2017101209297496589_1.jpg

    Өмнөд Солонгос улсын Кёнгин дээд сургуулийн захирал Ким Кил Жа нь Монгол улсын Засгийн газрын Хүндэт жуух бичгээр өчигдөр шагнагджээ.

     Тэрээр 1997 оноос хойш өнөөг хүртэл сургуулийнхаа сайн санааны тусламжийн багт нэгдсэн оюутнуудыг Монгол улс руу илгээж мод тарих, арчлах, хүүхдүүдэд ном бэлэглэх, эмнэлгийн үнэгүй үзлэг, зөвлөлгөө хийх зэрэг аянд нэгдүүлж байсан төдийгүй Монгол залууст өндөр боловсрол олгох зорилгоор, өөрийн сургуульд үнэ төлбөргүй сурах боломжоор хангаж байсан ажээ.

     Монгол улсын Засгийн газраас Кёнгин дээд сургуулийн захирал Ким Кил Жа-д хандаж, ирэх жил сайн дурын тусламжийн аяны хүрээнд ажиллах гадаадын орнуудын тоонд Монгол улсыг дахин багтаахыг хүссэн байна.

     БНСУ-аас  Монгол улсад суух Онц бөгөөд Бүрэн эрхт элчин сайд У Сун нь Кёнгин дээд сургуулийн захирал Ким Кил Жа-г шагнал хүртсэнтэй холбогдуулан баяр хүргэж, цаашдын ажилд нь амжилт хүсчээ.

 

Солонгос мэдээ булан.

WWW.MGLRADIO.COM