Радио Нийтлэл

     SOCIAL - СОНИН ХАЧИН







  • (*.201.20.156) Уншсан 5730 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх
     

     

    Эдүгээ 73 нас хүрч буй Кумитё Синобу
     
    Японы үндэсний цагдаагийн агентлаг тун түгшүүртэй байдалд ороод байгаагаа эдүгээ огтхон ч нуухгүй байна. Яагаад гэхээр Японы мафийн хамгийн хүчирхэг бүлэг болох “Ямагути-гуми” 100 жилийнхээ ойг тэмдэглэх гэж байгаагийн зэрэгцээ түүний удирдлагын түвшинд нэлээд хагаралтай байгаа явдал ийнхүү цагдаагийнхний санааг зовоох болжээ. Эдүгээ 73 нас сүүдэр зооглож буй тус бүлгийн толгойлогч Синобу Цукасид дургүйцэх хүмүүс олширсонтой холбоотойгоор энэхүү алдартай мафийн бүлэг нь юу юугүй тарах хэмжээнд хүрээд байгаа ажээ. 
    Энэ мафийг 2005 оноос Цукаси толгойлж байгаа бөгөөд түүний үед тус бүлэг Японы зохион байгуулалттай гэмт хэргийн бүлэглэлүүд битгий хэл “Ямагути” ч бараг сонирхдоггүй байсан зах зээлд хяналт тавихаар оролдож эхэлжээ. Ингэхэд Синобу Цукаса буюу Кениши Синода гэх нэрээрээ алдартай энэ эр зургаан жил шоронд суугаад саяхан суллагдсан нэгэн. Тэрбээр энэ мафийн бүлэглэлийн зургаа дахь удирдагч нь. Энэ нөхөр хууль бусаар галт зэвсэг хадгалсан хэрэгтээ зургаан жилийн ял эдэлсэн бөгөөд залуудаа өөрийнхөө өрсөлдөгчийг самурайн сэлмээр цавчиж алсныхаа улмаас 13 жил шоронд суусан алдартай нэгэн. Тэрбээр “Ямагути-гуми” бүлгийн нэг салбар болох “Кодо-кай” бүлгийг ахалдаг байжээ. 
    Японы  Sankei Shimbun сонины мэдээлж буйгаар «Ямагути-гумид» харъяалагддаг 10 гаруй бүлэг цоо шинэ байгууллага бий болгохоор зорьж байгаа аж. Энэ бол  “салан тусгаарлагчид” Цукаса “Кодо-кайг” арай онцгой харж үзээд байгааг эсэргүүцэж буйгийн илэрхийлэл гэсэн байна. Нагойгийн энэхүү дээрмийн бүлэг Цукасагийн үед нээрээ ч Токио төдийгүй Японы зүүн хэсэгт өөрийнхөө хүрээг нэлээд хэмжээгээр тэлсэн байдаг. Энэ нь “Ямагути” бүлэглэлд багтдаг олон хүний дургүйг хүргэж эхэлжээ. 
     
