download (5).jpg

    

    Өмнөд Солонгос улсын ерөнхийлөгч Мүн Че Ин Засгийн газраа бүрдүүлж байгаа билээ.

    Тэрээр яамдын сайд нарын нэрийг танилцуулж байгаа боловч тэдгээрийн дундаас хувийн үзүүлэлтээрээ тэнцэхгүй байгаа хүмүүс хэд хэд байгаа юм байна.

    Тухайлбал  ерөнхийлөгч Мүн Че Ин нь Гадаад явдлын яамны сайдын албан тушаалд охиноо АНУ-ын иргэн болгосон эмэгтэйг нэр дэвшүүлж, улс төрийн рейтингээ анх удаа бууруулсан бол хууль зүйн сайдад нэр дэвшигч нь өчигдөр нэрээ татаж авсан явдал болжээ.

     Хууль зүйн сайдад нэр дэвшигч Ан Кёнг Хуа өөрөө өөрийгөө илчилж "Би архидан согтууруулах ундаа уусан үедээ хэд хэдэн удаа автомашин жолоодсон" гэж буруугаа хүлээж байсан удаатай.

    Гэвч түүний бусдаас нууцалж байсан нэгэн гэмт хэрэг илэрсэн нь нэрээ татаж авах гол шалтгаан болжээ.

    Өмнөд Солонгос улсын Хууль зүйн сайдад нэр дэвшигч Ан Кёнг Хуа нь 20-иад настай байхдаа найз бүсгүйнхээ гарын үсэг бүхий хувийн тамгыг хуурамчаар үйлдэж, уг тамгыг дарсан өргөдлөөр гэрлэлтийн баталгаа гаргуулж байсан гэмт хэрэг үйлдэж байсан юм байна.

    Түүний энэхүү гэмт хэрэг удалгүй илэрч, тэрээр шүүх хурлаар орж байсан бөгөөд гэмт хэрэг үйлдсэн хүнийг Хууль зүйн сайдад нэр дэвшүүлсэнийг олон нийт ихээхэн буруушааж байгаа ажээ.

    

 

 

WWW.MGLRADIO.COM
Солонгос мэдээ булан.