Хосгүй их хувь тавилангаар

Хорвоо дээр хүн болж төрөөд

Алдаж онодог жамыг туулаад

Алтан удмын залгааг дааж

Амьдралын амтыг мэдэрч явна би

Аавынхаа ахуйг үргэлжлүүлж

Ард түмнийхээ дунд хутгалдаж л явна би

Эр хүн болж энх тунх яваадаа бахдаж

Голомт бадраах хүүтэй болсондоо гялааж

Голоо хагартал баярлаж  байснаа

Эргэж нэг санаад хааяа дурсдаг юм

Хүн болсоны хэрэг бүтлээ гэж

Хүдэрхэн цээжиндээ бодож явдаг юм

Бар жилийн өвлийн адаг сард

Бага хүү маань мэндэлж

Дэрсхэн хоёр эгчийнхээ зулайг гишгэж

Дээдсийнхээ дүрийг залгах хүн хувь тавилангаар заяасан юм

Хүж дэлхийг үргэлжлүүлэх зохиолтой

Хүндэт иргэнийг надад эрхэс тэнгэр илгээсэн юм

Ар арын залгаас голомт бадраах нуган үр минь

Амар тайван өсөж торниорой

Аавын хүү амар амгалангийн хаалга минь

Ашид мөнхөд алтан наранд ивээгдээрэй

Хүүгээ төрхөд аав нь их баярласан

Хэвлийдээ тээсэн ээжид нь бас баярласан

Бардам царайтай бахархаж алхсан

Баясал аандаа багтаж ядсан

Миний орой дээр гялалзах хийморийг бэлэгдэж

Мичид, гэж  аав нь чихэнд нь шивнэсэн юм

Миний хүүгийн дуудах нэр энэ юм шүү

Мичидийн дуурсагдах алдрыг өөрөө олоорой хүү минь

Үе залгамжлах үйлс их шүү дээ хүү минь

Үүрэх ачаа арвин шүү дээ үр минь

Үе үеийнхээ амьдралаас суралцаж яваарай хүү минь

Үүлтэй тэнгэрийн доор утга учиртай яваарай үр минь

Б Эрдэнэцог

profile