Осолд ороод эмчлүүлж байсан гадаадын хууль бус хоёр ажилчин эмчилгээгээ орхиж эмнэлгээс оргожээ

0
92

Осолд ороод эмчлүүлж байсан гадаадын хууль бус хоёр ажилчин эмчилгээгээ орхиж эмнэлгээс оргожээ

2019081409592399138_1565744363.jpeg

 

   Өмнөд Солонгос улсын Сокчу хотын нэгэн барилга дээр 8 сарын 14-ны өдөр осол гарсан байна.

   Тус барилгын гадна байрлуулсан цахилгаан лифт 8 давхрын ойролцоогоос доош унасан бөгөөд энэ үед дотор нь зорчиж байсан 6 ажилчны  гурав нь амь насаа алдаж, гурав нь цаг алдалгүй эмнэлэгт хүргэгдэж эмчилгээ хийлгэж байжээ.

   Гэвч өнөөдөр өглөө эмчилгээ хийлгэж байсан гурван ажилчын хоёр хүн эмчилгээгээ орхиж эмнэлгээс оргосон хэрэг гарсан бөгөөд тэдгээр нь барилга дээр ажиллаж байсан гадаадын хууль бус ажилчид байсан байна.

   Тэд хууль бусаар ажиллаж байгаа тул эмнэлэгт хэвтсэнээр цагаачлалын албанд хүргэгдэж, улмаар эх орондоо албадан буцаагдахаас болгоомжлон эмчилгээгээ орхиж оргосон байх магадлалтай юм байна.

   Мөн тэд ажлын байранд дээр осолд орсон ч эмнэлгийн төлбөрөөс чөлөөлөгдөх нөхөн төлбөр авах хуулийн үндэслэл байхгүй тул ихээхэн хэмжээтэй гарах эмнэлгийн төлбөрөөс болгоомжилсон ч байх магадлалтай ажээ.

   Эмнэлгээс оргосон хууль бус ажилчдыг аль улсын иргэн болохыг нийтэд зарлаагүй байгаа юм байна.

 

 

WWW.MGLRADIO.COM 

Солонгос мэдээ булан.