Өмнөд Солонгост “Пужан иса”-гаар үйлчлүүлэгчдийн хохирол нэмэгдсээр байна гэжээ

0
49

229455_57221_1537.jpg

   БНСУ-ын Хэрэглэгчдийн эрх ашгийг хамгаалах хорооноос сүүлийн 5 жилд “Айл нүүлгэлт төв/Исад чим центр/”-ийн “Баглаа боодолтой үйлчилгээ/Пужан иса/”-гээр үйлчлүүлсэн иргэдийн хохирлын тоо 2128 болж бүртгэгдсэн тухай өчигдөр мэдэгджээ.

 

   Дээрх 5 жилийн хугацааг 2018.12.31-ний өдрөөр тооцвол 2014онд-372хэрэг, 2015онд-458хэрэг, 2016онд-419хэрэг, 2017онд-424хэрэг, 2018онд-455хэрэг тус тус бүртгэгдэж байжээ.

 

   Тус хорооноос дээрх тоог зөвхөн гомдол гарган бүртгэгдсэн иргэдийн тоо гэдгийг цохон тэмдэглээд гомдол гаргалгүй хохирсон иргэдийн тоог нэмбэл үүнээс хэд дахин их тоо гарахыг хэлж мэдэхгүй байна хэмээн онцолжээ.

 

   Өнгөрсөн онд айл нүүлгэлт үйлчилгээгээрээ тэргүүлэгч компаниудаас Ёнг Гү Крин-81, Паран Иса-73, KGB пужан иса-46, Тунг Ин экспресс-42, Ложен Иса-39, Иса талин-36 удаа тус тус иргэдэд хохирол учруулсан гомдол бүртгэгджээ.

 

   Эдгээр гомдлын дийлэнх буюу 56.1%-ийг хамтран тохиролцолд хүрэлгүй ажлыг дуусгавар болгосон байдаг ба 38.6% нь энгийн буюу гудамжны мэдээллээс айл нүүлгэх байгууллагыг сонгосон зэрэг нь нөлөөлдөг бөгөөд гудамжны мэдээллийн хэрэгслээр сонгосон байгууллагууд дундаас албан ёсны зөвшөөрөлгүй үйл ажиллагаа эрхэлдэг хувь хүмүүс ч илэрсэн тохиолдол тодорхой хувийг эзлээд байгаа ажээ. 

 

   Хэрэглэгчдийн эрх ашгийг хамгаалах хорооноос иргэдэд “Айл нүүлгэлт төв”-д хандахдаа юуны түрүүнд хохирлын эрсдэлийг хамгаалах гэрээний нөхцөлийг бүрдүүлсэн байгууллагыг сонгох, баглаа боодол, тээвэрлэлт, шилжүүлэлтийн даатгал хийсэн байх зэрэг өөрт шаардлагатай эрсдэлийг тооцсон байхыг анхааруулсан байна.

 

   Мөн тус хорооноос “Хэрэглэгчдийн мэдээллийн төв-1372”-т хандан хэрэгтэй мэдээлэл, гарч болох эрсдэлийн даатгалын тухай зөвлөмж, хамгийн найдвартай “Айл нүүлгэлт төв”-ийн мэдээлэл зэргийг мэдэж авах боломжтой тухай тайлбарласан байна.

WWW.MGLRADIO.COM 

Солонгос мэдээ булан