийн үйлдлээр 130 сая воны хохирол учруулан дахин шийтгэгдэж байжээ.

   Цагдаагийн газрын ажилтан “Сугалааны азын хонжворын их мөнгө хүний амьдралыг өөрчлөх бүрэн боломж байсан ч асар богино хугацаанд үрэн таран хийсэн  энэ залуугийн үйлдэл, амьдрал харамсалтай байна” гээд “Энэ удаа шийтгүүлж гараад шинэ хүн шиг амьдраасай гэж хүсч байна” гэж хэлжээ.   

 

 

WWW.MGLRADIO.COM

Солонгос мэдээ булан  

 


Articles

1 2 3 4 5 6 7 8 9 10