    Цаг хугацаатайгаа хамт
     
    «Ямагути-гуми» доторхи асуудал энэ наймдугаар сарын сүүлээс эхлэн хурцадсан байна. Кобе хотноо энэ мафийн бүлгийн харъяанд байдаг 70 дээрмийн жижиг бүлгийн толгойлогчид уулзалдах байсан ч “Кодо-кайд” дургүйцсэн хэсэг нь ирээгүй аж. Ингээд л ерөнхийдөө энэ мафи есдүгээр сараас эхлэн задарч эхэлсэн байдаг.  Яагаад гэхээр уг хуралдаанд ирээгүй найман бүлгийн толгойлогч болон өөр таван удирдагчийг тэр үеэр байгууллагаасаа хөөжээ. 
    Хууль хяналтын байгууллагууд энэ нь гинжин урвал маягаар цаашаа үргэлжлэх юм бол тун хэцүү нөхцөл байдал үүсч болзошгүй хэмээн болгоомжилж байна. Ингэхэд якудза нар харгис зэрлэгээрээ Италийн мафи юм уу, Хятадын триадад хүрэхгүй ч Наран орны гангстерүүд огт хүн алдаггүй гэсэн үг бас биш юм. Тиймээс хуулийнхан тун яаралтайгаар “салан тусгаарлагчид” болон Цукасад үнэнч хэсгийнхэнтэй дайн хийхэд бэлтгэж эхэлжээ. 
    Японы хууль сахиулагчдад муугийн жишээ болохоор туршлага бий. 1980-аад онд мөн л яг иймэрхүү нөхцөл байдал үүссэнээр гангстерүүдийн хооронд дайн дэгдэж, олон арван дээрэмчин алагдсаны зэрэгцээ хэдэн зуун хүн баривчлагджээ. Ялангуяа энэ дайны оргил үе гэвэл 1985 он байв. Энэ жил дээрэмчдийн хооронд галт зэвсэг бүхий 293 удаагийн тулаан болж, 32 хүн алагдсан байдаг. 
    “Ямагути-гумигийн” штаб Кобе хотын хамгийн тансаг зэрэглэлийн дүүрэгт байрладаг бөгөөд хэрвээ гангстерүүдийн хооронд дайн дэгдвэл зөвхөн тэд бус энгийн иргэд ч аюулд өртөх магадлалтайг цагдаагийнхан онцолж байгаа юм. Нөгөө талаас зарим сайд нар энэ бүлэглэл задрах ахул түүнийг нь ашиглан хүчийг нь сулруулж авах хэрэгтэй гэж үзэж байна. Харин Цукаса өөрийг нь дээрэмчин хэмээн нэрлэж буйд ихээхэн гомдолтой явдаг гэнэ. Тэрбээр өөрийнхөө байгууллагын талааар ихээхэн өндөр сэтгэгдэлтэй байдаг агаад иргэд залуусын дунд сурган хүмүүжүүлэх чиглэлийн ажил асар их хийдгээрээ ач холбогдолтой хэмээдэг ажээ. Цукаса 2011 онд Санкей сонинд өгсөн ярилцлагадаа, “Манай байгууллага мянга мянган иргэдэд жинхэнэ самурайн зан чанарыг өвлүүлдгээрээ гавьяатай. Хэрвээ “Ямагути-гуми” байгууллага устах юм бол нийгмийн хэв журам маш ихээр алдагдах болно. Мөн засгийн газар хариуцлаггүй бодлого явуулах юм бол манайхан өлсч үхэхгүйн тулд тонож дээрэмдэх, алан хядах ажиллагаа явуулаад эхэлнэ. Бидэнд хамгийн гол нь өмнөх үеийнхнээ, ахмад настнуудаа хүндлэх ёс журам маш хатуу тогтсон байдаг. Жирийн хүмүүст ийм зүйл ажиглагдахаа больсон шүү дээ” гэжээ. 
    Ингэхэд Наран улсын иргэд якудза нартаа янз бүрээр ханддаг. Тэднийг дээрэмчин, тонуулчин биш гэж үздэг хүмүүс тийм ч цөөн бус. Тухайлбал, хар тамхинд орсон хүүхдээ якудза нарт өгчихдөг. Нөгөөдүүл нь түүнээс гаргана гэсэн амлалтандаа заавал хүрсэн байдаг. Мөн «Ямагути» хөгжлөөс ч хоцорхгүйг хичээдэг юм. Сэтгүүл гаргадаг. Нөгөөх нь яруу найргийн тогтмол нүүртэй. Мөн дугаар болгон дээрээ толгойлогчийнхоо захиасыг тавина. Ахмадууд нь өөрсдийнхөө амьдрал байдлын талаар дурсамжаа нэлээд бичдэг.  Интернэтэд өөрийн гэсэн сайттай. Ердийн л нэг сайн сайхан ажил төрөлтэй компани шиг танилцуулга хийсэн байдаг. Өөрийн гэсэн сүлд дуутай, түүнийгээ баяр ёслолын үеээр хоороор дуулна. Тэр ч бүү хэл өөрийн сайтдаа хар тамхины эсрэг ихээхэн сурталчилгаа тавьдаг ажээ. 
    Бас маш олон ролик, фото зураг бий. Якудза нар шинэ жилийн уншлага хийж байгаа болон эр зориг, үнэнч сэтгэл, итгэлийн тухай дуу дуулж байгаа дүрс зургууд дүүрэн. Мөн буяны ажилд ихээхэн оролцоно. 1995 оны Кобе дэрх газарт хөдлөлт, 2011 оны цунамигийн үеэр аврагчдаас түрүүлэн очсон байдаг юм.  Мөн цагдаагийнхний мэдээнээс үзвэл «Симиёши-кай» хэмээх мафийн бүлэг өөрсдийнхөө гишүүдээс нэг сая гаруй доллар цуглуулан, түүгээрээ Мияги, Ибараки и Фукусима хотын иргэдэд хүнс, хувцас авч тараасан байна. Тэрчлэн «Симиёши-кай» болон «Инагава-кай» нэг сарын дотор 200 тонн тусламжийн бараа баруун хойд хэсгийн иргэдэд илгээжээ. Япондоо гуравт жагсдаг «Инагава-кай» дээрмийн бүлэг л гэхэд гамшигт нэрвэгдсэн Тохокугийн дүүрэг рүү 25 машин памперс, бэлэн хоол, батарей, гар чийдэн, ус зэргийг илгээсэн байна. Тэгвэл «Симиёши-кай» нь гэр оронгүй болсон гадаадын иргэдэд байр сууц барьж өгчээ. Гадаадынханд тийм ч сайнаар хандаад байдаггүй япончуудын хувьд энэ нь жинхэнэ шинэ үзэгдэл байв. “Ямагути-гуми” ч зүгээр суугаагүй. Маш олон машины тусламжийн цуваа гаргасны дээр гамшигт өртсөн газруудад өөрийн гэсэн офисуудыг орон гэргүй үлдсэн хүмүүст зориулан барьжээ. 
     
