Чэжү аралд хууль бус гадаад иргэд 50-70000 воноор 12 цагаас илүү ажиллахдаа гомдол гаргадаггүй гэв

by СолонгосМэдээ posted Jun 24, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

 

36133_22220_460.jpg

   Өнөөдөр Өмнөд Солонгосын хөдөө орон нутагт хүн амын сийрэгжилт, насжилтаас шалтгаалан ажиллах хүчний хомсдол үүссэн нь гадаадын иргэдийг ажиллуулах, ажлын байраа тэдэнд алдан, тэдний хараат байдалд орохоос өөр аргагүй байдалд хүргэсэн хэд хэдэн шалтгаан байна гэж үзжээ.  

   Энэ нь нэг талаас сүүлийн жилүүдэд тасралтгүй өсөх амьжиргааны зардлын өсөлт нөгөө талаас хэцүү, хүнд, цалин багатай ажилд тус улсын иргэд ажиллахаас татгалзах болсон зэрэг нөлөөлсөн нь гадаадын ажилчдад ажлын байраа сайн дураараа тавьж өгснөөс ялгаагүй хэрэг юм гэжээ.

   Гэвч гадаадын ажилчдыг авч ажиллуулдаг хувь хүн, аж ахуйн нэгжүүд тэднийг ажиллуулаад сэтгэл амар байдаг гэвэл бас худлаа юм. Учир нь тэдэнд дутагдалтай талууд олон байдгаас хамгийн ихээр сэтгэл эмзэглүүлдэг нь хууль бус гадаадын ажилчдын асуудал байдаг байна.

   Чэжү арлын Со Гүи Пу-д 20 гаруй жил бэрсүүт жүржийн тариалан эрхэлдэг Ким Санг Мин гуай сүүлийн хэдэн жилд хууль бус гадаадын иргэдийг авч ажиллуулж ирсэн бөгөөд “Хууль бус гадаадын иргэдийг ажиллуулахыг манай улсын хөдөлмөрийн хуулиар хориглодог ч тэд үүрийн таван жингээс үдшийн бүрий болтол ажиллахдаа хийж буй ажилдаа үнэн сэтгэлээсээ хандахын дээр Солонгос иргэдээс бага цалин авлаа гэж гомдол гаргадаггүй зэрэг нь хөдөө аж ахуй эрхэлж буй фермерүүдийн сонирхлыг татаж, тэднийг ажиллуулах үндэслэлийг нэмэгдүүлсэн байж болох юм” гэсэн байна.

   Мөн тэрээр “Өнөөгийн байдлаар газар тариалангийн талбайд ажиллаж буй хууль бус гадаадын иргэд дэндүү уртасгасан цагаар ажилладаг ч түүнтэй эвлэрэхээс өөр арга байхгүй байгаа нь Чэжү орчимд гадаадын иргэдэд барилгын салбар болон тариалангийн талбайгаас өөр ажлын байр хомс буй нь ч нөлөөлж байна” хэмээн тайлбарлажээ.

   Ким гуай мөн “Одоогоор надад ажиллах хүч хайх шаардлага тулгарахгүй байна. Учир нь намайг хууль бус гадаадын иргэн ажиллуулдагыг мэддэг тул долоо хоногт хэд хэдэн удаа над руу утсаар залгаж ажлын байр байгаа эсэхийг асуудаг. Би ч ажилтай бол өдөрт 50 000-70 000 воны цалингаар 12 цагаас илүү ажиллаж чадах тэднийг авч ажиллуулахдаа дуртай байдаг” гэж нэмж дурьджээ.

   Хэдийгээр бодит байдал дээр асуудал ийм байгаа ч хууль бус иргэдийн шалгалт, албадан нутаг буцаах зэрэг сөрөг талууд гарч байгаа нь тус улсын засгийн газарт зөвхөн шалгалт, хүчээр нутаг буцаахаас илүү чухал зорилтот хөтөлбөр шаардлагатай буйг сануулсан дохио болж байгаад газрын эзэд, фермерүүд санал нэгтэй байгаа ажээ.

   Чэжү хотын Хөдөө Аж Ахуйн газрын ажилтан Ким Жонг Ик “Хууль бус гадаад иргэдгүйгээр газар тариалан эрхлэх боломжгүй байгааг дан ганц шалгалт, мөрдлөгөөр шийдвэрлэх аргагүй нь үнэн” гээд “Хойшид хууль ёсны буюу гэрээт гадаадын ажилчдын тоог нэмэгдүүлж, дотоодын ажилчдыг тус салбаруудад ажиллуулах урамшууллын системийг яаралтай боловсруулах шаардлагатай байна” гэж хэлжээ.

 

 

WWW.MGLRADIO.COM

Солонгос мэдээ булан 

Who's СолонгосМэдээ

profile

Articles

1 2 3 4 5 6 7 8 9 10