2017031110267458765_1.jpg

 

    Сэлэнгэ аймгийн Засаг даргын тамгын газрын ажилтнууд болон удирдах албан тушаалтнууд бүхий 16-н хүний бүрэлдэхүүнтэй төлөөлөгчид Өмнөд Солонгос улсын Сүнчон дээд сургуульд айлчилж очжээ.

     Айлчлал өчигдөр эхэлсэн бөгөөд Сэлэнгэ аймгийн удирдлагууд нь тус аймагт хүмүүнлэгийн тусламж үзүүлсээр ирсэн Сүнчон дээд сургуультай танилцаж, цаашдын хамтын ажиллагаагаа өргөжүүлэх зорилготой байгаа юм байна.

     Сүнчон дээд сургууль нь Жүнгнам аймгийн Асан хотод байдаг ба 2014 оноос эхлэн Монгол улсын Сэлэнгэ аймгийн иргэдэд төрөл бүрийн хүмүүнлэгийн тусламж үзүүлж, нийтдээ таван удаа, 64-н хүний бүрэлдэхүүнтэй оюутан, багш, ажилтнуудыг илгээж байсан ажээ.

    Айлчлалын үеэр Сүнчон дээд сургуулийн зүгээс Сэлэнгэ аймгийн төлөөлөгчдөд өнгөрсөн хугацаанд үзүүлсэн тусламжийн үйл ажиллагааны тухай тухай богино хэмжээний видео тайланг үзүүлж, сургуулийнхаа үйл ажиллагаатай танилцуулсан байна.

  

 

 

 

WWW.MGLRADIO.COM
Солонгос мэдээ булан.