    Өнгөрсөн ба одоо
     
    “Ямагути- гуми” задрах гэж байгаа тухай мэдээ Японд шуугиан тарих нь гарцаагүй л дээ. Яагаад гэхээр энэ бол зөвхөн Япон төдийгүй энэ дэлхийн хамгийн том гэмт хэргийн бүлэг юм. Түүний харъяанд Японы гангстерүүдийн ихэнх нь байдаг. Жилийн орлого нь 80 тэрбум доллар бөгөөд түүнийг дэлхийн хамгийн баян мафи гэгддэг. 
    “Ямагути- гумиг” анх 1915 онд Харукиши Ямагути хэмээх загасчин эр Кобе хотоос холгүйхэн орших Авадзи арал дээр байгуулжээ. Ер нь 1612 оноос Японы түүхэнд дээрэмчдийн тухай мэдээлэл дурдагдаж эхэлсэн байдаг аж. Тэр үед ийм хүмүүсийг “кабуки-моно” гэдэг байсан бөгөөд орчуулбал “галзуу хүмүүс” гэсэн үг юм. Тэд өөрсдийн өнгө хурц хувцас, үйл хөдлөл, үсний засалт зэргээрээ ялгардаг байжээ.  
    Ажилгүй болсон самурай нар тэдэнд сэлмээ өгнө. Ингэхэд XVII эхний хагас Япон орны хувьд тун тайван өнгөрсөн бөгөөд ажилгүй болсон самурай нар хэсэг бүлэг болон, түүндээ янз янзын хачин чамин нэр өгөхийн зэрэгцээ зөвхөн өөрсдийн мэдэх этгээд хэллэгээр хоорондоо ярьдаг байжээ. Имй бүлэгт сахилга батыг маш хатуу сахина. Бас эзэн толгойлогчдоо маш үнэнч зүтгэдэг байв. 
    Нөгөө талаас кабуки-моно нар сёгун буюу Зэвсэгт хүчний ерөнхий командлагч болон Японы эзэн хаанд захирагддаг байжээ. Тиймээс тэднийг сёгуны боолууд буюу хатамото-якко гэдэг байв.
    Ронин буюу эзэнгүй самурай нар Токугавагийн үед ойролцоогоор хагас сая орчим байжээ. Зарим нь жирийн иргэн болж,  ихэнх нь дээрмийн бүлэгт орж, хот тосгод тононо. Нэг хэсэг нь өөртөө эзэн хайдаг байв.
    Тэр үед хот тосгодыг маши-якко нар хамгаална. Хотын зарц гэсэн үг л дээ. Маши-якко нарын дунд албан хаагчид, худалдаачид, ордны эзэд, жижиг гар урлаачид, тэр ч бүү хэл зарим нэг эзэн харъяатгүй самурай нар ч байлаа. Тэднийг мөрийтэй тоглоом маш их ойртуулан нөхөрлүүлжээ.
    Өнөөгийн якудза нарыг энэхүү маши-яккогоос гаралтай гэж үздэг. Тэд бакута буюу тоглогчид, текия буюу гудамжны худалдаачдаас бүрддэг байсан бөгөөд дэлхийн хоёрдугаар дайны дараа жинхэнэ дээрэмчид нэгдсэн байна. 
    XVIII зууны эхэн үеэс якудза нар нэгдэн, “оябун-кобун” гэсэн үндсэн дээр “гэр бүл” болж эхэлсэн байдаг. Оябун (эцэг) нь кобундаа (хүү) тусалж дэмжин, зөвлөгөө өгнө. Бас хамгаална. Кобун оябундаа үг дуугүй захирагдаж, үнэнчээр зүтгэнэ. Якудзагийн гишүүн болох ёслолыг Шинто сүмийн үүдэнд аяга саке архитайгаар гүйцэтгэдэг байжээ. Ингэхэд “Якудза” хэмээх үг блэк жектэй тун адил ханафуда хэмээх хөзрөөс гаралтай аж. Я-ку-дза нь уг хөзрийн тоглоомын хожигдох магадлалтай нэгэн хувилбарийн нэр. Энэ нь яван явсаар дээрэмчдийн нэр болж хувирсан байдаг. Бакутогоос ч өвөлж авсан юм зөндөө байдаг. Тухайлбал юбитсуме буюу чигчий хурууныхаа дээд хэсгийг тайран “эцэгийнхээ” өмнө буруугаа хүлээх явдал билээ. 
