Кван Мёнг дүүргийн иргэд нүхэн гарцыг эсэргүүцэн жагсжээ

by СолонгосМэдээ posted Jun 27, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

download.jpg

  Сөүл хот болон Кёнг Ги мужийн Кван Мёнг дүүргийг холбосон Сөүл-кван Мёнг хурдны замын газар доорх нүхэн гарц өрөмдөх ажлыг зогсоохыг Сөүл хотын Куро дүүргийн Ханг Дунг хорооллын оршин суугчид шаардаж байна. 

   Учир нь уг нүхэн гарцыг өрөмдөх 1.1 км-ийн маршрутад тус хорооллын орон сууцны хороолол байдгаас гадна энд хүүхдийн цэцэрлэг, бага болон дунд сургуулиуд байршдаг юм байна.

   Оршин суугчдын зүгээс энэхүү нүхэн гарцыг өрөмдөх техник хэрэгсэл, өрөмдлөгийн явцад хийх тэсэлгээ зэрэг нь тус хорооллын барилга байгууламжид нөлөөлж нурах эрсдэл үүсгэнэ хэмээн үзэж буйгаас гадна нурдаггүй юм гэхэд гарцыг барьж дуусах хүртэл айдас, хүйдэстэй байна гэдэг нь амь нас, эрүүл мэнд, эд хөрөнгийн баталгаа болохгүй гэжээ.

   Өнгөрсөн оны 9 сард Сөүл-ийн Санг Ду цэцэрлэг нурсан нь яг үүнтэй ижил нүхэн гарц гаргах явцад тохиолдсон осол байсан бөгөөд тухайн газрын хөрсний суултыг тооцоолоогүйгээс гарсан осол энд дахин давтагдахгүй гэсэн баталгаа биш гэж үзээд байгаа юм байна.

   Мөн тэд өнөөдөр “Хөх ордон”-ы өмнө барилгын ажлыг зогсоохыг шаардан сэтгүүлчдэд хэвлэлийн хурал зарлан эсэргүүцлээ илэрхийлээд байна.

 

   Харин тус улсын Зам тээвэр, дэд бүтцийн яамнаас “Сөүл-Кван Мёнг хурдны замын ажлыг 2023 онд дуусгах төлөвлөгөөтэй байгаа бөгөөд уг хурдны зам нь нийт уртаараа 20.2 км, хоёр талдаа 4-6 эгнээ бүхий өргөн байх ба Хунам-ын эх газраас Чүнг Чонг-ийг дамжин Кёнг Ги мужийн хойд хэсгээр дайран өнгөрөх 261 км-ийн урттай Ик Сан-Мүн Сан-ы хурдны замын нэг хэсэг юм” хэмээн тайлбарлаад байгаа ажээ.  

WWW.MGLRADIO.COM

Солонгос мэдээ булан


Articles

1 2 3 4 5 6 7 8 9 10