БНСУ-ын газар тариаланчид Монгол хүнээр бахархдаг

by СолонгосМэдээ posted Jun 17, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

1560489562ADD_thumb580.jpg

   БНСУ-ын Газар тариалангийн ид ажлын энэ үеэр нэг талаар гадаад ажилчдын тус дэм асар их байгаа ч нөгөө талаар уугуул иргэдийн ажлын байрыг булааж байгаад нутгийн иргэд дургүй байна.

 

 

   Цагаан будаа тариалалт эхэлсэн энэ үеэр буюу өнгөрсөн Ням/2019.06.16/ гарагийн өглөөний 07:00 цагт  Чоннам мужийн Мү Ан тосгоны нэгэн ажил олголт, зуучлалын газарт 40 гаруй хүн цугласны 35 нь гадаадын иргэд байсан ч 1 цаг хүрэхгүй хугацаанд тохирсон ажлаа олон алга болжээ.

l_2019053101003705600283206.jpg

   Гадаадын ажилчин авахаар өөрийн биеэр ирсэн фермийн эзэн 45 настай Пак “Сүүлийн хэдэн жилд гадаадын ажилчид маш хурдан нэмэгдсээр байна. Сонгино сугалах, тайрах, савлах ажилд настай нутгийн иргэдийг бодвол нас залуу гадаад иргэд ажилд маш сайн, хурдан” хэмээн магтсан байна.

 

   Өнөөдөр гадаадын ажилчдын өдрийн ажлын хөлс нь 100 000-110 000 вон байгаа нь дотоодын үйлдвэрийн ажилчдын цалингийн нэг өдрийн хөлстэй ойролцоо байгаа юм байна. Гэвч гадаад ажилчдын өдрийн ажлын хөлс сүүлийн жилүүдэд тасралтгүй 10 000-20 000 воноор өссөөр байгаа ажээ.

 

   Мөн Пак хэлэхдээ “Гадаадын ажилчдын дундаж нас 20-той байхад манайханы 45-аас дээш насны хүмүүс залуудаа орж байгааг харвал хэнийг авч ажиллуулах нь тодорхой биш гэж үү” гээд “Миний хувьд яаж ч байсан гадаадын залуу хүмүүсийг сонгоно. Тэдэнгүй бол би хэн ч биш” хэмээсэн байна.  

 

   Энэ мэтчилэн тариалангийн талбайд гадаадын иргэд өндөр үнэлгээ авч, нутгийн уугуул иргэд ажлын байргүй хоцорч байгаа нь гарцаагүй үнэн болжээ. Үүнд бас нэгэн сонирхолтой ажиглагдсан нь тэд улс үндэстнээрээ бүлэг үүсгэн бие биенээ ажилд зуучлах албан ёсны бус харилцааг аль хэдийнэ бий болгож амжжээ.

 

   Эдгээр бүлгээс улсаараа Хятадууд тэргүүлдэг бол түүний дараагаар Тайланд, Орос, Узбекстан, Вьетнам, Монгол зэрэг улсууд орсноос хамгийн гайхалтай нь Монгол улсын иргэд ажээ. Тэд газар тариалан хөгжсөн дээрхи улсуудыг бодвол харьцангуй мал аж ахуй хөгжсөн орон гэхэд ажиллах хүчээр цөөн тоотой ч ажлын үзүүлэлтээр тэргүүлдэг байна.

Rice_transplantation.jpg

   Мөн эдгээр улсуудын иргэд ажиллаж буй газар ажиллах хүч шаардлагатай тохиолдолд талбайн эзэн юунд ч санаа зовох шаардлагагүй юм. Учир нь тэд ажиллах хүчийг өөрсдийн бүлгээсээ төвөггүйхэн дуудан ирүүлж чаддаг байна. Хамгийн гол нь талбайн эзэн ажлын хөлсөө тохирсноороо л өгч чадвал хэд бол хэдэн хүнийг ажиллуулж чадах ажээ.

 

   Харин сэтгүүлчийн “Таны ажиллуулж буй гадаад иргэдийн хэд нь хууль бусаар оршин суудаг вэ?” гэсэн асуултад Пак хариулахыг хүсээгүй бөгөөд “Ногоо хураахад хүн хэрэгтэй юу? Хууль хэрэгтэй юу?” хэмээн асуултыг асуултаар хариулжээ.

 

   Гэвч сайны хажуугаар саар гэгчээр эдгээр гадаадын иргэд ажлаа тараад архи уун харийн хэлээр чанга чанга ярилцах нь тус нутгийн иргэдийн айдсыг төрүүлдэг байна.

 

   Цагаан будаа тариалагч 62 настай “И”-Шөнө орой баар, дэлгүүрийн үүдэнд хэд гурваараа нийлэн архи уугаад хэрэлдэх, зодолдох энүүхэнд. Нутгийн иргэд айсандаа болоод хорьж ч чаддаггүй гээд хэдий хамаг ажлыг нугалж байгаа ч гэсэн тэдний энэхүү нөлөөлөлд тохирсон арга хэмжээ, хариуцлагыг тооцдог болох шаардлагатай байна хэмээн онцлон дурьджээ.     

images (2).jpg

 

WWW.MGLRADIO.COM

Солонгос мэдээ булан  

 

 

 


Articles

1 2 3 4 5 6 7 8 9 10