Авч чадаагүй цалингаасаа болж агсан тавьсан Монгол эр хэн байв?

by СолонгосМэдээ posted Jun 26, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

AKR20190626035200054_01_i_P2.jpg

   Өчигдөр/2019.06.25/ Кван Жү хотын нэгэн макколи-ний газар цалингаа авч чадаагүй бухимдлаа гарган агсан тавьсан Монгол иргэнийг уушийн газрын үйл ажиллагаанд саад учруулсан, танхайрсан, бусдын эд хөрөнгийг эвдэн сүйтгэсэн хэргээр тус хотын цагдаагийн газар саатуулсан тухай өнөөдөр мэдэгджээ.

   Кван Жү хотын Кван Сан дүүргийн цагдаагийн газрын мэдэгдснээр өчигдөр тус дүүргийн Ү Сан хотхоны нэгэн уушийн газарт 20:10 цагийн орчимд Монгол улсын иргэн 42 настай “А” макколи уун согтож агсам тавьж эхэлсэн бөгөөд түүнийг хориглосон уушийн газрын ажилтан болон үйлчлүүлэгч нарыг зодсон ба дуудлагаар очсон цагдаагийн ажилтныг өшиглөн гэмтээжээ.

   Цагдаагийн газарт өгсөн эхний мэдүүлгээр тэрээр 2 жилийн өмнө аялалын визээр тус улсад орж ирснээ хүлээн зөвшөөрсөн ба Өмнөд Солонгост ирэхийн өмнө 40 гаруй хүн удирдан ажилладаг бизнес эрхлэгч байсан хэмээн мэдэгдсэн байна.

   Мөн тэрээр хууль бусаар оршин сууж байх хугацаандаа нэгэн барилгын компанид мужааны ажил хийн дутуу олгогдсон 1.1 сая гаруй воны цалингаа удаан хугацаанд нэхэмжлээд авч чадаагүйдээ бухимдахдаа архи уун агсан тавьснаа хүлээсэн байна.

 

   Тус хотын цагдаагийн газраас “А”-д холбогдох хэргийг мөрдөн шалгасны дараа цагаачлалын албанд шилжүүлэхээр төлөвлөж байгаа бөгөөд “А” нь энэ удаа дутуу үлдсэн цалингаа авч чадалгүй нутаг буцах төлөвтэй байна хэмээн мэдэгджээ.

 

WWW.MGLRADIO.COM

 

Солонгос мэдээ булан 


Articles

1 2 3 4 5 6 7 8 9 10