    1867 онд Японы түүхэнд ихээхэн өөрчлөлт гарсан юм. Якудза нар ч мөн өөрчлөгдлөө. Тэдний гол хүч нь боомтын ажилчид, бас барилгачид. Яваандаа боомт болоод мөрийтэй тоглоомыг хяаналтандаа бүрэн авсан байдаг. Мөн ултөрийг ч бас хяналтын гадна орхиогүй. Японы Засгийн газар тэр үед үндсээ хамгаалах гэсэн бодлого явуулж байсан учрас энэ зорилгодоо зохион байгуулалттай гэмт хэргийн бүлэглэлүүдийг ихээхэн ашигладаг байж. Дэлхийн II дайны өмнө якудза нар хэд хэдэн төрийн эргэлтэд оройлон оролцож, хоёр Ерөнхий сайд, хоёр сангийн сайд, хэд хэдэн улстөрч, бизнесмений аминд хүрсэн байдаг. 
    Япончууд Пёрл-Харбор руу дайрсны дараа нөхцөл байдал үндсээрээ өөрчлөгдсөн байна. Тиймээс якудза нарын хэрэг байхгүй болов. Тэр үед үнэндээ Японы Засгийн газарт золиосны хүмүүс ихээхэн хэрэгтэй байсан учраас якудза нарыг ашиглаж, армид алба хаахаас татгалзсаныг нь шууд шоронд хийдэг байлаа. 
    Харин хаа очиж америкчууд якудза нар жинхэнэ аюул тарих юм байна гэдгийг маш сайн мэдэрсэн тул эзлэн авсан өдрөөсөө эхлэн гангстерүүдтэй нь тэмцэж эхэлсэн байдаг. 1948 Америкийн цэргийн Япон дахь командлал зохион байгуулалттай гэмт хэргийн бүлэглэлүүдийг бүрмөсөн устгасан тухай мэдээлсэн боловч хоёр жилийн дараа якудза нар устсан бус харин ч улам хүчирхэгжсэн тухай зарлахаас өөр аргагүй байдал орсон юм. Якудза нарыг ингэхэд “Женерал моторс” ч атаархмаар маш нарийн бүтэц зохион байгуулалт, сахилга бат нь хүчирхэгжүүлжээ. 
    Америкийн армийн зарим өндөр албан тушаалтнууд ч якудза нарын хяналтанд байдаг зах руу хүнсний бүтээгдэхүүн нийлүүлэх замаар тэдний хүчирхэгжих боломжийг олгосон байдаг. Мөн дайны дараах жилүүдэд цагдаа хуулийнхан нь үнэхээр гар мухар байсан явдал ч их нөлөө үзүүлжээ. 
    1950-иад оноос Японы гангстерүүд хаа сайгүй хүчирхийлэл үйлдэх боллоо. Америкчуудын боевик кинонуудын нөлөөгөөр тэдний гадаад байдалд ч нэлээд өөрчлөлт орох болжээ. Нүдний хар шил, хар костюм пиджак, цагаан цамц, зангиа тэдний нэрийн хуудас болов. Гэзэгээ авхуулж, толгой нүцгэн шахам болцгоолоо. Япончуудын амьдрал дээшлэх хэмжээгээр якудза нарын тоо ч өсөв. 1958-1963 оны хооронд тэдний тоо 184 мянгад хүрчээ. Мөн якудзагийн 5000 орчим бүлэг Японы хэсэг бүрт өөр өөрийн нөлөөгөө тогтоохын төлөө хоорондоо алалцаж эхэлсэн байдаг. Харин энэхүү цуст дайнд “Кенкоку-кай” хэмээх хэт үндэсэрхэг байгууллагын гишүүн Ёшио Кодама цэг тавьсан байдаг юм. Тэрбээр 1930-1940 онд Дорнод Азийн орнуудаар тагнуул хийж, Японы армид хэрэг болохуйц стратегийн зориулалт бүхий түүхий эд, материалын тухай мэдээ цуглуулж байжээ. Дайн дуусах үед 34 настай байсан Кодама вице-адмирал цол хүртэж, Ерөнхий сайдын зөвлөхөөр ажиллаж байв. Гэтэл 1946 онд бусад цэргийн гэмт хэрэгтнүүдийн хамт Сугамо дахь шоронд хоригдсон бөгөөд Америкийн тагнуулын байгууллагад зүтгэх амлалт өгсөн учир суллагдан, улмаар АНУ-ын Цэргийн тагнуулын Жи-2 байгууллага болон якудзагийн хооронд холбоочны үүрэг гүйцэтгэх болжээ. Хожим Казуо «Ямагути-гуми» болон «Тосей-кай» мафийн бүлгийн толгойлогч Казуо Таоку, Хисаюуки Маши нарыг эвлэрүүлэхэд онцгой үүрэг гүйцэтгэсэн түүхтэй. 
     
