Өмнөд Солонгост бас нэгэн Монгол бүсгүй шинэ ажилд өөрийгөө сорихоор сэтгэл шулууджээ

by СолонгосМэдээ posted Jul 26, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

20190724140626939530713.jpg

   “Би Монгол улсаас ирсэн, одоогоор хүргэлт үйлчилгээний том машины жолооч хийж байгаа ба хүсэл мөрөөдлийхөө дагуу шинэ ажилд өөрийгөө сорихоор шийдсэн”. Тиймээ энэ хүн бол 2013 онд БНСУ-ын Ку яан хотын Илсан дүүрэгт тус улсын иргэнтэй хуримлан ирсэн бэр, хоёр хүүхдийн ээж болсон И Хэ Ми буюу Мөнх-Учрал юм.

   Тэрээр 6 жилийн өмнө нөхрөө даган Солонгос улсад ирээд ажил хийе гэсэн боловч зан заншил, хэл ус мэдэхгүйн эрхээр нөхрийнхөө хийдэг хүргэлтийн ажилд тусалснаар өдгөө өөрөө бие даан хүргэлт үйлчилгээний том машины жолооч хийж байгаан дээр өдрийн 12:00 цагаас эхлэх өөрийн ажлын онцлогийг ашиглан үдээс өмнөх цагийг сурч, өөрийгөө хөгжүүлэхээр шийдвэрлэн олноос суралцсан зүйлээ бусдад заахаасаа илүүтэй тэднийг сонсдог, ярилцдаг зөвлөгч нь байхыг хүсчээ.

   Түүний энэхүү мөрөөдөл нь өөрийн гэр бүлийн амьдралаас үүдэлтэй тухай ярьсан ба түүний хэлснээр нэг эцэг эхийн хүүхэд мөртлөө том хүүхэд нь Ази төрхтэй байхад бага хүүхэд нь Европ төрхтэйгөөс авахуулаад адил орчинд өсөн торниж байгаа хирнээ зан чанар, сонирхол, мэдлэгийн эрс тэс ялгаатай болох нь ажиглагджээ.

   Үүний тулд хүүхдүүдэд тус улсад гадуурхагдаад буй “Олон үндэстний гэр бүл” хэмээн нэрлэгдсэдийн эв нэгдлийг бүр багаас нь ойлгуулан хүмүүжүүлэх, тэр тусмаа Монгол хүн, Монгол ахуй, соёлыг хүүхдүүдэд багаас нь сурталчлан таниулах шаардлагатайг мэдэрч чадсан байна.

   Хэдийгээр түүний зорьж буй энэхүү сургагч багшийн ажил хүргэлтийн машины жолоочийн цалинд хүрэхгүй ч өнгөрсөн хугацаанд холбогдох сургалт, олон нийтийн ажилд идэвхитэй оролцож ирсэн нь түүний зорилгодоо хүрэх замыг улам сайхнаар гэрэлтүүлж өгчээ.    

 

 

20190724140847638907514.jpg

WWW.MGLRADIO.COM 

 

Солонгос мэдээ булан 

 

 


Articles

1 2 3 4 5 6 7 8 9 10