download (10).jpg

 

   Өмнөд Солонгос улсын 19 дэхь удаагийн ерөнхийлөгчийг сонгох бүх нийтийн сонгуулийн сурталчилгаа өнөөдөр эхэлжээ.

   Сурталчилгааны хугацаа эхэлсэн даруй таван нэр дэвшигч шөнийн 00 цаг 01 минутаас эхлэн сурталчилгаагаа эхлүүлсэн байна.

   Тухайлбал нэр дэвшигч Мүн Че Ын нь 00 цаг 02 минутад олон нийтийн сүлжээгээр өөрийгөө дэмжихийг уриалсан LIVE дамжуулалт хийсэн бол нэр дэвшигч Ан Чол Сү мөн 00 цаг 01 минутад Инчон хотод түүнийг дэмжигчдийн хамт сурталчилгаагаа эхлүүлсэн арга хэмжээ зохион байгуулжээ.

   Харин бусад нэр дэвшигчид шөнийн захаар зочилж тэнд ажиллаж байсан бизнес эрхлэгчдийн санал хүсэлтийг сонсох, гал унтраах төв дээр очиж шөнийн ээлжинд ажиллаж байсан гал сөнөөгчидтэй уулзах зэргээр сонгуулийн сурталчилгаагаа эхлүүлсэн байна.

   Харин цорын ганц эмэгтэй нэр дэвшигч нь Сөүл хотын төмөр замын ажилтнууд дээр очиж, түүнийг дэмжихийг уриалсан ажээ.

   Сонгуулийн сурталчилгаа 22 хоног үргэлжлэх ба ерөнхийлөгчийн сонгууль 5-р сарын 9-нд болох юм байна.