Гадаадын гэрээт ажилчид Солонгос хүмүүстэй ижил хэмжээний цалин авахыг сөрөг хүчний намын дарга буруу гэж хэлээд шүүмжлүүлж байна

by СолонгосМэдээ posted Jun 21, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

2019062000211_0.jpg

   Эрх Чөлөөт Солонгос Намын дарга Хуан Гюу Ан-ы “Гадаадын иргэдэд дотоодын иргэдтэй ижил хэмжээний цалин өгөх нь шударга бус явдал” хэмээн хэлсэн үг тус улсын иргэдийн анхаарлыг татаж эхэллээ.

   Үүнд тус улсын Шинэ Ардчилсан Намын зүгээс “Гадаадын ажилчдыг ялгаварлан гадуурхах үзэгдэл” хэмээн шүүмжлэлтэй хандаж буй хэдийч Хуан дарга “Миний хэлсэн үгийн гол утга санаа нь цалингийн доод хэмжээг нэмэгдүүлэхэд учирч буй гаж нөлөөг засах явдал юм” хэмээн эсэргүүцээд байгаа ажээ.

   Мөн энэ сарын 19-ний өдөр Пусан-ы Худалдаа аж үйлдвэрийн танхимд Хуан “Ялгаварлан гадуурхалтыг хориглодог ч, тэнцвэрт байдалд нөлөөлөх ялгаварлан гадуурхалтыг үндсэндээ хориглоогүй” гээд “Энэ хугацаанд манай улсад гадаадын иргэдийн оруулсан хувь нэмэр надад харагдахгүй байгаа тул цалин хөлсийг тэгш хуваарилах нь шударга бус гэж бодож байна” гэж хэлжээ.

   Харин БНСУ-ын иргэдийн зүгээс “Манай улсын иргэд татвараа төлөөд, үр ашгийг нь гадаадын ажилчид хүртдэг нь шударга бус явдал” гээд “Эрх Чөлөөт Солонгос Намын дарга Хуан Гюу Ан үнэн үг хэллээ” хэмээн түүнийг дэмжих хандлага нэмэгдсээр буй ажээ.

   Дашрамд хэлэхэд Эрх Чөлөөт Солонгос Намын дарга Хуан Гюу Ан нь ирэх жилийн тус улсын ерөнхийлөгчийн сонгуульд өрсөлдвөл ялалт байгуулах өндөр магадлал бүхий улс төрчдийн нэг юм байна.

 

 

WWW.MGLRADIO.COM

Солонгос мэдээ булан

Who's СолонгосМэдээ

profile

Articles

1 2 3 4 5 6 7 8 9 10