Сөүл хот 2025 он гэхэд бүх барилга, байгууламжаа тамхигүй цэг болгох зорилготой ажиллана

by СолонгосМэдээ posted Aug 13, 2019
?

Shortcut

PrevӨмнөх Бичлэг

NextДараах Бичлэг

ESCХаах

Larger Font Smaller Font Дээш Доош Go comment Хэвлэх

0003234593_001_20190813042505738.jpg

“Бусдыг хохироохгүйн тулд зориуд хүнгүй буланд тамхи татахад яагаад заавал торгууль төлөх ёстой гэж?”

   Сөүл хотын Сочу дүүргийн хурдны автобусны эцсийн зогсоол/고속버스터미널/-ын урд байрлах Central-City-гийн талбайн нэг хэсэгт дунд эргэм насны нэгэн эр тамхи татах цэг/흡연구역/-ийн гадна цахилгаан тамхи татаж байгаад шалгалтаар гарсан Сочу дүүргийн ажилтанд дээрхи асуултыг тавин эсэргүүцжээ.

   Шалгалтын ажилтан түүний хариуд “Хууль дүрмийн хүрээнд энэхүү газарт тамхи татвал 50 000 воны торгууль төлөх ёстой” гэж тайлбарласан боловч нөгөө эр 10 гаруй минут маргалдсаны эцэст бичиг баримтаа үзүүлэн торгууль хүлээжээ.

   Гэвч тэрээр “Энд тамхи татахыг хориглосон ямар ч анхааруулах тэмдэг байхгүй мөртлөө юуны түрүүнд зураг авч, торгууль ярьдаг нь зөв үү?” хэмээн ихэд бухимдангуй хэлэн торгуулийн хуудсанд гарын үсэг зуралгүй уг газраас холдон оджээ.

   Харин шалгалтын ажилтан “Энэ зэргийн хурц ширүүн, хэрүүл маргаангүй торгуулиа төлөөд салж байгаа нь буруугаа бага ч болов хүлээн зөвшөөрсөн явдал” гэжээ.

0003234593_002_20190813042505757.jpg

   БНСУ-ын Засгийн газрын зүгээс нийгмийн дунд иргэдийг тамхидалтад хордох эрсдлийн эсрэг “Тамхи татахыг хориглоно-/금연구역/” цэгийг өргөжүүлж 2025 он гэхэд бүх барилга байгууламж, түүний дотор байрлах тамхины өрөөг хориглох зорилт тавин ажиллаж буй ажээ.    

   Хэдийгээр Сөүл хотын захиргаа тамхи татахыг хориглох цэгийг нэмэгдүүлэн өргөжүүлж байгаа ч тэнд шалгалтаар ажиллах ажилчдын хомсдол асар ихээр үүсч байгаа нь уг ажлын үр дүнд сөргөөр нөлөөлж байгаа ба үүний тулд нийгмийн дунд тамхидалтын эсрэг хүчтэй бодлогыг давхар сурталчлан таниулах шаардлагатай гэж үзээд байна.

   Бодит байдал дээр Сөүл хотод өнөөгийн байдлаар тамхи татахыг хориглох цэг 2016 онд-244 582, 2017 онд-265 113, 2018 онд-282 641 болон тасралтгүй нэмэгдсээр байгаа ч шалгалтын ажилтаны тоо 2016 онд-121, 2017 онд-129 болон өсөж байснаа 2018 онд-113 болон огцом буурсан байна.

   Сөүл хотын захиргааны нэгэн хариуцлагатай ажилтан “Ихэнхдээ шалгалтын ажлын цагийн онцлогоос шалтгаалан ажилтанууд ажлаас гарах нь ажиглагддаг” гээд “Ажиллах хүчийг тогтворжуулахын тулд тус хотын зүгээс шалгалтын ажилтаны тоог аажмаар үе шаттайгаар өргөжүүлэх зорилготой ажиллаж байна” хэмээн мэдэгджээ.

WWW.MGLRADIO.COM 

 

Солонгос мэдээ булан



Articles

1 2 3 4 5 6 7 8 9 10