БНСУ-ын ХЗЯ хууль бус цагаач ажилчдын амь насанд хариуцлага хүлээлгүй булзаж байна

by СолонгосМэдээ posted Jul 18, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

00502450_20190717.jpg

   Өнөөдөр/2019.07.18/ хууль бус цагаачлалын шалгалтын явцад амь насаа алдсан Мянмар улсын иргэн Тан Жо Тей-гийн хэрэгт БНСУ-ын Хууль зүйн яам/ХЗЯ/-ыг хариуцлага хүлээхийг шаарджээ.

   “Тан Жо Тей-гийн хэрэгт арга хэмжээ авах түр хороо”-ны мэдэгдсэнээр тус улсын “Хүний эрхийн үндэсний хороо”/ХЭҮХ/-ны хийсэн мөрдөн шалгалтаар тогтоогдсон “Цагаачлалын албаны ажилчдын хүч түрэмгийлсэн шалгалт”-ын уршгаар хүний амь эрсдээд байхад тус улсын ХЗЯ нь хариуцлага хүлээхээс цааргалан, буруутай талыг тогтоох ажилд өдийг хүртэл тууштай арга хэмжээ авахгүй байгаа нь хүний эрхийг зөрчиж байна гэж үзжээ.

   Мөн ХЗЯ болон Цагаачлалын алба нь ХЭҮХ-ны зөвлөмжийг зөрчин хэт түрэмгийлсэн буюу хүний эрхийг үл тоомсорлон гадаадын цагаач иргэдийн амьд явах эрхийг хязгаарласан болчимгүй үйлдэл мөн болохыг “Тан Жо Тей-гийн хэрэгт арга хэмжээ авах түр хороо”-ноос мэдэгдээд байна.

   Тан Жо Тей нь өнгөрсөн оны 8 дугаар сард Кёнг Ги мужийн Ким По-гийн нэгэн барилгын ажлын талбайд Цагаачлалын албаны хууль бус цагаач иргэдийг ажлын байран дээр нь нухчин дарах шалгалтаас зайлсхийхийн тулд зугатахдаа 7.5 метрийн өндрөөс халитарч унан амь насаа алджээ.

   Өнгөрсөн 2 дугаар сард ХЭҮХ-оос тус улсын ХЗЯ-нд хариуцлага хүлээх талуудыг тодруулахыг шаардсан боловч тус яамнаас “Хууль эрх зүйн журам”-д заагаагүй шалтгаанаар уг шаардлагыг хүлээж аваагүй байна.

00502449_20190717.jpg

WWW.MGLRADIO.COM 

 

Солонгос мэдээ булан   

Who's СолонгосМэдээ

profile

Articles

1 2 3 4 5 6 7 8 9 10