Умард Солонгос дахь АНУ-ын тагнуул Солонгос гаралтай Америк номлогч байжээ

by СолонгосМэдээ posted Jul 30, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

2019073000345_0.png

   Умард Солонгост баривчлагдаж байгаад өнгөрсөн оны 5 дугаар сард суллагдсан Солонгос гаралтай АНУ-ын иргэн Ким Дунг Чол пастор/Христийн шашны номлогч/ энэ/2019.07/ сард Сөүл хотод хийсэн ярилцлагадаа “БНСУ-АНУ-ын буюу хоёр улсын эрх ашгийн төлөө тагнуулын үйл ажиллагаа явуулсан байж болзошгүй мэдэгдэл өгчээ” хэмээн Умард Солонгосын хэвлэл мэдээллийн NK News агентлагаас өчигдөр /2019.07.29/ мэдээлсэн байна. 

   Ким пастор нь 2015 оны 10 дугаар сард Умард Солонгосын хойд Хам Кёнг мужийн На Сон-оос баривчлагдсан бөгөөд 2016 оны 4 дүгээр сард тагнуулын болон үндэсний тогтолцоонд заналхийлсэн хэргээр 10 жил албадан хүнд хөдөлмөр хийлгэх ялаар шийтгүүлсэн байна.    
   Тухайн үед Умард Солонгосын Хэвлэл мэдээллийн төв агентлаг Ким-ийг “Өмнөдийн засгийн газрын хууран мэхлэгчдийн тушаалаар Умардын газар нутаг, төрийн болон цэргийн нууцыг цуглуулах зорилгоор системчилсэн зохион байгуулалттай тагнуулын үйл ажиллагаанд оноосон шийтгэл” гээд “Ким нь энэ хэргээ хүлээн зөвшөөрсөн” хэмээн мэдэгдэж байжээ.

   Ким нь өнгөрсөн оны 6 дугаар сард Сингапур улсад болсон АНУ-Умард Солонгосын дээд хэмжээний анхны уулзалтаас 1 сарын өмнө мөн Солонгос гаралтай АНУ-ын иргэн Ким Санг Дог болон Ким Хак Сун нарын хамт АНУ руу буцсан ба NK News агентлагт өгсөн ярилцлагадаа Ким хэвлэлийн бага хурлын үеэр АНУ-ын ашиг сонирхолтой холбоотой мэдээллийг олж авахын тулд АНУ-ын Тагнуулын төв газар (ТТГ- CIA) -тай хамтран ажилласан хэмээн үнэнээ хүлээжээ. 

   Мөн тэрээр “Би камер суурилуулсан цагны тусламжтайгаар зураг авч, бичлэг хийж байсан ба радио долгионы чагнах төхөөрөмжийг мөн ашигласан бөгөөд намайг Умардад АНТЕН-ы үүрэг хүлээн ажиллахыг даалгасан” гэжээ. Ингэснээрээ миний бие ганц шөнийн дотор урвагч болж албадан хөдөлмөрийн лагерьт хоригдож нэр хүнд маань газарт унасан хэмээн нэмж хэлжээ.  

   Ким пастор АНУ-ын тагнуулын байгууллагаас Умард Солонгосын цэргийн болон цөмийн хөтөлбөрийн талаар дэлгэрэнгүй мэдээлэл цуглуулахыг хүссэн ба хиймэл дагуулын зургаар На Жин боомтод сэжиг бүхий хөлөг онгоц илрүүлснийг баталгаажуулах ойрын зураг авахыг даалгасан бөгөөд миний бие уг хөлгийг ямар зорилгоор ашиглаж буйг илрүүлэн баривчлагдахын өмнө бүх мэдээллийг дамжуулсан гэсэн байна.

 

   Харин NK News агентлаг Ким Дунг Чол-ын  мэдэгдлийг баталгаажуулахыг АНУ-ын Хууль зүйн яам, Тагнуулын төв газар, Төрийн департмент, Үндэсний тагнуулын албанаас хүссэн боловч одоогоор хариу ирээгүй байна гэжээ.

WWW.MGLRADIO.COM 

 

Солонгос мэдээ булан 


Articles

1 2 3 4 5 6 7 8 9 10