Радио Нийтлэл

     SOCIAL - СОНИН ХАЧИН







  • (*.201.20.156) Уншсан 591 vote 0 Коммент 0
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх Файл оруулах
    ?

    Shortcut

    PrevӨмнөх Бичлэг

    NextДараах Бичлэг

    Larger Font Smaller Font Дээш Доош Go comment Хэвлэх Файл оруулах

    Түүхэн дэх хамгийн шилдэг 25 тамирчин

    2016-08-12 16:42:10

    •  
    •  
    •  
    •  
    •  

     

    Хүн төрөлхтний цэнгэлийн манлай XXXI дэх удаагийн зуны олимпийн наадам амжилттай үргэлжилж байна. Энэ үед хэн хүний ярианы сэдэв спорт руу чиглэж буй. Тэгвэл уншигч та бүхэнд шилдгүүдийг онцолдог  www.list25.com сайт бүх цаг үеийн хамгийн шилдэг, дэлхийг байлдан дагуулсан 25 эрэгтэй тамирчныг танилцуулжээ. Энэхүү танилцуулгыг та бүхэнд хүргэе.  

    1. Билл Шумейкер (Bill Shoemaker) – Морин уралдаан

    Морин уралдааны домогт тамирчин ердөө 150 см өндөр, 45 кг жинтэй “бяцхан” эр байжээ.  Аугаа унаач 10 улсын морин уралдаанд түрүүлж байсан байна. Түүний унасан морьд нийт 125 сая ам.долларын шагналыг авч байжээ.

    Тэрээр хамгийн анх 1949 онд анх уралдааны замд гарсан бол хамгийн сүүлд 1990 онд уралдсан байна. 40 жилийн хугацаанд нийтдээ 40350 гараанд гарч, 8833 гараанд түрүүлж дэлхийн дээд амжилтыг тогтоосон. Энэ амжилтыг 29 жилийн турш хэн ч эвдээгүй.  

    Тэр "Triple Crown on Thoroughbred"-ийн 11 удаагийн эзэн болсон. Энэ нь дэлхийн хамгийн алдартай гурван морин уралдааныг нэрлэдэг байна. Үүнд Kentucky Derby-д 4 удаа, Belmont Stakes-д 5 удаа, Preakness Stakes-д 2 удаа түрүүлж байжээ.

    1. Жон Брзенк (John Brzenk) - Гар барилдаан

    Америкт төрсөн Жон Брзенк гар барилдааны түүхэн дэх хамгийн аугаа тамирчин юм. Учир нь тэр 1983 онд 18 настайдаа хамгийн залуу дэлхийн аварга болоод түүнээс хойш 23 жилийн турш хэнд ч гар барилдаанаар дийлдээгүй.  

    “Супермэн” хочит Жон Брзенк 185 см өндөртэй, 90-102 кг жинтэй байсан байна.

    Хамгийн анх 16 настайдаа тэмцээнд түрүүлж байсан ба спортын түүхэн замналдаа 250 удаа түрүүлж байжээ.

    Түүний тухай Силвесер Сталлонегийн тоглосон “Over the Top” нэртэй кино байдаг.

    1. Келли Слейтер (Kelly Slater) - серфинг

    Серфингийн түүхэн дэх хамгийн алдартай тамирчин бол Келли Слейтер юм. Тэрбээр мэргэжлийн серфингийн ДАШТ-нд 11 удаа түрүүлснээр дээд амжилтыг эзэмшдэг. Мөн хамгийн залуудаа буюу 20 настайдаа дэлхийн аварга болсон. Бас 2011 онд хамгийн ахмад насандаа /39/ түрүүлсэн тамирчин гэнэ. Спортынхоо замналд нийт 20 сая ам.долларын шагнал авснаар хамгийн баян серфингийн тамирчин болсон юм.

    1. Тони Хоук (Tony Hawk) -  скейтбординг

    “Хүн шувуу” хочтой Тони Хоук бол мэргэжлийн скейтбордын хамгийн супер од мөн. Тэр скейтийн спортод цөөнгүй хөдөлгөөн трюкийг гаргаж ирсэн ба анх удаа “900” хэмээх гайхалтай трюкийг хийжээ. Энэ нь агаарт 900 хэм эргэх эргэлт ажээ.

    Тони Хоук  скейтбордын төрлөөр World Extreme Games болон экстрем спортын Олимпийн 9 алтан медальтай аж. Мөн энэ спортын хамгийн өндөр орлоготой тамирчин.