    Мафийн хар өдрүүд
     
    1992 оны гуравдугаар сард Токиогийн Гинза дүүргийн гудамжаар нэгэн ер бусын эсэргүүцлийн жагсаал явж өнгөрсөн аж. Зохион байгууллалттай гэмт хэрэгтэй тэмцэх шинэ хууль гарсантай холбогдуулан якудза нарын эхнэр, охидууд нь ийн жагссан байв. Харин Оябунууд нь хэвлэл мэдээллийн хэрэгслээр өөрсдийгөө гэмт хэрэгтнүүд биш хэмээн мэдэгдэж байлаа. Тэд өөрсдийгөө нийгмийн өмнө хүчгүйдэх болсон зарим иргэдийг хамгаалж, самурайн үнэнт зүйлсийг өв залгамжлан хадгалуулах үүрэгтэй хэмээж байв. 
    Гэвч хуулийн хүчээр мафийн 14 мянга орчим гишүүнийг торны цаана Японы Засгийн газар суулгаж дөнгөсөн. Японы мафийн толгойлогчид хүнгүй болсон тул сонин хэвлэллэр зар тараадаг болов. Гэвч тэдний үздэгээр хүн хүмүүжүүлэх, самурайн ёсыг сахих энэ ажилд тэр бүр гангстер тохирохгүй юм байна гэдгийг хүлээн зөвшөөрсөн юм.  Японд эдүгээ зохион байгуулалттай гэмт хэргийнхний нөхцөл байдал тун муу байгаа гэнэ. 2013 оны байдлаар якудзагийн тоо анх удаа асар ихээр буурч, 58 600 болжээ. Уг нь 2012 онд 63 200 байсан аж. 
    Японы цагдаагийнхний өгч буй мэдээнээс харвал өнөөдөр «Ямагути-гуми» 23,4 мянган хүнтэй байна. Мөн нэг жилийн дотор 2300 хүн нь “салан тусгаарлажээ”. Тэгвэл түүний гол өрсөлдөгч Симиёши-кай» 9,5 мянган хүнтэй. Энэ дээрмийн бүлгээс нэг жилийн дотор 1100 гарсан байна. 
    Ингэхэд япончууд 2009 онд якудза нарт дайн зарлаж байлаа. Ер нь энэ үеэс эхлэн мафийн зүг тэвчээртэйгээр харж суудаг байсан цаг дууссан гэж үздэг. Тэдний тэмцэл ч бас өвөрмөц. Эхлээд дээрэмчдэд мөнгө олох бололцоо олгож буй компаниудад сануулга өгч, хэвлэлээр зарладаг. Дараагийн удаа зөрчвөл хагас сая иен буюу 7.5 мянган доллараар торгоно. Мөн эздийг нь нэг жил хүрэх хугацаагаар хорьж шийтгэдэг. Бас улсаас ийм компаниудад зээл олгодоггүй. Ингэснээр нөгөөдүүл нь дампуурдаг байна. Ялангуяа шүүх дээр сүүлийн жилүүдэд ихээхэн үзэлцэж байгаа гэнэ. Засгийн газар дээрэмчидтэй бус мафийнхантай хамтран ажилладаг компаниудад ихээхэн үзэлцэж, шүүх нь маш өндөр торгууль тавьдаг. Мөн төлсөн торгуулийн хамт компаниудын нэрийг хэвлэлээр зарлана. Банк, барилга, даатгал, автосалон, дэлгүүр гээд 200 орчим газрууд ийм хэрэгт бүртгэгдсэн байдаг. Чухамхүү ингэснээр буюу нэр хүндэд нь халдсанаар ихэнх фирм, компани якудза нараас холбоогоо тасалдаг байна. Тухайлбал Киото хотын Энряку-зи хэмээх буддын сүм нэг жилийн өмнөөс «Ямагути-гуми» байгууллагын гишүүдийг өөрийнхөө босгоор алхуулахаа больсон ажээ. Тэр ч бүү хэл хэвлэлийн газрууд язудза нарын нэрийн хуудсыг хийхээс татгалзаж, талийгаач бологсдыг нь шатаах газар олдохоо байсан аж. Якудзагийн эх орон гэгддэг Фукуоки хотын шөнийн цэнгээний газруудад якудза нарыг оруулахаа больжээ. Тэрчлэн тээврийн болоод барилгын томоохон компаниуд ч якудза нараас холбоогоо тасалснаа зарласан байна. 
    “Бид үүний өмнө дээрэмчидтэй нь үзэлцээд байв. Тэгвэл одоо дээрэмчдэд мөнгө олох бололцоо олгоод байгаа нөхдүүдтэй нь тэмцэх болсноор үлэмж амжилт олж байна” хэмээн цагдаагийнхан ярих болсон байна. Мөн засаг төрийн хэмжээнд бус жирийн иргэдийн хувьд ч якудза нарт хандах хандлага нь өдөр ирэх тутам өөрчлөгдөж байгаа аж. Тухайлбал Нагое хотын нэгэн зоогийн газрын эзэн бүсгүй гангстерүүдийн толгойлогч Синобу Цакасагаас 12 сая иен нэхэмжилсэн хэрэг юм. Мөн сэтгэл санааны нөхөн төлбөр хэмээн таван сая иен нэхжээ. Тэрбээр 12 жилийн турш түүний дээрэмчдэд бэлэг болгон ийм хэмжээний мөнгө өгсөн гэдгээ мэдүүлсэн байна. Японы хуулиар байгууллагын эзэн ажилтнуудынхаа өмнөөс хариуцлага хүлээдэг учир эдүгээ алдарт Синобу Цукаса өөрийнхөө хөрөнгөнөөс ийм хэмжээний мөнгө гаргах хэрэгт өөрийн эрхгүй унаад байгаа бололтой. Ерөнхийдөө Японы мафийн хамгийн том бүлэглэл хагарч, задарснаар нөхцөл байдал хүндэрч магадгүй хэмээн цагдаа хуулийнхан нь болгоомжилж буй ч нөгөө талаас мафийн төгсгөл ирж байгааг хэн хэн нь нуухаа больжээ.
    ?

