БНСУ-ыг зорих иргэд зөвхөн “Харлах” зорилгоор бус бүх шатанд өссөн үзүүлэлтэй гарчээ

by СолонгосМэдээ posted Jul 18, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

image_readtop_2019_537070_15634311043831906.jpg

   Өнгөрсөн жил БНСУ-ын хилийн дээсийг давсан 200 000 шахам гадаадын иргэн хууль бусаар үлдсэн мэдээллийг өнөөдөр тус улсын статистикийн хорооноос гаргажээ.

   Энэ нь 2017 оны эцсийн байдлаар 175 000 гадаадын иргэн хууль бусаар үлдэж байсан тооцооллоос 11.9%-иар нэмэгдсэн ба 2018 оны эцсийн байдлаар нийт хууль бусаар үлдсэн 195 000 гадаадын иргэн бүртгэгдсэн үзүүлэлт ажээ.Тодруулбал уг статистик судалгаагаар тус улсыг аялал жуулчлалын визээр 33 000, богино хугацааны айлчлалын визээр 63 000, бизнес айлчлал болон түр хугацаа/90 хоног/-ны визээр 99 000 иргэн тус тус орж ирэн “харласан” нь тогтоогдсон байна.

   Үүнээс үзвэл дээрхи 3 төрлийн визний аль аль нь тус улсад дээд тал нь 90 хоног хүчинтэй боловч тус улсад орж ирсэн гадаадын иргэд уг давуу талыг ашиглан хууль бусаар үлдэх сонирхол давамгайлж байна гэж үзжээ.

   Тус улсын статистикийн хороо нь өнгөрсөн 2018 оны 1-4 дүгээр сард БНСУ-ын Засгийн газрын зүгээс Пёнг Чан-ы өвлийн олимпод Зүүн Өмнөд Азийн орнуудыг идэвхитэй оролцуулах үүднээс хэд хэдэн улсад визгүй зорчих эрхийг нээж өгснөөр тус улсын хилийн босго давах шалгуурыг сулруулж, хууль бусаар үлдэх иргэдийн сонирхлыг нэмэгдүүлсэн хэмээн тайлбарлаад байгаа юм байна.

   Мөн үүний зэрэгцээ тус улсад Солонгос болон бусад хэлний сургалт, их дээд сургуульд суралцахаар ирсэн оюутан сурагчдын тоо урьд жилийнхээс 11 мянгаар буюу 18.6%-иар өсч өдгөө 69 000 гадаадын оюутан сурагчид тус улсад бүртгэгдээд байгаа юм байна. Тодруулбал өнөөгийн байдлаар Солонгос болон бусад хэлний сургалтад 33 000 эхлэн суралцагч, их дээд сургуульд суралцахаар 35 000 оюутан бүртгэгдээд байгаа нь мөн урьд жилийнхээс тус бүр 11.8%, 25.8%-иар нэмэгдсэн ажээ.  

   Бас нэгэн сонирхолтой статистик гарсан нь тус улсад албан ёсоор буюу хөдөлмөрийн гэрээгээр ажиллаж буй 126 000 гадаадын иргэн бүртгэгдсэн байдгаас 107 000 нь ямар нэгэн тодорхой мэргэжилгүй нь тогтоогдсон ба дөнгөж 13 000 нь л мэргэжлийн чиглэлээрээ ажиллаж үлдсэн 6000 нь жижиг дунд бизнес, техник технологийн сургалт, хөрөнгө оруулалт, далайн аж ахуй зэрэг салбарт ажилладаг гэсэн судалгаа гарчээ.

   Түүнээс гадна тус улсад хуримлан гэр бүл болон амьдрахаар ирсэн гадаадын иргэд 7.5%-иар өсч 13 000 болсон ба тус улсын иргэнтэй хамтран амьдрах нөхцлөөр 26 000 иргэн, хувьцаа эзэмшигч 6 000 иргэн тус тус бүртгэгджээ.

   Харин БНСУ-д гадаадаас эргэж ирэх өөрийн орны харъяат иргэд 5.6%-иар нэмэгдэн 55 000 болсон байна.   

WWW.MGLRADIO.COM 

 

Солонгос мэдээ булан  

Who's СолонгосМэдээ

profile

Articles

1 2 3 4 5 6 7 8 9 10