Умардын эрх баригчид үзэл суртлын нөлөөллөөс болгоомжлохдоо хүмүүнлэгийн тусламжийн хэмжээг нэмжээ

by СолонгосМэдээ posted Jun 18, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

PYH2018030600850001300_P4.jpg

   БНАСАУ-ын эрх баригчид 300 тонноос бага хэмжээний хүмүүнлэгийн туслалцааг хvлээн авахгvй байхыг зөвлөсөн удирдамж гаргажээ. Энэ тухай Өмнөд Солонгосын “KBS” телевизийн суваг Умард Солонгосын зүүн хойд нутгийн Хамгён-Бук Ду муж дахь эх сурвалжийн мэдээллээс иш татан уламжилсан байна. 

   Тус телевизийн мэдээлснээр, Умард Солонгосын ардын хороодын дэргэдэх гадаадад буй нутаг нэгтнүүдтэйгээ холбоо тогтоох хэлтсүүд холбогдох захирамжийг тавдугаар сарын сүүлээр хүлээн авчээ.

   АНУ-ын төрийн бус нэгэн байгууллага БНАСАУ-д 25 тонн хүнсний тусламж үзүүлэх хүсэлтээ тавдугаар сарын дундуур илэрхийлсэн боловч тус улсын эрх баригчид хэмжээ нь бага гэх шалтгаанаар татгалзсан гэж өөр нэгэн эх сурвалж мэдээлсэн байна. 
   “KBS”
телевизийн санал асуулгад оролцсон шинжээчдийн үзэж байгаагаар уг шийдвэр гарах болсон үндсэн  шалтгаан нь гадаадын төрийн бус байгууллагуудтай байнга харилцаатай байх нь Умардын зүгээс гадаадын иргэдтэй хамтран ажиллаж буй байгууллагуудын ажилтнуудын дунд vзэл суртлын нөлөөлөлд өртөж  болзошгvй гэх Пхень Ян-ы болгоомжлолтой холбоотой гэжээ. 

2019060818542266.jpeg

   БНАСАУ-д энэ жил их ган гачиг нүүрлэх төлөвтэй байна. Нэгдүгээр сараас тавдугаар сарын 15-ны хооронд ердөө 56.3 мм хур тунадас унасан нь сүүлийн 102 жилийн хугацаан дахь хамгийн бага хэмжээ юм.

   Умард Солонгосын хэвлэлүүдэд их ган гачигтай тэмцэхийн тулд усны шинэ эх үүсвэрүүдийг хайх хувьсгалт арга хэмжээ боловсруулахыг иргэддээ уриалсан байна.

   Мөн БНАСАУ-ын 10 гаруй сая иргэн хоол хүнсний хомсдолд орсон бөгөөд тэдэнд дараагийн ургац хураалт хүртэл хүрэлцэх хангалттай хоол хүнсний нөөцгүй байгаа болохыг НҮБ-ын Хүнс, хөдөө аж ахуйн хөтөлбөрийн төлөөлөгчид мэдээлжээ. 

   Үүний гол шалтгаан нь тус улсад өнгөрсөн жил цаг агаарын нөхцөл таагvй байсны улмаас ургац алдсантай холбоотой юм. Хэрэв энэ жил ган гачгийн улмаас дахин ургац алдвал олон сая иргэд өлсгөлөнд нэрвэгдэж болзошгvй байна. 

 

 

WWW.MGLRADIO.COM

Солонгос мэдээ булан 


Articles

1 2 3 4 5 6 7 8 9 10