Хууль бус цагаачийг байцаасан цагдаагийн ажилтныг орчуулга хийж өгсөн танил нь түлхэн саатуулж, зугтах боломж олгожээ

by СолонгосМэдээ posted Jun 28, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

Y26er73IxLwEXhe2CIy4S8262s3AcwLRFHRLAu3K-1560474799.png

   БНСУ-д жолооны үнэмлэхгүйгээр осол гарган хэргийн газраас зугтсан хууль бус гадаадын иргэн 40 настай “А”-г 10 цагийн дараа баривчлан, шалгаж байгааг өчигдөр мэдэгджээ.

   “А” нь өнгөрсөн Ням гарагийн 20:20 цагт Инчеон хотын Намдун дүүргийн нэгэн уулзвар дээр унадаг дугуйтай гарцаар нэвтэрч явсан эмэгтэй “Б”-г машинаар мөргөн хэргийн газраас зугтсан байна.

   Азаар “Б” нь хүндээр шархдаагүй ба түргэн тусламжийн анхан шатны хөнгөн тусламж аван гэртээ харьсан байна. Харин энэ үеэр ослын дуудлагаар очсон цагдаагийн ажилтан хэргийн газар дээр “А”-гаас байцаалт авахаар Солонгос хэлээр ярилцах мөчид ойлголцоогүйн улмаас өөрийн танил “С”-ийг дуудан орчуулга хийж өгөхийг хүсчээ.

   Энэ нөхцөл байдалд “А” нь хууль бусаар оршин суудгаа тайлбарлан ойлгуулсан бөгөөд түүнийг баривчлахаар завдах тэр мөчид зугтан одсон ба орчуулга хийж байсан “С” хүртэл цагдаагийн ажилтныг саатуулан түлхэж “А”-д зугтах боломж олгосон байна.

   Хэргийн газраас зугтсан “А”-г цагдаагийн газраас 10 гаруй цагийн дараа буюу өнгөрсөн Даваа гарагийн 06:19 цагт Кёнг Ги мужийн Хуа Сон-оос баривчилсан бөгөөд одоогоор аль улсын иргэн болохыг нь илчлэхээс татгалзаад байгаа ажээ.

   Мөн Инчеоны цагдаагийн газраас албан үүргээ гүйцэтгэх явцад саад учруулсан хэргээр “С”-ийг саатуулаад байгаа юм байна.

   Цагдаагийн газрын ажилтан “А нь хууль бусаар оршин суудгаа илчлэх үедээ шийтгэлээс зайлсхийхийн тулд зугтсанаа хүлээсэн бөгөөд түүний жолооны үнэмлэхгүй машин барьж явсан, хүн мөргөсөн хэргийг шалгаж дууссаны дараагаар цагаачлалын албанд шилжүүлэх болно” хэмээн мэдэгджээ.  

 

WWW.MGLRADIO.COM

 

Солонгос мэдээ булан

Who's СолонгосМэдээ

profile

Articles

1 2 3 4 5 6 7 8 9 10