MGLRADIO TELEVISION өдөр бүр 17:15 минутаас ОНЦЛОХ МЭДЭЭЛЛИЙН ТОДРУУЛГА шууд нэвтрүүлгийг үзэгч сонсогчиддоо хүргэдэг.

              Өнгөрсөн хугацаанд бид цаг үеийн сэдэв буюу

               -ТӨРИЙН ӨНДӨР ДЭЭД АЛБАН ТУШААЛТНУУД ОФФШОР БҮСЭД мөнгөө байршуулсан тухай

               -Монгол улс Эдийн засгийн хямралд автаж, улмаар ОУВС-гаас өргөтгөсөн санхүүжилтийн зээл авах болоод байгаа тухай

              -Эдийн засгийн хямралаа хамтдаа даван туулах уриатай бүх ард түмний хандивын аян зарлагдсан тухай

              -Оффшорыг эсэргүүцэгч АТОЗ хөдөлгөөн байгуулагдаж, дэлхийн олон хотуудад Монголчууд цуглаан зохион байгуулж байгаа талаар

              -УИХ-д Оффшорын эсрэг бүлэг байгуулагдсан тухай

           -Монгол улс төсвийн тодотгол хийж, ОУВС-гаас өргөтгөсөн санхүүжилтийн зээлд хамрагдах хүсэлтээ илгээсэн тухай олон удаагийн нэвтрүүлгүүдийг эх сурвалжийн яриагаар баримтжуулан тал талын байр суурийг хүргэж байсан билээ.

          Энэ бүхний дараа эх сурвалжуудын ярьж буй асуудлыг үзүүр нэг учир нэг цагт, нэг газраас шууд нэвтрүүлгээр дээрх асуудлуудыг гарц гаргалгааны талаар хамтдаа хэлэлцэх нь зүйтэй гэж үзсэн. Ингээд хэлэлцүүлгийг санаачлан зохион байгуулахаар ажиллаж байна.

           Хэлэлцүүлэг, мэтгэлцээний зарчмаар явагдах бөгөөд одоогийн байдлаар АТОЗ-ийн тэргүүн С.Батчулуун, Реалполитик судлаач, санхүүч-эдийн засагч Д.Болор, Төрийн өндөр албан тушаалтнууд оффшор бүсэд мөнгөө байршуулдаг тухай мэдээллийг анх зарласан иргэн Э.Цэрэндолгор, Эдийн засгийн ухааны доктор Т.Баярхүү нарыг урьж,

зочид оролцоно гэдгээ албан ёсоор мэдэгдсэн билээ.

 

          Түүнчлэн улсын эдийн засагтай холбоотой ӨРГӨН ХҮРЭЭТЭЙ СЭДЭВ хөндөж байгаа учраас төрийн төлөөлөл оролцох нь зүйтэй гэж үзэж Сангийн сайд Б.Чойжилсүрэн, УИХ дахь оффшорын эсрэг лобби бүлгийн тэргүүн Т.Аюурсайхан нарыг урихаар туслахуудаар нь дамжуулан хэл дуулгасан. Харин сангийн сайд Б.Чойжилсүрэн ОУВС-гийн уулзалтад явж байгаа учраас оролцох боломжгүйг түүний туслах н.Энхсайхан хариу мэдэгдсэн юм.

           Мөн бид УИХ дахь оффшорын эсрэг лобби бүлгийн тэргүүн Т.Аюурсайханд хүсэлтийг туслахаар нь дамжуулан уламжлаад, ФБ пэйж болоод гар утсанд мэссэжээр илгээсэн, өнөөдөр түүнээс хариу ирлаа. Тэрээр " Сайн байна уу би чуулганы нэгдсэн хуралдааны дараа орон нутагт явах хуваарьтай байгаа. Хэлэлцүүлэгтээ Оффшорын хуулийг 2016 оны 10 дугаар сард өргөн барьснаас эхэлж идэвхтэй ажиллаж, ХЗБХны хэлэлцүүлэгт оролцож, хуулийн төсөл дээр ажилласан Дархан Монгол нэгдлийн тэргүүн Дашийг оролцуулбал өнгөрсөн үйл явдлын өрнөлийг бодитоор мэдээлэх байхаа" гэсэн саналыг илгээсэн байна. Бид санал болгосон хүнтэй холбогдох болно.

Мөн товлосон цаг хүртэл бид нэмэлт зочдыг хайсаар байх болно.

MGLRADIO-Мэдээний алба

 

 

MGLRADIO-Мэдээний алба

 

 

MGLRADIO: ОНЦЛОХ МЭДЭЭЛЛИЙН ТОДРУУЛГА  Даваагаас Баасан гаригуудад өдөр бүр 17:15 минутад 102,1 долгионы Хардаг радиогоор шууд дамжуулагдаж байна.

         Сонсогч, үзэгч та бүхэн дугаар бүрийн Хардаг эфирийг

1. MGLRADIO.COM сайтын Радио мэдээ булан  http://mglradio.com/home/newsradio 

2. Фээсбүүк дэхь радиогийн алба ёсны пэйж    https://www.facebook.com/mglradio/  

3. Фээсбүүк дэхь Радио мэдээний пэйж         https://www.facebook.com/mglradionews/?fref=ts  

4. Фээсбүүк дэхь радио групп     https://www.facebook.com/groups/mglradio/

 зэргээс тус тус үзэж, сонсоно уу.

          Мөн Улаанбаатар хотод ФМ -102.1, дэлхий дахинаа mglradio.com сайтаар дамжуулан онлайнаар сонсоно уу.

          Мэдээний албатай холбогдох утас - 7701-1941

 

11111111.jpg

 

 

DFDFDFD.jpg

 

         123123.png