    1. Манай гарагийн эрт ба эдүгэ үе: аймшигт өөрчлөлтүүд

      Дэлхий гараг маань хэдэн арван хүчин зүйлийн нөлөөгөөр хувьсан өөрчлөгдсөөр байна. Тэдгээрийн нэг болох дэлхийн дулаарлын талаар бид мэддэг ч онол таамаглал төдий санасаар өнөөг хүрчээ. Тэгвэл сүүлийн хэдхэн арван жилийн дотор Дэлхий маань ...
      Date2015.11.10 ByOLNO_DO Views1766
      Read More
    2. Жон Ленноны гитарыг 2.4 сая ам.доллараар худалджээ

        Жон Леннон агсны хэрэглэж байсан акустик гитарыг дуудлага худалдаагаар 2.4 сая ам.доллараар арилжжээ. Гитарын үнэ хаялцуулах анхны үнэ 300 ам.доллар байсан аж. Жон Леннон агсан “J-160E Gibson” загварын гитараа Ливерпуль хотоос худалдан авс...
      Date2015.11.09 Byjiriin Views367
      Read More
    3. Эд хөрөнгөөрөө гайхуулсан хамгийн хөгийн жишээнүүд

          10. Берри Уолл Эвандер Берри Уолл бол 19-р зууны сүүлээр Нью-Йоркод амьдарч байсан ганган эр. Тэр 18 настайдаа саятан болж, зүйрлэшгүй тансаг амьдарч эхэлжээ. Нэг дор 5000 зангиа, 300 хос бээлий худалдаж авах нь түүнд юу ч биш бөгөөд орг...
      Date2015.11.09 Byjiriin Views2592
      Read More
    4. Японы үлгэр домгийн хачирхалтай мангасууд

        Японы үлгэр домог инээдтэй, элдэвтэй амьтдаар дүүрэн. Хамгийн хачирхалтай нь ихэнх япончууд ийм амьтад байдагт үнэхээр итгэдэг аж. Бакэ-дзори — хуучин шаахайны сүнс Гутлаа арчилдаггүй айлд орогнодог. Амь орсон шаахай шөнөжингөө гэрээр тэн...
      Date2015.11.08 ByOLNO_DO Views2997
      Read More
    5. Дэлхийн хамгийн муу боксчин

