Солонгос эрчүүдийн гадаад эхнэртээ хандах хандлага БНСУ-ын нэр хүндийг унагалаа гэж үзэж байна

0
66

20190708122902176usto.jpg

   Өчигдөр буюу 2019.07.07 өдөр Солонгос хэлээр ярьж чадахгүй байна гэсэн шалтгаанаар 30 настай Вьетнам эхнэрээ зодсон, 2 настай өөрийн хүүгээ айлгасан хэргээр 36 настай “Б”-г баривчлан саатуулсан тухай мэдэгджээ.

   Хохирогч “А” энэ сарын 4-ний өдөр уг хэргийг гэрчлэх бичлэгийг гэртээ өөрийн гар утсаараа хийснээ нутаг нэгт найз “С”-дээ үзүүлснээр “С” нь хуулийн байгууллагад хандан гомдол гаргахдаа “Найз маань Солонгосоор ярьж чадахгүй учраас би өмнөөс нь зарга үүсгэж байна” хэмээсэн байна.

   “Б” нь “А”-г удаа дараа зодож танхайрдаг байсан ба тэр өдөр нөхөр нь “А”-г зодох нь тодорхой болмогц хүүгийнхээ цүнхийг янзлах дүр үзүүлэн ширээн дээрхи өөрийн цүнхэндээ гар утсаа бичлэг хийхээр тохируулан байрлуулснаар хэргийн баримттай болж чаджээ.

20190708000429379zjxr.jpg

   Үүгээр зогсохгүй уг хэргийн бичлэгийг сошиал сайтад байршуулснаар Вьетнам улсын иргэдийн дунд эсэргүүцлийн хөдөлгөөн өрнөх эхлэлийг тавиад байгаа нь БНСУ-ын хувьд эмзэглэх сэдэв болоод буй ажээ.

   Учир нь тус хоёр орны дипломат харилцаа өнгөрсөн оноос эхлэн сайжирч эхэлсэн бөгөөд тус улсын хөлбөмөгийн дасгалжуулагч Пак Хан Со Вьетнам улсын хөлбөмбөгийн шигшээ багийг өндөр амжилтанд хүргэн хоёр орны найрамдалт харилцаа хурдацтай урагшилж байсан зэрэг нь энэхүү ганц хүний бусармаг үйлдлээс бүх Солонгос хүний болон Солонгос нөхрүүдийн нэр хүндэд нөлөөлж байна гэж үзжээ.

   Тиймээс БНСУ-ын Хүний эрхийн хорооноос “А”-д “Гэр бүлийн маргаан”-ы тухай хуулийн заалтаар бус шууд “Эрүүгийн хэргийн” тухай хуулиар маш яаралтай зохих шийтгэлийг өгөхөөр шийдвэрлэн баривчлаад байгаа юм байна.  

20190708143153144phwp.jpg

WWW.MGLRADIO.COM 

Солонгос мэдээ булан