Хойд Солонгос улс дунд тусгалтай пуужин харвасан ч амжилтгүй болжээ

0
8

20160415100110186vtiy.jpg

 

     Хойд Солонгос улсад тус улсыг үүсгэн байгуулагч, агуу их удирдагч Ким Ил Син-ий мэндэлсний 104-н жилийн ойг өнөөдөр өргөн дэлгэр тэмдэглэн өнгөрүүлж байгаа ажээ.

    Үүнтэй холбогдуулан өглөөний 05.30 минутад Хойд Солонгосын зүүн орон нутагт байрлах далайн эргээс дунд тусгалтай “Мүсүдан” хэмээх нэртэй, 3000-4000-н км зайд тусах чадвартай пуужин харвасан байна.

    Гэвч уг пуужин нь харвасан даруй агаарт дэлбэрч амжилтгүй болсон юм байна.

    Хойд Солонгос нь “Мүсүдан” пуужинг ОХУ-ын “R-27” нэртэй дунд тусгалтай пуужингийн загвар болон ажиллах зарчим дээр үндэслэн 2007 онд бүтээж энэ тухай зарлаж байсан ажээ.

    Харин тэрхүү пуужинг агуу их удирдагч Ким Ил Син-ий төрсөн өдрөөр харван туршиж, энэ тухай иргэддээ мэдээллэх зорилготой байсан ч ийнхүү амжилтгүй болсон ажээ.

     Хэрвээ “Мүсүдан” пуужинг амжилттай харвасан бол пуужин АНУ-ын Гуам арлын дээгүүр өнгөрч цаана нь байгаа далайн усанд унах байсан юм байна.

 

WWW.MGLRADIO.COM
Солонгос мэдээ булан.

 

20160415091237791knrr.jpg

 

 

 

 

20151012155420025sgtj.jpg