download (6).jpg

 

 

 

    Өмнөд Солонгос улсын Гадаад харилцааны яамны сайд Канг Кёнг Хуа нь сайдын албан тушаалд нэр дэвшигдэж байхдаа "Би АНУ-ын иргэн болсон охиноо иргэншлээс нь татгалзуулж, Өмнөд Солонгос улсын иргэн болгох болно. Манай гэр бүлийнхэн ч энэ шийдвэрийг дэмжсэн" хэмээн мэдэгдэж байсан билээ.

    Тэрээр ингэж мэдэгдсэнийхээ дараа Их Хурлын гишүүдээс дэмжлэг авч сайдын албан тушаалд томилогдсон байна.

    Тэгвэл Солонгосын Гадаад харилцааны яамны сайд Канг Кёнг Хуа нь сайд болсоор 4 сар өнгөрсөн өнөөгийн байдлаар, түүний охин нь иргэншлээ солих ямар нэгэн хүсэлт, өргөдөл өгөөгүй байгаа нь өнөөдөр тодорхой болжээ.

     Энэ талаар тус улсын хэвлэл мэдээллийн хэрэгслүүдэд ихээхэн мэдээлэл бичигдэж, иргэд олон нийт дургүйцлээ илэрхийлж байгаа ажээ.

     Тэдний дийлэнх нь "Иргэн харъяатыг солиход шаардлагатай бичиг баримт бүрдүүлэхэд хамгийн ихдээ нэг сарын хугацаа шаардагддаг. Тэгвэл хүүхдээ эх орныхоо иргэн болгоно гэж амалсан сайд 4 сарын турш хүсэлт гаргаагүй байгаа нь амлалтаа биелүүлээгүй гэсэн үг" хэмээн шүүмжилж байгаа ажээ.

    Өмнөд Солонгос улсын хувьд 2005 оноос хойш төрийн өндөр албан тушаалд ажиллахаар нэр дэвшиж  байгаа хүний эхнэр болон үр хүүхдүүд нь гадаадын аль нэг улсын иргэн бол, тухайн нэр дэвшигчийг батлахгүй буюу албан тушаалд нь томилж байгаагүй юм байна.

 

 

 

 

WWW.MGLRADIO.COM
Солонгос мэдээ булан.