    1. Оливер Бьёрндален (Ole Einar Bjørndalen) - биатлон

    Оливер бол өвлийн олимпийн хамгийн аугаа тамирчин. Цасан спортын хаан Норвегийн домогт биатлонч Оливер Бьюрндален таван олимпид түрүүлсэн ганц тамирчин.

    1998 оны Наганод анх түрүүлж байсан тэр 16 жилийн дараа 2014 оны Сочид 2 түрүү авч Олимпийн 8 алтан медальтай болсон. Түүнээс гадна цуглуулгад нь олимпийн 4 мөнгө, 1 хүрэл бий.

    Дэлхийн аварга шалгаруулах тэмцээний 39 медальтай /19 нь алт/ гэхээр ямар аугаа  тамирчин нь танд төсөөлөгдөж байгаа биз дээ.

    1992 онд өсвөрийн дэлхийн аваргад анх түрүүлж байсан тэр 23 жилийн турш уралдаж түрүүлсээр байна.  

    1. Янис Курос (Yiannis Kouros) – хэт холын зайн марафон

    Хүний бие, сэтгэлийн тэсвэр тэвчээрийн хэмжээ хязгаар ямар аугаа байдгийг харуулсан хүн бол Грекийн хэт холын марафонч “гүйдэг бурхан” хочтой  Янис Курос юм.

    Янис Курос1956 онд Ливид төрсөн бөгөөд ихэнхдээ Австралид гүйдэг. Анх 1984 онд рекорд тогтоосон.

    Тэр тойрогт биш онгон байгальд гүйдэг. Түүний гүйлт болгон дэлхийн дээд амжилтыг тогтоож байдаг.  Тэр нэг ёсондоо 100-1000 км зайн дэлхийн бүх дээд амжилтыг “үйлдвэрлэдэг” тамирчин. Нийтдээ 150 дээд амжилтыг тогтоосон байдаг.

    1000 миль /1609 км/  газрыг 6 өдрийн дотор туулж байжээ. Энэ нь өдөрт 270 км зам гүйж байна гэсэн үг. Тэсвэр тэвчээрийн хязгаарын эзэн тэр 30 жил гүйж байгаа.
    19. Николай Андрианов – гимнастик

    ЗХУ-ын домогт тамирчин Николай Андрианов бол гимнастикийн түүхэн дэх хамгийн алдартай эрэгтэй тамирчин. Тэр 1976-1980 оны гурван олимпоос 15 медаль /7 алт, 5 мөнгө, 3 хүрэл/ хүртсэн.  Бас ДАШТ-ээс 4 алт, 8 мөнгө, Европоос 10 алт, 6 мөнгө, 2 хүрэл хүртсэн аугаа домогт тамирчин юм.

    Түүний өмнө олимпийн медалийнхаа тоогоор аугаа Майкл Фелпс /26/, Лариса Латынина /18/ нар л орно. Гимнастикчид эрт залуу насандаа амжилт гаргадаг бол Николай тэднээс өөр. 20-28 нас хүртлээ амжилт үзүүлсэн онцлогтой.

    1. Карч Кирай (Karch Kiraly) – волейбол

    Волейболын түүхэн дэх хамгийн алдартай тамирчин бол Карч Кирай юм. Энэ домогт тамирчин бейсболоор Бейб Рут, сагсаар бол Майкл Жордан гэсэн үг.

    Олон улсын волейболын холбоо /FIVB/  түүнийг XX зууны хамгийн аугаа тамирчнаар нэрлэсэн.  Карч Кирай 1984, 1988 оны олимпид АНУ-ын шигшээ багт орж түрүүлснээс гадна 1996 оны олимпийн элсний волейболын төрөлд аваргалсан. Мөн 1986 оны дэлхийн аварга. Өөрөөр хэлбэл, түүнийг тоглож байх үед АНУ-ын баг волейболын хамгийн шилдэг баг байжээ.

    1. Сергей Бубка – хөнгөн атлетик

    “Ноён сантиметр” хочит тулгууртай харайлтын домог Сергей Бубкаг мэдэхгүй спорт сонирхогчид байхгүй.  ЗХУ болон Украины домогт тамирчин тэрбээр хөнгөн атлетикийн түүхэнд хамгийн урт удаан хугацаанд хамгийн олон дээд амжилтыг эзэмшсэн тамирчин.

    Сонирхолтой нь тэрбээр олимпийн наадамд ганцхан удаа /1988/ түрүүлж байжээ.

