PYH2017101208990001300_P4.jpg

     Өнөөдөр Солонгос улсын хэвлэл мэдээллийн хэрэгслүүдээр насанд хүрээгүй эмэгтэй хүүхдийн амь насыг хөнөөсөн хэргээр саатуулагдсан Ким Ёнг Хаг хэмээх 36 настай залуугийн тухай ихээхэн бичигдэж байгаа ажээ.

     Тэрээр эдүгээ цагдаагийн газарт ямар учраас охины амь насыг хөнөөж, цогцсыг хээр булж хаясан тухай мэдүүлж байгаа юм байна.

      Хэргийг мөрдөж байгаа цагдаагийн газраас "Урьдчилсан байдлаар сэжигтэн нь төрсөн охиныхоо найз болох 14 настай охинд нойрсуулах эм өгч унтуулаад, дараа нь хүчирхийлсэн. Харин хэргээ нуун дарагдуулах үүднээс амь насыг нь хөнөөсөн байж болзошгүй" хэмээн үзжээ.

      Сэжигтэн Ким Ёнг Хаг нь телевизийн 10 гаруй удаагийн нэвтрүүлэгт охин болон эхнэрийн хамт оролцож, тэдний эмчилгээнд зориулж мөнгөн хандив өгөхийг хүсч байсан юм байна.

      ТИнтернэт мөрдөгчид түүний тухайн үед оролцож байсан нэвтрүүлгүүд болон өөр хаягаар шивээс бүхий зургаа нийтэлж байсан хаягийг илрүүлж, зургийг аль хэдийн ил болгосон байна.

      Тэрээр сайн санаат хүмүүсийн өгсөн хандив, тусламжийн мөнгийг охиныхоо эмчилгээнд биш харин өөрийн зугаа цэнгэлд үрж, тансаг амьдардаг байсан нь илэрчээ.

 

 

Солонгос мэдээ булан.

WWW.MGLRADIO.COM

 

 

choimisun.png

 

© News1