(NISI20171011_0013459052_web.jpg

      Өмнөд Солонгос улсад шуугиан дэгдээж байгаа мэдээний гол эзэн болох хандив, тусламжийн мөнгөөр тансаг амьдарч байсан Ким Ёнг Хаг гэгч залуу нь өнөөг хүртэл иргэдээс өгсөн хандивын мөнгөний тухай мэдүүлж байгаагүй нь илэрсэн байна.

       Солонгос улсын хуулиар хэрвээ хэн нэгэн хүний сайн дурын байгууллагуудаас хандив тусламж болгон авсан мөнгөний хэмжээ 10 ба түүнээс дээш сая вон давсан тохиолдолд, энэ тухай харъяалагдах дүүргийнхээ нийгмийн халамжийн хэлтэст мэдэгдэж, бүртгүүлэх ёстой юм байна.

      Ингэснээр дүүргээс хандив тусламж шаардлагатай иргэдэд үзүүлэх мөнгөн тусламжийг зөв зохистой хуваарилах, мөнгөн тусламж нь бодит эзэндээ хүрч, зарцуулагдах зүйлдээ зарцуулагдаж байгаа эсэхийг хянах, мөн цаашид нэмж мөнгөн тусламж олгогдох эсэхийг тодорхойлж өгөх зэрэг ажлыг  хийдэг ажээ.

      Хандивын мөнгөөр тансаг амьдардаг залуу Ким Ёнг Хаг-т дүүргээс сар бүр 1 сая 600 мянган вон буюу монгол мөнгөөр 3 сая гаруй төгрөгийн тэтгэмжийг албан ёсоор олгодог ба тэтгэмжийн дийлэнх нь түүний охины эмчилгээнд зориулагдах зорилготой байсан байна.

      Харин тэрээр сүүлийн 10 гаруй жилийн турш телевизийн нэвтрүүлэгт оролцож өөрийгөө өрөвдүүлэх аргаар, сард хамгийн багадаа 10 сая вон буюу 21 сая төгрөг авч байсан юм байна.   

      Тэгвэл  Ким Ёнг Хаг нь энэхүү их хэмжээний мөнгөн тусламжийн тухай дүүргийн  захиргаанд нэг ч удаа бүртгүүлж байгаагүй ба мөнгөн тусламж үнэхээр түүний охин болон эхнэрийн эмчилгээнд зориулагдаж байсан эсэхийг эдүгээ тодруулах аргагүй болжээ.

 

Солонгос мэдээ булан.

WWW.MGLRADIO.COM

'어금니 아빠' 란 별명 만든 거대 백악종...국내에는 단 두 명