Хууль бус гадаадын иргэдэд хүний эрх тэгш үйлчлэх ёстой

by СолонгосМэдээ posted Jul 10, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

2018090600182_0.jpg

   Өнөөдөр/2019.07.10/ БНСУ-ын “Үндэсний өдөр тутмын сонин”-ы сэтгүүлч Ким Хөнг Шиг тус улсын Канг Вон Сам Чог цагдаагийн газрын Мэдээллийн аюулгүй байдал, гадаад хэргийн хэлтсийн дарга Жин Юүн Сү-гээс авсан ярилцлагыг хүргэж байна.
6fb518f6b7e94679f366e4cc6c6b2d61_1562575755_47.jpg

   Олон улсын солилцоо улам идэвхжиж иргэдийн амьдралын түвшин сайжрахын хирээр БНСУ-д оршин суух гадаадын иргэд тэр дундаа хууль бусаар оршин суух гадаадын иргэдийн тоо жилээс жилд өссөөр байна. Энэ нь тус улсын хөдөлмөрийн зах зээлд гадаадын иргэд тодорхой хувийг эзлэх болсонтой холбоотой.

   Тухайлбал газар тариалан, загас агнуурын хүнд хэцүү ажилд гадаадын иргэд болон хууль бус гадаадын иргэд жинтэй байр суурийг эзлэх болсноор олон үндэстний гэр бүл гэх нэр томъёо үүсч тэдний зүгээс энэхүү гэр бүлийг авч явах хүндхэн үүрэг ноогдоод байна.

   Хэдийгээр манай улсын засгийн газраас үндсэн салбарыг дэмжихийн тулд шаргуу ажиллаж байгаа ч хууль бусаар оршин сууж, хөдөлмөр эрхэлж буй гадаадын иргэдэд тавих хяналт аль хэдийнэ алдагдсан гэж үзэж болох хэмжээнд хүрчээ.

   Өнөөгийн байдлаар манай улсад хууль бус гадаад иргэдийн тоо 355 126 хүрээд байгаа нь нийгмийн зүгээс “Гадаадын иргэдийг үзэн ядах” хандлага ажиглагддаг ч манай улс нь хүний эрхийн төлөө тэмцэгч орнуудтай хамтран ажилладаг орон юм.

   Иймээс хууль бус цагаач иргэдийг шударга бусаар гадуурхах, албадан гаргах гэхээсээ илүүтэй тэдний нийгэмд оруулж хувь нэмрийг нь үнэлж далд зөрчигдөж буй хүний эрхийг хамгаалах, хүчирхийллээс чөлөөлөх дорвитой арга хэмжээ авах нь зүйтэй юм.

   Саяхан нэгэн гадаадын эмэгтэй гэр бүлийн хүчирхийлэлд өртсөн нь олон нийтийн сүлжээнд ил болсноор тухайн орны ард иргэдийн зүгээс эсэргүүцэх хөдөлгөөн хүртэл өрнүүлж эхэлсэн нь БНСУ-ын нийгэмд нөлөөлж байгаа нь яах аргагүй нуугдмал хүний эрхийн олон зөрчлүүдийн нэгээхэн хэсэг бөгөөд манай улсын цагдаагийн ажилтнууд тэрхүү харанхуй нуугдмал гэмт хэргийг илрүүлэх ажилд илүү их хүч зарцуулсаар ирлээ.

   БНСУ-ын цагдаагийн газар 2013 оноос эхлэн “ Хууль бус цагаачдыг чөлөөлөх систем”-ийг хэрэгжүүлж ирснээр хууль бус цагаач иргэдийг гэмт хэргийн халдлагаас урьдчилан сэргийлэх зорилгоор ажиллаж буй хэдий ч тэдний зүгээс энэхүү арга хэмжээг төдийлөн ойлгож хүлээн авахгүй байгаа нь нэг талаас хэлний бэрхшээл нөгөө талаас сурталчлан таниулах ажил дутуу байгаатай холбон үзээд байна.  

   Хэрвээ манай улсын нийт иргэд энэхүү арга хэмжээний давуу талыг хууль бус гэлтгүй гадаадын бүх иргэдэд сурталчлан таниулах ажилд хамтран гар бие оролцож тэдний үүрэг, хариуцлагыг ойлгуулснаар хууль бус цагаач гэдэг нэр томъёо алга болно гэдэгт би итгэдэг.

 

   Хууль бус цагаач хэмээн нэрлэгдээд буй иргэд нь ихэвчлэн хөгжиж буй орны иргэд байдаг бол БНСУ нь тэдэнд чиглэсэн хүний эрхийг тунхаглах зам нь алс хол бус хажууханд байна гэдгийг харах ёстой гэжээ.

     125721_79588_300.jpg

WWW.MGLRADIO.COM 

Солонгос мэдээ булан  

 


Who's СолонгосМэдээ

profile

Articles

1 2 3 4 5 6 7 8 9 10