      Хамгийн олон тулаанд (363) оролцож, хамгийн олон ялагдал хүлээсэн Америк боксчин Режи Стрикландийг энэ талын Үнэмлэхүй аварга гэж нэрлэж болно. Мань эр нийт 276 удаа ялагдал хүлээснээрээ зард гарчээ. Стрикланд 1987 онд 19 настай байхаасаа э...
      Date2015.11.08 ByOLNO_DO Views1715
      Read More
    6. Өөр өөр эцэгтэй ихрүүд

        Энэ хачирхалтай түүхийг анх сонсоход байж боломгүй мэт санагдавч, амьдрал дээр 1%-ийн магадлалтай үзэгдэл гэнэ. Нэгэн эмэгтэй хоёр ихэр хүүхэд төрүүлжээ. Хүүхдүүдийнх нь эцэг болох хүн тэднийг хүлээн зөвшөөрөхөөс татгалзсан учир тэтгэмж а...
      Date2015.11.08 ByOLNO_DO Views2338
      Read More
    7. Цагдаатай тохиолдсон мартагдашгүй түүх

        Энэ явдал АНУ-ын Миннесот мужид МакГрегор хотоос зүүн тийш 201-р зам дээр болсон байна. Эргүүл хийж явсан замын цагдаа хурд хэтрүүлсэн настай хатагтайг зогсоожээ.  Цагдаа хатагтайн бичиг баримтыг шалгахаар шийдэж жолооны үнэмлэх, даатгал,...
      Date2015.11.08 ByOLNO_DO Views3080
      Read More
    8. «Нөхрүүдийн дэлгүүр»

        Нэг хотод эмэгтэйчүүд нөхөр болох хүнээ худалдан авч болдог дэлгүүр нээгджээ. Орох хаалганы хажууд дэлгүүрийн ажиллах зарчмыг танилцуулсан заавар байна: Эмэгтэй хүн амьдралдаа нэг л удаа энэ дэлгүүрээр үйлчлүүлэх эрхтэй. Дэлгүүр 6 давхар ...
      Date2015.11.08 ByOLNO_DO Views1293
      Read More
    9. Хайр ба Хагацал

      Хайр, Хагацал хоёр нэгэн залуу хосыг ажиглан сууж байв. Гэтэл Хагацал «Би энэ хоёрыг салгаж чадна гэж мөрийцсөн ч бэлэн байна» хэмээн өгүүлэв. Харин Хайр «Хүлээж бай. Энэ хоёр дээр эхлээд би ганц удаа очоодхоё. Дараа нь чи хичнээн л бол  хи...
      Date2015.11.08 ByOLNO_DO Views996
      Read More
    10. Япон хүүхнүүд таргалдаггүйн шалтгаан

      Статистик мэдээнээс үзвэл япончууд харьцангуй урт насалдаг байна. Тэдний дундаж нас 87. Түүнээс гадна япон хүүхнүүд дэлхийн хамгийн гуалиг хүүхнүүд гэж алдаршжээ. Тэд яагаад таргалдаггүй юм бол? Лав 10 шалтгааныг дурдаж болно. 1. Хамгийн го...
      Date2015.11.08 ByOLNO_DO Views2570
      Read More
    11. Сансарт нүүр гараа хэрхэн угаадаг вэ?

      Хувийн ариун цэврийг цаг үргэлж чанд сахих хэрэгтэй, тэр тусмаа хязгаарлагдмал орон зайд хэд хэдэн хүн байгаа нөхцөлд бүр их шаардлагатай болно. Тэгвэл сансарт ариун цэврийн асуудлыг хэрхэн шийддэг вэ? Олон жилийн өмнө сансрын станц дээр шү...
      Date2015.11.08 ByOLNO_DO Views650
      Read More
    12. Нөхрийнхөө нууц амрагт бичсэн захидал

      “Ийм захидал бичих нь сул доройн шинж гэдгийг мэдэж байгаа ч бичихгүй байж чадахгүй нь. Яагаад гэвэл би чиний тухай бодлыг толгойноосоо авч хаяж чадахгүй байна. Чи надад зовлон учруулсан. Нөхрөөс минь салгасан. Чи хар амиа хичээж, хувийн жа...
      Date2015.11.08 ByOLNO_DO Views1440
      Read More
    13. Гудамжны нохой дөнгөж төрсөн нярай хүүхдийн амийг аварчээ.