    1983-1997 онд ДАШТ-нд 6 удаа дараалан түрүүлсэн. Түүнтэй өрсөлдөгч байхгүй байсан ба зөвхөн дээд амжилт тогтоож байсан. Амжилтаа нэг, нэг сантиметрээр эвддэг байсан тул “ноён сантиметр” хочтой болсон гэдэг. Рекорд эвдэх бүрт Олон улсын хөнгөн атлетикийн холбооноос их хэмжээний мөнгөн шагнал өгдөг.

    Тиймдээ ч 35 удаа өөрийн дээд амжилтаа шинэчилж байсан. Түүхэнд 6 метр дээгүүр анх давсан тамирчин юм. 1993 онд 6.15 см дээгүүр харайж, дэлхийн рекордыг 21 жил эзэмшиж байлаа. Энэ онд Францын тамирчин 6.16 см дээгүүр гарч эвдсэн.

    1. Эдди Меркс (Eddy Merckx) – дугуй

    “Царайлаг” хочит Эдди Меркс мэргэжлийн дугуйн спортын гурван оргил болох олон өдрийн  “Tour de France”-д 5 удаа, “Giro d’Italia-д 5 удаа, “Vuelta a España” уралдаанд нэг удаа түрүүлсэн.  Мөн ДАШТ-д гурван удаа манлайлж хэд хэдэн дэлхийн дээд амжилтыг тогтоосон аугаа тамирчин.

    Франц болон АНУ-ын дугуйн сэтгүүлээс “Ббүх цаг үеийн хамгийн шилдэг дугуйчин” алдрыг хүртэж байсан. Тэр 1960-1970-аад оны хамгийн шилдэг дугуйчин байжээ.

    1. Жим Браун (Jim Brown) - америк хөл бөмбөг

    Жим Браун бол багийн спортын, тэр дундаа NFL буюу Америкийн мэргэжлийн хөл бөмбөгийн хамгийн алдартай тамирчдын нэг. NFL-ийн хэд хэдэн дээд амжилтыг тогтоосон. 1957-1965 онд тоглож байсан Жим Браун 6 тоглолтод 4 тачдаун хийж байсан ба нийтдээ 118 тоглолтод 104.3 ярд дамжуулалт хийжээ. Гурван удаа MVP хүртэж байжээ. 2002 онд мэргэжлийн хөл бөмбөгийн “Бүх цаг үеийн хамгийн аугаа тамирчин” -аар тодруулсан байна.

    1. Гарет Эдвардс (Gareth Edwards) – регби

    Уэлсийн хамгийн алдартай тамирчин Гарет Эдвардс бол регбигийн түүхэн дэх хамгийн аугаа тамирчин ажээ. “Төгс тоглогч” хэмээн нэрлэгддэг тэрбээр тоглолтын талбай, нөхцөл гэх зэргүүдийг гайхамшигтай мэдэрч түүнд тааруулан тоглодог IQ өндөртэй тамирчин байжээ. Түүнийг регбигийн хамгийн алдартай  "World Rugby” сэтгүүлээс “Бүх цаг үеийн хамгийн аугаа тоглогч” хэмээн нэрлэсэн байдаг. Мөн Английн алдартай “Телеграф” сонин бас 1960-1970-аад оны тамирчин түүнийг “Бүх цаг үеийн хамийн алдартай регбичин”-ээр тодруулсан.

    1. Фёдор Емельяненко – тулааны спорт

    “Сүүлчийн эзэн хаан” хочтой Фёдор Емельяненко бол магадгүй америк спортын /мэргэжлийн/ түүхэн дэх Оросын хамгийн алдартай тамирчин байх. Америкт түүнийг америк тамирчинтай тулалдаж байхад түүнээс олон дэмжигчид дэмжиж байдаг гэнэ.

    Өдгөө 37 настай хүнд жинд тулалддаг Фёдорыг Оросоос Япон, Америкаас Бразил хүртэл  дэлхий даяар мэддэг. Тэр самбо, жүдо, холимог, тулаан, дүрэмгүй тулаан гэх мэт маш олон тулааны төрлөөр бүгдэд нь өндөр амжилт гаргасан универсал тамирчин. Мэргэжлийн спортод 39 тулаан хийж, 34 ялж 4 ялагдсан. Тэр 2012 онд зодог тайлсан юм.

    1. Жек Никлаус (Jack Nicklaus) – гольф

    Хувийн тоглолттой спортуудаас гольф бол онцлог. Учир нь бөх, бокс, дугуй, усан сэлэлт, хөнгөн атлетик гэх мэтийн спортыг бодвол биеийн болоод хүчний онцгой чадварыг  шаарддаггүй. Бусадтай өрсөлдөхгүй өөрөө өөртэйгөө өрсөлддөг гэж болно. Энэ спортоор ямар ч насны хүн амжилт гаргаж болно.

