Залуу зандан наснаасаа цуг ижилдсэн
Заяаны ханиа алдаж ганцаардах юм
Биенээс тасраад уначихсан юм шиг
Битүү өвдөж би ганцаардах юм
Хар бага наснаасаа хамт ижилдсэн
Хайртай хүнээ алдаж ганцаардах юм
Гар хөл тасраад уначихсан юм шиг
Гасалж мухардаад би ганцаардах юм
Ажил хөдөлмөр эрхэлж байгаад тэтгэвэрт гархад ганцаардах юм
Амьтан хүмүүс тоохгүй болхоор аргаа барж ганцаардах юм
Хань ижлээ хайхаас санаа зовж ганцаардах юм
Хааяа хааяа нэг сархаданд согтуурч ганцаардах юм
Гадна гарахаар сэтгэл хоосорч ганцаардах юм
Гэрт орохоор хоймор эзгүйрч ганцаардах юм
Юү хийхээ олж ядан ганцаардах юм
Юм бүхэн руу орж гарч ганцаардах юм
Хамгийн дотносоо хагацаж ганцаардах юм
 Хатуу хүтүүтэй тулж ганцаардах юм
 Ээж аав садан төрлөөсөө салж ганцаардах юм
Элэг бүтэн амьдрал эмтэрч ганцаардах юм
Хүнүү нөмөр нөөлөг үгүйлж ганцаардах юм
Хүүрнэн ярьж суухыг хүсэж ганцаардах юм
Хоол ундаа идэж суухдаа ганцаардах юм
Хоног сараар нойр хулжин ганцаардах юм
Алтан дэлхийн жаргал дотроос
Ханилхийн жаргал эхэн юм
Амьд хүний зовлон дотроос
Ганцаардахын зовлон адгийн юм
Ганцаардлын галав юүлэд өнгрөг өө
Ганцаардхад гашилсан толгойгоо цэвэрлэе
Ганцаардхад гутарсан сэтгэлээ сэргээе
Ганцаардал чамайг ор тас мартъя

   Б.Эрдэнэцог

profile