Хууль бус ажилчид эхнээсээ гомдол гарган, асуудал нааштайгаар шийдэгдэж эхлэв

by СолонгосМэдээ posted Aug 12, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

150916_42829_5858.jpg

   БНСУ-ын Хуа-Сонг хотын Пал Тан Мён дүүргийн нэгэн үйлдвэрт Тайланд улсын иргэн эмэгтэй гадаадын ажилчдын хойшлогдсон цалинг нэхэмжилсэн шаардлагын хариуд тус үйлдвэрийн эзэн тэднийг хууль бусаар оршин суусных нь төлөө цалингаа хойшлуулсан хэмээн тайлбарласан явдал гарчээ.

   Өчигдөр/2019.08.11/ Кёнг-Ги мужийн Хөдөлмөр эрхлэлтийн товчооны  мэдэгдсэнээр “А” тэргүүтэй Тайланд улсын 2 эмэгтэй нь уг Пал Тан Мён дүүргийн “S” үйлдвэрийг өнгөрсөн жилийн 1 дүгээр сараас эхлэн 13 сарын хугацаанд цалингийн доод хэмжээнээс бага цалингаар ажиллуулахдаа хоол, байрны мөнгийг тусад нь төлүүлж байсан гэж мэдэгдсэн бөгөөд ажлаас халадсаны тэтгэмжийг шийдвэрлээгүй хэмээн хөдөлмөр эрхлэлтийн товчоонд гомдол гаргасан байна.  

   “А” нь нутагтаа гэр бүлээ тэжээн тэтгэхээр тус улсыг зорин ирээд 13 сарын хугацаанд долоо хоногийн 6 өдөр өглөө 08:00-20:00 цаг хүртэл 12 цагаар ажиллахдаа эхний 3 сарын цалингийн урьдчилгаа хэмээн 1.5 сая вон, хэдэн сарын дараа цалингаасаа 1.6 сая вон авсан ч амралтын өдөргүй ажиллаж заримдаа амралтын өдрөө чөлөө гуйн амарч байсан гэж мэдэгджээ.

   Мөн жижигхэн өрөөнд мөнгөний бололцоо багатайн улмаас гурвуулаа нийлж амьдарч байсан ч зөвхөн тэрхүү жижиг байрандаа сарын 100 000 воны түрээс төлөхийн дээр ус, цахилгаан зэрэг ахуйн зардалд 70 000 вон төлдөг байснаа ярьжээ.

   Тэднийг тус үйлдвэрээс цалингаа шаардах болгонд үйлдвэрийн эзэн хууль бусаар оршин суудагаар нь дарамтлан цагаачлалын албанд мэдэгдэнэ хэмээн сүрдүүлдэг байсан ба тэд ч баригдахгүйн тулд чимээгүй хүлээдэг болсон ч “А”-г/тухайн үед ажлаасаа гарсан байсан/ тэдний толгойлогч гэж үзэн түүнийг барьж ирэхгүй бол цалинг чинь өгөхгүй гэдэг болжээ.

   Харин “S” үйлдвэрийн ажилтан “Мэдээж хэлний бэрхшээлээс шалтгаалан ойлголцохгүй үед үйлдвэрийн зүгээс хатуу шаардлага тавьж байсан ч тэднийг гадаадын тэр тусмаа хууль бусаар оршин суудаг талаар доромжилж сүрдүүлсэн зүйл байхгүй” гээд “Үнэндээ үйлдвэрийн зүгээс хүнд байдалд орсны улмаас хууль бус гадаад иргэдийг ажиллуулж ирсэн, гэхдээ тэд гэнэт халагдсаны тэтгэмжийн талаар дурьдсан зүйлгүй” гэж мэдэгдсэн байна.

 

   Кёнг-Ги мужийн Хөдөлмөр эрхлэлтийн товчоонд ирсэн гомдлын дагуу тус улсын Хөдөлмөрийн яам хохирогчийн төлөгдөөгүй цалингийн хэмжээг тогтоон судалж “S” үйлдвэрээр төлүүлэхээр шийдвэрлэсэн бөгөөд хохирогчдыг тодорхой хугацаагаар албадан гаргахыг зогсоох талаар холбогдох байгууллагуудтай хамтран хэлэлцэхээр болжээ.      

images.jpg

WWW.MGLRADIO.COM 

 

Солонгос мэдээ булан


Articles

1 2 3 4 5 6 7 8 9 10