    Орчин үед Тайгер Воодс, Рори Макилрое нарийн домогт тамирчид байгаа боловч 1960-1980-аад онд тоглож байсан Жек Никлаусийг энд онцолж байна.

    Тэр маш олон рекорд тогтоон Мейжор чемпионшипийн аваргаар 10 удаа тодорч байжээ. Мөн өөр бусад тэмцээнд 33 удаа түрүүлж байжээ. PGA tour-д 73 удаа түрүүлснээр бүх цаг үед 3-рт ордог шилдэг гольфчин. Тухайн цаг үедээ үнэхээр “тасархай” тамирчин байжээ. Тэр түүхэн дэх хамгийн дээд амжилтыг тогтоон “Алтан баавгай” хэмээх алдрын эзнээр нэрлэгдэж байгаа.

    1. Майкл Фелпс  (Micheal Phelpps) – усан сэлэлт

    Майкл Фелпс бол орчин үеийн спортын түүхэн дэх, олимпийн түүхэн дэх хамгийн өндөр амжилтыг гаргаж, хамгийн олон медаль хүртсэн алдартай сэлэгч.

    Түүний амжилтыг дурдахад, тэр олимпоос 26 медаль хүртсэн. Үүний 22 нь алтан медаль гэхээр ямар аугаа тамирчин бэ гэдэг нь харагдаж байгаа. Үүгээрээ олимпийн 100 гаруй жилийн түүхэнд хамгийн их, бас алтан медаль хүртсэн тамирчин болж байгаа. Мөн нэг олимпоос хамгийн олон алтан медаль /2008 онд 8 алт/ хүртсэн тамирчин. Түүнээс гадна Майкл ДАШТ-ээс 27 алтан медаль хүртэж, 39 удаа дэлхийн дээд амжилт тогтоосон. Сүүлийн 50 жилд хувийн төрлөөр хамгийн өндөр амжилт гаргасан тамирчин. “Рио-2016”   олимпоос одоогийн байдлаар 4 алтан медаль хүртээд байна.

    1. Михаэль Шумахер (Michael Schumacher)- авто спорт

    Дэлхийн “NASCAR”, “WRC”, “Moto GP” зэрэг алдартай авто, мото олон уралдааны хамгийн түрүүнд” Формула-1” бичигдэнэ.

    Мэргэжлийн авто уралдааны хаан нь болох уралдаанд хамгийн олон түрүүлсэн хүн бол Германы тамирчин домогт Махаэль Шумахер билээ. Энэ спортын тамирчид теннис, гольфийхтой адил өндөр орлоготой байдаг.

    Бүх цагийн үеийн хамгийн шилдэг нисгэгч Махаэль Шумахер “Формул-1”-д долоон удаа түрүүлсэн. Мөн нийтдээ 91 гараанд түрүүлсэн байдаг. Байрлал тогтоох гараанд 68 удаа тэргүүлсэн. Бүхий л цагийн үеийн түүхэнд спортоос хамгийн өндөр орлого олсон тамирчин буюу Майкл Жорданы дараа хоёрдугаарт 850 сая ам.долларын орлогоор бичигддэг.

    1. Уэйн Гретцки (Wayne Gretzky) – хоккей

    Канадын алдартай хоккейч Уэйн Гретцкий бол хоккейн түүхэн дэх бүх цаг үеийн хамгийн аугаа тамирчин. Тэр Хойд Америкийн мэргэжлийн дөрвөн том холбооны нэгт 20 жил тоглохдоо 4 удаа Стэнлин цом өргөж байжээ. “Аугаа ганц” нэрт Гретцкий NHL-ийн 61 рекорд тогтоосон тамирчин. Түүхэнд багийн спортод түүнээс илүү дээд амжилт тогтоосон тамирчин байдаггүй. Мөн “Хамгийн үнэ  цэнэтэй тоглогч”-оор 9 удаа шалгарч байсан.

    Уэйн Гретцки шигшээ багтайгаа Канадын буюу Дэлхийн цомын 3 алт, 2 мөнгө, ДАШТ-ий хүрэл медаль хүртэж байсан.

    1. Усэйн Болт (Usain Bolt) – хөнгөн атлетикийн богино зай

    “Цахилгаан” хочит Усэйн Болт дэлхийн хамгийн хурдан хүн цолыг эзэмшээд удаж байна.

