БНСУ-д ажлын байрны дарамт учруулбал 3 жил шоронд хорих шинэ хууль хэрэгжиж эхэллээ

by СолонгосМэдээ posted Jul 17, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

img_20190622131756_7da7851f.jpg

   БНСУ-д ажлын байрны дарамттай тэмцэх шинэ хууль өчигдрөөс буюу 2019.07.16 өдрөөс хэрэгжиж эхэллээ.

   Энэхүү шинэ хуулийн дагуу шударга бусаар ажилтнаа халсан болон ажлын байрны дарамт учруулахыг завдсан ажил олгогч 3 хүртэл жил шоронд хоригдох, эсвэл 30 сая воны торгууль хүлээх ажээ.

   Өнөөдөр тус улсын нийгмийн харилцаанд дээд албан тушаалтан нь доод ажилтнаа янз бүрээр доромжлон дээрэлхэх, дарамтлах үзэгдэл түгээмэл байдаг бөгөөд үүнийг “габ-жил буюу ажил олгогчийн дарамт” хэмээн нэрлэдэг байна.

   “Ажлын байрны дарамт-119” төрийн бус байгууллага/ТББ/ үүний нэгэн тод жишээ болох даргынхаа хүүхдийн гэрийн даалгаврыг хийх, даргынхаа тушаалаар хүссэн хөдөлгөөнөөр нь бүжиглэх, даргынхаа цагаан үсийг түүж өгөх гэх зэрэг хүний ёсноос гажууд янз бүрийн дарамтын хэлбэр газар авсан байдгийг мэдээлжээ.

download.jpg

   Саяхан БНСУ-ын Засгийн газрын зүгээс хийсэн судалгаанд хамрагсадын гуравны хоёр нь ямар нэг байдлаар дарамтлуулж байсан болон нийт оролцогсдын 80% нь дарамтлах үзэгдлийн гэрч болж байснаа хүлээн зөвшөөрсөн байна.

   Ажлын байрны төлөөх ширүүн өрсөлдөөн, компаниуд дахь албан тушаалын олон шатлал, захирах захирагдах хүчтэй ёс, эдийн засагт нь гэр бүлийн компаниуд ноёлдог зэрэг шалтгаанууд “габ-жил”-ийг бий болоход нөлөөлөх гол хүчин зүйл болж байна гэж судлаачид үздэг ажээ. 

022618garlicgirls4_960x540.jpg

   Түүгээр зогсохгүй энэхүү дарамт нь зөвхөн бизнесийн салбарт байдаг үзэгдэл биш болсон бөгөөд тамирчдын дунд дасгалжуулагч багш, дээд оны ах, эгч нартаа дарамтлуулах үзэгдэл түгээмэл байдаг болсон нь илэрсээр байгаагын нэгэн жишээ нь өнгөрсөн оны Пёнг Чан-ы өвлийн олимпийн үеэр “Garlic girls” гэж алдаршсан Өмнөд Солонгосын кёрлингийн мөнгөн медальт эмэгтэй баг сүүлд дасгалжуулагч нарынхаа зүй бус харилцааны талаар баримтуудыг дэлгэн олныг шуугиулаад байгаа юм.

images.jpg

   Мөн судлаачид шинэ хууль хэрэгжиж эхэлснээр “габ-жил” бүрэн алга болохгүй ч өөрчлөлтийн эхлэл болно гэж найдаж байгаа бөгөөд тус улс нь олон жилийн турш Японы колончлолд өртөсний дараа Хоёр Солонгосын дайны уршгаар цэргийн дарангуйлагч дэглэмд удаан захирагдаж ирсэн нь нийгмийг шатлан захирах ёсонд өөрийн эрхгүй гүнзгий автуулсан нь нөлөөлсөн хэмээн үзэж байгаагаа мэдэгджээ. 

WWW.MGLRADIO.COM 

Солонгос мэдээ булан  

 

 

 

Who's СолонгосМэдээ

profile

Articles

1 2 3 4 5 6 7 8 9 10