Хууль бусаар оршин суугч гадаадын 355 мянган хүнээс 4 долоо хоногт 536 хүн л илрүүлжээ

by СолонгосМэдээ posted Jul 02, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

2010317_506599_3522.jpg

   Өнгөрсөн жил БНСУ-ын Аялал жуулчлалын салбар идэвхи чармайлттай ажилласан ч орж ирсэн жуулчдын дунд Чүн Чон болон Чүн Нам мужийн хойд нутгуудад хууль бусаар оргон зайлсан иргэд нэмэгдсэн гэж үзжээ.

   Үүний үр дүнд хууль бусаар хөдөлмөр эрхлэгчдийн тоо тасралтгүй хурдан өсөн нэмэгдэж байгаа нь тэднийг шалгах, илрүүлэх ажилд ихээхэн бэрхшээл учруулаад байгаа ажээ. Тус улсын цагаачлалын алба өчигдөр буюу энэ оны 6 дугаар сарын эцсийн байдлаар 355 126 хууль бус цагаач оршин сууж байгааг тогтоосон ба энэ нь 2017 онд 251 041 байсан хууль бус цагаачдын тооноос даруй 40%-иар өссөн үзүүлэлт юм байна.

   БНСУ-ын Хууль хяналтын байгууллагууд хамтран “Хууль бус цагаачдыг илрүүлэх тусгай ажиллагаа”-г өнгөрсөн 5 дугаар сард 4 долоо хоногийн турш зохион байгуулсан боловч үр дүнд нь 536 хууль бус цагаач иргэнийг илрүүлэн нутаг буцаасан байна. Энэ нь хууль бус цагаачид хяналт шалгалтын үед хөдөлгөөнүй байдагтай холбоотой бөгөөд яг үнэндээ ажиллаж байгаа газраас нь барих ганцхан төлөвлөгөө байдаг ч дотоодын иргэдийн үүрэг оролцоо хангалтгүй байгаагаас амжилтад хүрэхгүй байна гэсэн дүгнэлтэд хүрчээ.  

   БНСУ-д өнөөдөр бодит байдал дээр Е-9 визээр орж ирсэн гадаадын иргэдийг Кёнг Нам-ын хойд хэсэг ба Жоннам-тай нийлүүлэн тооцвол Чүн Нам-д 33%, Чүн Бүк-т 37%-тай байгаа нь хамгийн ихээр хууль бус гадаадын иргэд оршин сууж буй бүс нутагт тооцогдоод байгаа юм байна.

   Тус бүс нутгийн хуулийн ажилтан “Одоогоор хууль бус цагаачдад зориулсан хууль маань дэндүү хөнгөн байгаа учраас тэдний тоо нэмэгдэхээс өөр аргагүй байдалд байна” гээд “Онцгойлон сайн дураараа нутаг буцах тохиолдолд үзүүлдэг хөнгөлөлтийг зогсоож орж ирсэн өдрөөр нь торгууль оногдуулдаг болох нь зүйтэй” хэмээсэн байна.

   Түүний хэлснээр шалгалтын явцад илрүүлэн баривчилсан тохиолдолд орж ирсэн хугацаагаар нь тооцож 20 хүртэл сая воноор торгож байх саналтай байгаа ажээ. Эс бөгөөс хууль бус цагаач иргэдэд хүлээх хариуцлага байхгүйн дээр дуртай цагтаа сайн дураараа нутаг буцлаа гэхэд тус улсын зүгээс тэднийг торгох болон хуулийн хариуцлагаас нь сайн дураараа чөлөөлөн буцааж байгаа нь хууль бус цагаачдыг өөгшүүлж байгаа явдал хэмээн үзэж байна гэжээ.

WWW.MGLRADIO.COM 

Солонгос мэдээ булан

Who's СолонгосМэдээ

profile

Articles

1 2 3 4 5 6 7 8 9 10