    Тэр өмнөх үеийн Жесси Оуэн, Карл Льюс нарын домог болсон тамирчдаас дэлхийн хамгийн хурдан хүн хийгээд алдрыг нь өвлөн авч өнөө цагийн “Бурхан гүйгч” болж 100 мерт 9.58 секунд болон 200 метрт 19.19 секундээр дэлхийн дээд амжилтыг эзэмшиж байна.

    Мөн хоёр олимп дараалан 100 болон 200 м-т түрүүлсэн цор ганц тамирчин болоод байгаа. Усайн Болт танхимд анх удаа 100 м-т 10 секунд дотор гүйсэн анхны тамирчин.

    “Цахилгаан хүн” олимпийн 6, дэлхийн аваргын 8 алтан медальтай.


    1. Дональд Брэдмен (Donald Bradman) – крикет

    Крикет бол Их Британийн колони байсан орнуудад, ялангуяа өмнөд Азийн орнуудад хамгийн өндөр хөгжсөн номер 1 спорт юм.

    Энэ спортын хамгийн аугаа тамирчин бол сэр хэргэмт “спортын бурхан” хочит Австралийн Доналд Брэдман юм. Тэр мэргэжлийн спортдоо тоглолт бүрт 99.94-ийн амжилт үзүүлдэг статистиктай гэнэ.

    1. Роджер Федерер (Roger Federer) – теннис

    Мэргэжлийн теннисний спорт бол дэлхийн хамгийн их орлого олдог спорт. Энэ талаараа гольфийг түүнтэй адилтгаж болно.

    Теннисний спортод хамгийн олон түрүү, шагнал авсан эрэгтэй тамирчин бол “Алтан цаг”, “Швейцар цаг” хочит Рожер Федерер юм. 

    Өнөө үед алдар хүндээрээ Рафаэль Надал, Новак Жокович хоёр л зэрэгцэнэ. Өмнөх үед Пит Сампрас, Бьорн Борг,  Род Лейвер нарын алдартай тамирчид байсан боловч амжилтаараа Рожер тэднийг давсан.

    Рожер Их дуулгын тэмцээний шигшээд 25 удаа үлдэж, 17 удаа түрүүлсэн бөгөөд 302 долоо хоног /үүний 237 долоо хоног нь дараалсан/ номер 1 гэсэн алдрыг эзэмшиж байсан. Энэ спортоос 85 сая гаруй ам.долларын шагнал авсан зэргээрээ бүх цагийн үеийн хамгийн аугаа теннисчнээр тодорсон.

    1. Мохаммед Али (Muhammad Ali) – бокс

    Боксын спортын түүхэнд алдартай, аугаа, ялагдаж үзээгүй, хамгийн их ашиг орлого олсон гээд олон арван тамирчид байдаг боловч тэр дундаас хамгийн алдартай хүн бол яах аргагүй Мухаммед Али юм.

    Зарим хүн өмнөх зууны эхний хагаст байсан домогт тамирчин сонирхогчийн тулаанд 85 тоглож ганц ялагдаж үзээгүй, мэргэжилд 128 ялж, 1 ялагдаж, 2 тэнцсэн Шугар Рей Робинсонг хамгийн аугаа боксчин гэдэг. Нээрээ тухайн үедээ тийм амжилт үзүүлсэн  тамирчин ойр хавьд байгаагүй.

    Мухаммд Али болохоор  Жо Луис шиг хамгийн олон удаа аваргаа хамгаалаагүй, Рокки Марчино шиг огт ялагдаагүй биш ч, Владимир Кличко шиг урт удаан хугацаанд аварга байгаагүй, Оскар де Ла Хойя, Флойд Мейвейдэр нар шиг хамгийн их мөнгө аваагүй ч тэр бол боксын домог.

    1960 оны олимпийн аварга, хүнд жингийн боксын дэлхийн 3 удаагийн аварга Али боксын замналдаа 61 тоглож, 56 ялж, 5 ялагдсан хүн.

    Боксын ертөнцөд алдартай байхаас гадна улс төр, нийгмийн амьдралд алдартай байсан. Арьс өнгөөр ялгаварлан гадуурхах үзлийн эсрэг цогтой тэмцсэн. Вьетнамд явуулж буй АНУ-ын түрэмгийллийг эсэргүүцэж цэрэгт явахаас татгалзсан гээд дуулиан шуугиан ихтэй түүхэн хүн. Тэрбээр энэ жил 74 насандаа таалал төгссөн юм.

