Хойд Солонгосоос зугтан гарсан ч Өмнөдөд ажлаа олж чадсан дүрвэгч

by СолонгосМэдээ posted Jun 28, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

57700_22014_4410.jpg

   “Хойд Солонгосын дүрвэгсдийн нийгмийн амьдрал дорой” гэсэн сэдвийн нөгөө талаар тэдэнд урам зориг, үлгэр дуриалал болохоор амьдарч буй иргэд Өмнөдөд цөөнгүй бий. Өнөөдөр тэдний нэгээхэн хэсгийг төлөөлөх нэгэн хүний талаар товчхон танилцуулъя.

   Ансан хотын Гадаадын иргэдэд туслах нийгэмлэгийн тусгай эргүүл, хамгаалалтын албаны ажилтан 47 настай И Чон нь 2007 онд Хойд Солонгосоос зугтан гарч Хятад, Лаос, Тайланд-аар дамжин Өмнөдөд ирж суурьшин 10 гаруй жил тус улсын түр иргэншилээр амьдарч байгаан дээр 2014 оны 4 дүгээр сараас эхлэн дүрвэгч буюу шилжин суурьшигчдад туслах ажлыг нэр төртэй хийсээр ирсэн ба 6 дахь жилдээ тус нийгэмлэгийн үндсэн ажилтнаар томилогджээ.

   И Чон нь бага наснаасаа нийгмийн үйлчилгээний ажилд сонирхолтой байсан ба төмөр замын инженер болохыг мөрөөдөж ирсэн нь анхнаасаа ажилдаа чин сэтгэлээсээ хандах итгэлийг төрүүлж, дүрвэгч иргэнд хамгийн чухал халуун, дулаан сэтгэлийг гаргаж чаддагаараа олонд танигдсан байна.

   Тэрээр “Бүх хүмүүс аз жаргалтай байгаасай, гэр бүлээрээ аюулгүй орчинд ажил олж хийгээд амьдарна гэдэг аз жаргалтай амьдрал биш гэж үү? Би ч ялгаагүй дүрвэгч, цагаач иргэн хамтдаа туслаад хамтдаа сайхан амьдарна гэж бодоход л үүнээс илүү бахархалтай ажил байхгүй” гэж боддог гэжээ.

57700_22015_4438.jpg

   Түүний хариуцан ажиллаж амьдарч буй Ансан хот 710.000 хүн амтай ч үүний 86.780 нь 100 гаруй улсаас ирсэн гадаадын иргэд нэгэн сэтгэлээр ажиллаж амьдарч байгааг харахад “Солонгос доторхи жижигхэн ертөнц” хэмээн дуудагддаг ажээ.

   И Чон-ы хувьд Ансан хотод болж буй гадаадын иргэдтэй холбоотой бүх хэрэгт нэн тэргүүнд дуудагдан ажиллахдаа юуны түрүүнд тэдэнд хүнлэг ёсоор хандахыг чухалчилдаг байна.

   Мөн И Чон “Хайрлаж чадвал тэнгэрийн үүд нээгдэнэ” гэдэг зүйр үг шиг Өмнөд Солонгост амьдрахаар шийдсэн гадаад, дотоодын хэн ч байсан эерэг хандаж чадвал бүгд хүссэн зорилгодоо хүрнэ гэдэгт итгэдэг гэжээ.
 

WWW.MGLRADIO.COM

Солонгос мэдээ булан 

 

Who's СолонгосМэдээ

profile

Articles

1 2 3 4 5 6 7 8 9 10