      Саяхан Саубын Арабт гудамжны золбин нохой дөнгөж төрсөн нярай хүүхдийг хогон дундаас олж, ойрхон айлын үүдэнд аваачиж хуцаж дохио өгчээ. Гэрийн эзэд ч цаг алдалгүй түргэн дуудаж яаралтай арга хэмжээ авсан бөгөөд хүүхдийн биеийн байдал сайн ...
      Date2015.11.08 ByOLNO_DO Views1158
      Read More
    14. Якузагийн төгсгөл

          Эдүгээ 73 нас хүрч буй Кумитё Синобу   Японы үндэсний цагдаагийн агентлаг тун түгшүүртэй байдалд ороод байгаагаа эдүгээ огтхон ч нуухгүй байна. Яагаад гэхээр Японы мафийн хамгийн хүчирхэг бүлэг болох “Ямагути-гуми” 100 жилийнхээ ойг тэм...
      Date2015.11.04 ByOLNO_DO Views5730
      Read More
    15. Сүйт бүсгүйдээ сүүн шүдээ бэлэглэв

        Калифорнийн нэгэн залуу дэлхийн хамгийн өвөрмөц сүйн бөгжийг бодож олсон байна. Түүнийгээ мань хүн сүйт бүсгүйдээ гардуулжээ. Үнэт чулууны оронд сүйт залуу өөрийнхөө шүдийг шигтгэж өгсөн аж. Тэд Хэллоуины баяраар сүй тавьсан бөгөөд сүйн б...
      Date2015.11.04 ByOLNO_DO Views1662
      Read More
    16. Google 2017 оноос дрон хүргэлтийн үйлчилгээ нэвтрүүлнэ гэв

        Ердөө хоёр жилийн дотор Google компани дрон хүргэлтийн үйлчилгээг АНУ-д нэвтрүүлнэ гэж Рейтерс агентлаг мэдээллээ. Google-ийн Wing төслийн ахлагч Девид Вос “Бид 2017 онд үйлчилгээгээ нэвтрүүлнэ” гэж хэлсэн аж.   Гэхдээ АНУ-д үйл ажиллагаа ...
      Date2015.11.04 ByOLNO_DO Views741
      Read More
    17. Хоёр жил эзнээ хүлээсэн нохой

        Москвагийн «Внуков» нисэх онгоцны буудалд «Ил-18» онгоц Север лүү нислэг хийх үед нэгэн нохойн хамт зорчихоор явсан зорчигчийг нохойдоо эмчийн бичиг аваагүй учир үйлчлэхгүй гэжээ. Нохой онгоцны буудалдээр орхигдов. «Внуков» ын нислэгийн т...
      Date2015.11.03 ByOLNO_DO Views4537
      Read More
    18. Чингис Хааны тухай гадныхны бичсэн 10 баримт

      Зарим нэг энтертайнмент сайтуудаар Чингис хааны тухай баримтууд нийтлэгджээ. Ингээд тэрхүү нийтлэлийг орчуулан хүргэж байна. Бид Чингис хааныг чадварлаг цэргийн удирдагч сайн хаан гэдгээр нь мэднэ. Тэгвэл Чингис хааны тухай сонирхолтой 10 б...
      Date2015.11.02 ByOLNO_DO Views7774
      Read More
    19. Ванга 2016 оныг хэрхэн зөгнөсөн бэ?

      Болгар орныг юу юунаас илүүтэйгээр алдаршуулсан хүн бол Ванга юм. Түүний гайхамшигт чадварын талаар сонсоогүй, дуулаагүй хүн ховор биз ээ. Тэрбээр хүмүүсийн тухай, өнгөрсөн болон ирээдүйн талаар бүгдийг мэддэг байсан гэхэд болно, харин түүн...
      Date2015.11.02 ByOLNO_DO Views7594
      Read More
    20. Архи их уугаад байвал энэ залуу шиг болно шүү

      Манай оронд тулгамдаад байгаа асуудал бол яахын аргагүй Архидалт. Тэгвэл та архи уухаа багасгахгүй бол энэ залуу шиг болохгүй гэх баталгаа байхгүй юм. БНХАУ- ын иргэн Хонсю өдөр бүр архи уудаг гэнэ. Сүүлийн 30 гаран жил тасралтгүй уусан Хон...
      Date2015.11.02 ByOLNO_DO Views4911
      Read More
    Board Pagination Prev 1 ... 33 34 35 36 37 38 39 40 41 42 Next
    / 42

         Радио Нийтлэл

         SOCIAL - СОНИН ХАЧИН