    1. Александр Карелин – бөхийн спорт

    Бөхийн спортын олон төрлүүд дотроос хамгийн өндөр амжилт үзүүлсэн аугаа тамирин бол ЗХУ-ын домогт бөх Александр Карелин билээ.

    Сонгомол бөхийн төрлөөр олимпийн 3, ДАШТ-ий 9 удаагийн, Европын 10 удаагийн аварга маань анх 18 настайдаа Сөүлийн олимпид түрүүлснээс хойш 2000 он хүртэл 13 жилийн турш ганц ч ялагдаагүй босоо бөх байсан билээ.

    Билээ гэдгийн учир нь тэр бөхийн төрлүүдээс хамгийн анх удаа 4 дэх олимпдоо түрүүлэх гээд 2000 оны олимпийн шигшээд Америкийн залуу бөхөд шинэ дүрмийн өөрчлөлтөөр өөрөө оноо “бэлэглээд” цор ганц удаа ялагдаж, мөнгөн медаль хүртсэн юм. Харин дотооддоо бас нэг ялагдсан байдаг.

    Сибирийн “Орос баавгай” нийт 887 удаа ялалт байгуулсан, 6 жилийн турш ганц ч оноо алдаагүй гэсэн бахдам сайхан үзүүлэлттэй.

    Тэр бусдаас тасархай тамирчин байсан гэдэг нь 1996 оны олимпид мэс заслийн дараахан бэртэлттэй барилдаад түрүүлж байснаар харагддаг. Карелин XX зууны шилдэг 25 тамирчны нэг.

    1. Бейб Рут (Babe Rut) – бейсбол

     Бейсбол, футбол хоёр бол Америкийн хамгийн алдар хүндтэй спорт юм. Энэ хоёр спортын тамирчид хамгийн алдартай байдаг.

    Бэйсболын домог болсон тамирчин бол 1914-1935 оны хооронд  22  улирал тоглож байсан “Бамбино” хочит Бейб Рут юм.

    Түүний амжилтыг дурдвал, Бүх оддын тоглолтын 2, Дэлхийн аваргын цувралын 7,  Лигийг   12 удаа тэргүүлсэн гэх мэт олон тэмцээний аварга тамирчин юм. Тэр бейсболын спортын хамгийн анхны супер од байжээ. “Спорт ньюс” сонины хамгийн шилдэг 100 бейсболчны жагсаалтын нэгдүгээрт , мөн дэлхийн хамгийн шилдэг 100 тамирчинд орсон, XX зууны Хойд Америкийн хамгийн шилдэг тамирчин зэрэг алдрыг хүртсэн домог болсон хүн.

    1. Майкл Жордан /Micheal Jordan/– сагсан бөмбөг

    “Нисдэг” Майкл Жорданы талаар ярих нь бараг илүүц биз. Тиймээс амжилт статистик үзүүлэлтээс нь дурдъя. НБА-гийн 6 удаагийн аварга, шигшээ тоглолтын 6 удаагийн “Шилдэг тоглогч” , Бүх оддын тоглолтод 10 удаа оролцсон.

    Дунджаар нэг тоглолтод 30.12, шигшээд 33.45 оноо дундчилдаг. Мөн олимпийн 2 удаагийн аварга. Багийнхаа цалингийн сангийн бараг талыг ганцаар авдаг. Тэр сагсан бөмбөг, НБА-г дэлхийд алдаршуулсан домогт хүн.

    1.Диего Марадона (Diego Maradona) – хөл бөмбөг

     Дэлхийн хамгийн алдартай спорт бол яах аргагүй хөл бөмбөг.  

    Дэлхийн аваргын шигшээд хүч үзсэн Герман, Аргентиний тоглолтыг тэрбум хүн үзсэн нь Хойд Америкийн шилдэг лигүүд болох хөл бөмбөгийн Super Bowl, сагсан бөмбөгийн NBA Finals, гольфийн World Series, бэйсболын “Major League Baseball”,  Хоккейн “Stanley Cup”-ийн шигшээ тоглолтыг үзсэн үзэгчдийн нийлбэрээс хоёр дахин их тоо юм.

    Тэгвэл хөл бөмбөгийн хамгийн алдартай хүн бүх спортын хамгийн алдартай хүн байх нь аргагүй. Энэ хүн бол Пеле биш Диего Армандо Марадона гэх Аргентиний “бурхан” болсон хүн юм.

