Сумын наадмын түрүү номхон зээрд минь уяандаа чичирч

Салаа голын ус шөнөдөө хөлдөж хоноод л

Санчиг буурал эжий цайныхаа дээжийг өргөхөд

Саяхан ирсэн бэр нутгаа жаахан санагалзаад

Өргөн талын дундуур хэдэн бараан адуу цувж

Өтгөн айрганд  халамцсан өвгөд ардын дуу аяланхан

Өрхний оосор хавиар цагаан салхи ороогдоход

Өрөм шаргалтсан тогоонд үдийн наран буугаад л

Өрх дэвэлзүүлж ,сэтгэл хөвөлзүүлсэн миний нутгийн намар

Өмнөх жилийнхээсээ илүү сайхан болж байгаа

Ханхайж суудаг аав минь ойрдоо нилээд завгүй

Хадлан оторт бэлтгэж өглөө оройд гэгэлзээд л

Хамгийн сүүлчийн ангир тоонон дээгүүр өнгөрөхөд

Хайлган сэтгэлт ижий минь сүүгээ өргөж хоцроод л

Өдөр өнгөрч орой болохын үест

Өргөн ширэг орчмоор адуу усанд орж

Өнөө хэн гуайн хүү айлын эгчтэй болзонхон

Өнжүүл хайрханы оройгоор бүтэн сар мэлтийж

Миний эзгүй намар хяссан юм шиг сайхан болж байаа

Минжийн хангайн модонд болсон жимс унаж байгаа

profile