Цасанд даруулсан уулын орой шиг цагаан толгойтой

Цаг хугацаагаар нүдүүлсэн өвгөдийг харахаар

Сэтгэлийн наран жийнэх шиг болж

Сэрүүн байсан бол аав минь ийм л байх байсан даа гэж бодогдоно

              Алтан үеэ би ингэж л хайрлана

Үрчлээ сууж үс нь шингэрсэн бөгтгөр нуруутай

Үр ачаа дагуулсан эмгэнийг харахаар

Үүлэн чөлөөний наран дайрах шиг болж

Үргэлж санагддаг ээжтэйгээ уулзсан юм шиг бодол төрөх юм

                Ачит ээжүүдийг би ингэж л хүндэлнэ

Золбоо хийморьтой зовхи нь дээшээ хойчийг залгамжлагч

Зовлон үзээгүй сэргэлэн хүүхэд залуусаа харахаар

Хүслийн наран гийх шиг болж

Хүний өөрийн ялгаагүй адилхан хайр хүрэх шиг совин орж ирэх юм

                Амин сүнснүүдээ би ингэж л энхрийлнэ

Дүүрэн эрч хүчтэй дутуугүй  бардам зантай

Дунд насныхныгаа бахархан харахаар

Зүүдний наран ээх шиг болж

Зөн билгийн мэдэрэхүй нээгдэхтэй адил болох шиг сэтгэл зүсэрнэ

                 Амьдралын сор болсон үеийнхэнтэйгээ арай л дотносоно

Ард түмнээ би ингэж л ачилнам

Б Эрдэнэцог

profile