    Энэ сайн, муугийн дуулианы эзнийг дэлхий андахгүй. Марадонна /55.6 хувь/ интернэт асуулгаар Пелег /18.53 хувь/ давж дэлхийн хамгийн алдартай хөл бөмбөгчин болсон. 1986 онд Дэлхийн аварга болохдоо бараг л “ганцаараа” тоглоод аварга болгосон гэдэг. Түүнийг алдартай хүн болоход “Бурханы гар” хэмээх гоол нь нөлөөлжээ.

     

    ?

    1. “Хагасын хагас хүн” Жон Экхартын ер бусын түүх

      2011оны наймдугаар сарын 27-нд Жон Экхарт ба түүний эхнэр Эмели хоёр хүүхэдтэй болохыг тэсэн ядан хүлээж байв. Хүү төрвөл Роберт гэж нэрлэхээр зэхжээ. Роберт эрүүл саруул хэвийн төрөв. Эх баригч эмэгтэй хүү гарсан тул болсон байх гэж бодож ...
      Date2016.08.16 Byjiriin Views522
      Read More
    2. Геннисийн номд бичигдсэн секстэй холбоотой 21 рекорд амжилт

      1. Хамгийн анхны хиймэл бэлэг эрхтэн – Эртний Энэтхэг, Ром, Египетэд 4000 жилийн өмнө хиймэл бэлэг эрхтэн хэрэглэдэг байжээ. Гэхдээ энэ нь урлагийн бүтээл баягаар бүтээгддэг байсан байна. 2. Хамгийн анхны жирэмсний тест – Дэлхий...
      Date2016.08.16 Byjiriin Views1250
      Read More
    3. “The Creation of Adam” нэртэй уран зургийн нууц

      “The Creation of Adam” / Michelangelo Ватикан хотноо байдаг дэлхийд танигдсан “The Sistine Chapel” сүмийн таазны гайхалтай чимэглэл зургуудыг Сэргэн мандалтын үеийн зураачид болох Микеланжело, Сандро Ботишели, Пиэтро...
      Date2016.08.15 Byjiriin Views260
      Read More
    4. Даваа гарагт төрсөн эмэгтэйчүүд эелдэг зантай, халамжтай байдаг гэнэ

      Эмэгтэйчүүд Эелдэг зантай, мөрөөдөмтгий байдаг. Хүнийг анхааран халамжлахдаа сайн. Тэрэнд ганцаараа амьдарна гэдэг аймшигтай тул хэзээ ч ганцаардахыг хүсдэггүй. Өөрийнх нь ээж түүнд ямар халамж тавьдаг вэ, тийм л хайр халамжийг бусдаас нэхд...
      Date2016.08.15 Byjiriin Views197
      Read More
    5. Сахарын өвчнөөс ингэж салжээ

      Наранцэцгийн тосоор байнга амаа зайлбал эрүүл болно. Германы нэг эмч эрдэмтэн олон жил өвддөг байсан үе мөчний болон сахарын өвчнөөсөө салсан байна. Эмчийн өөрийнх нь судалгаагаар хорт хавдарын болон өвчин үүсгэгч нян бактерууд нь хүний хэл...
      Date2016.08.15 Byjiriin Views548
      Read More
    6. Эрэгтэйчүүд ба эмэгтэйчүүдийн 12 ялгаа

      Нэр хоч: Гурван найз бүсгүй хамт гарч, хоолонд орлоо гэхэд бие биенээ Сараа, Нараа, Чимгээ гэхчлэн нэрээр нь л дууддаг. Харин эрчүүд дотно найзуудыгаа үргэлж элдэв хочоор нь дууддаг... - Тооцоо хийх: Хоолны тооцоо 35,000 гарлаа гэж бодоход ...
      Date2016.08.15 Byjiriin Views247
      Read More
    7. Хар, цагаан хэл ам хүрсэн хүнд ямар шинж илэрдэг вэ

      Хараал Хараалч хүн «өш хонзон авах», «гэсгээн цээрлүүлэх» гэсэн хоёр чиглэлээр хараадаг бөгөөд «тарнийн», «увидасийн» гэж хоёр хуваагддаг ажээ. «Увидасын» хараалч гэдэгт элдэв тарн...
      Date2016.08.15 Byjiriin Views939
      Read More
    8. Төрсөн оноор шинжих / Төвд зурхай /

