2017101102144_0.jpg

 

     Өмнөд Солонгос улсын Сөүл хотод өнгөрсөн долоо хоногт 14 настай охины амь насыг хөнөөж, цогцосыг нь ууланд булж хаясан хэрэг үйлдэгдсэн байна.

     Тэгвэл энэхүү гэмт хэргийг тус улсын иргэд олон нийтэд, өвчтэй охиноо ганцаараа асардаг аав хэмээн танигдсан Ким Кёнг Хаг хэмээх залуу үйлдсэн нь илэрчээ.

     Тэрээр төрсөн охиныоо найз охиныг гэртээ урьж нойрсуулах эм өгч унтуулаад, маргааш нь хоолойг нь боож амь наыг нь хөнөөсөн хэргээ хүлээжээ.

      Сэжигтэн Ким Кёнг Хаг нь Солонгос улсын иргэдэд өвчтэй эхнэр, охин хоёроо сайн асардаг төдийгүй эмчилгээний зардал олохоор гудамжинд пайз барин зогсдог, мөн үндэсний 3 телевизийн хандив тусламж, сайн санааны үйлсэд уриалсан 10 гаруй нэвтрүүлэгт оролцож байсан гэдгээрээ ихээхэн танигдсан юм байна.

      Түүний эхнэр хоёр сарын өмнө өндөр байшин дээрээс үсэрч амиа хорлосон бөгөөд тэрээр охинтойгоо 2-уулахнаа үлдсэн даруй түрээсийн төлбөр өндөртэй хороолол руу нүүж,  гадаад оронд үйлдвэрлэгдсэн гурван автомашин худалдан авчээ.

      Цагдаагийнхны урьдчилсан мэдээллээр сайн аав гэгдэх сэжигтэн Ким Кёнг Хаг нь өнөөг хүртэл иргэд байгууллагуудаас сар бүр дунджаар 5-10 сая вон буюу монгол мөнгөөр 10-20 сая төгрөгийн  хандив, тусламж авсаар байсан ба энэ мөнгийг охиныхоо эмчилгээнд бус харин шөнийн зугаа цэнгэл, биеэ үнэлэгч, үнэтэй брэнд хувцас, аялал зугаалга болон үнэтэй ресторанд хооллоход зориулдаг байсан нь илэрсэн байна.

      Мөн түүний бие шивээсээр дүүрэн байсан нь анх удаа нийтэд ил болжээ.

      Солонгос улсын иргэдийн дийлэнх нь тэдний өгдөг аливаа тусламж, хандивын мөнгө нь эзэндээ очдог гэдэгт бат итгэдэг бөгөөд энэхүү хэрэгтэй холбоотойгоор, тэд хандив, тусламжийн мөнгийг өгөхдөө ихээхэн эргэлзэх хандлагатай болох болжээ.

 

 

 

 

 

Солонгос мэдээ булан.

WWW.MGLRADIO.COM