      Төвдийн хуанли нь Григорийн хуанлитай адил нараар тдорхойлогдоггүй, сар болон түүний мөчлөгт тулгуурласан байдаг юм байна. Өөрөөр хэлбэл Сар гадаад болон дотоод ертөнцөд хэрхэн нөлөөлж байгааг тодорхойлдог байна. Төвдийн зурхай нь үндсэн гу...
      Date2016.08.15 Byjiriin Views689
      Read More
    9. Улаанбаатар хотод зорьж үзэх ёстой Дамбадаржаа хийдийн цогцолборыг танилцуулж байна

      “Найрсаг Улаанбаатар” хөтөлбөрийн хүрээнд Улаанбаатар хотын музейгээс нийслэлийн иргэдийн түүх, соёлын дурсгалын талаарх мэдлэгийг тэлэх зорилгоор Улаанбаатар хотод зорьж үзэх ёстой 20 дурсгалт газрыг хөшөө дурсгал, сүм хийд, ду...
      Date2016.08.15 Byjiriin Views209
      Read More
    10. Улаанбаатар хотод зорьж үзэх ёстой Гандантэгчилэн хийдийн цогцолборыг танилцуулж байна

      “Найрсаг Улаанбаатар” хөтөлбөрийн хүрээнд Улаанбаатар хотын музейгээс нийслэлийн иргэдийн түүх, соёлын дурсгалын талаарх мэдлэгийг тэлэх зорилгоор Улаанбаатар хотод зорьж үзэх ёстой 20 дурсгалт газрыг хөшөө дурсгал, сүм хийд, ду...
      Date2016.08.15 Byjiriin Views117
      Read More
    11. Хамарны хэлбэрээр хүнийг хэрхэн шинжих вэ?

      Хүн бүхэн өөртөө тохирсон, давтагдашгүй царайны төрхтэй. Эцэг эхээс заяасан нүүр царайны хэлбэр, тэр ч бүү хэл хамрын хэлбэрээр тухайн хүний ерөнхий төлөв байдал, зан аашийг тодорхойлж болдог аж. Ингээд Израилийн эрдэмтэн судлаач Абрахам Та...
      Date2016.08.15 Byjiriin Views368
      Read More
    12. Хойд нас байдаг гэдгийг тогтоожээ

      Английн Саутгемптоны их сургуулийн эрдэмтэд үхлийн дараах амьдрал байдаг гэдгийг нотлосон байна. Их Британийн мэргэжилтнүүдийн явуулсан шинэ судалгааны ажил хойд нас байдаг гэдгийг шууд бусаар баталсан аж. Тус их сургуулийн эрдэмтэд нэгэн ө...
      Date2016.08.15 Byjiriin Views580
      Read More
    13. Бермудын гурвалжинд 90 жилийн өмнө алга болсон хөлөг онгоц олдлоо

      Карибын тэнгисийн эргийн хамгаалалтынхан үл мэдэгдэх нэгэн хөлөг илрүүлжээ. Мэрэгжилтнүүд удтал судалсны эцэст энэ нь 1926 оны арванхоёрдугаар сард сураггүй алга болсон америкийн худалдааны SS Cotopaxi гэдэг хөлөг болохыг тогтоосон байна. Э...
      Date2016.08.15 Byjiriin Views457
      Read More
    14. Герман бүсгүйг хүлээдэг аргентин Хачикогийн түүх аз жаргалтай үргэлжилжээ

      Эзэндээ хязгааргүй үнэнч Хачико нохойн түүх гунигтай төгсдөг. Тэгвэл энэ удаад жаргалтайгаар үргэлжилжээ. Германы онгоцны үйлчлэгч Оливий Зиверс Буэнос-Айрос хотын олон улсын нисэх буудал хавиар эргэлддэг нэгэн золбин нохойг анзаарч ирэх бо...
      Date2016.08.13 Byjiriin Views611
      Read More
    15. Дэлхийн 10 секс рекорд +18!!!

      Сексийн рекордууд ямагт сонирхолтой байдаг. Гэхдээ бүр “хэтэрхий” байвал яахав? Ийм 10 аваргыг танилцуулъя. Дэлхийн хамгийн урт эрхтэн – 34,3 см. Тойргоороо 16 см Дэлхийн хамгийн урт шодойн эзнийг Джон Фэлкон гэдэг. Үүнийг...
      Date2016.08.13 Byjiriin Views1426
      Read More
    16. Түүхэн дэх хамгийн шилдэг 25 тамирчин

      Түүхэн дэх хамгийн шилдэг 25 тамирчин 2016-08-12 16:42:10 Хүн төрөлхтний цэнгэлийн манлай XXXI дэх удаагийн зуны олимпийн наадам амжилттай үргэлжилж байна. Энэ үед хэн хүний ярианы сэдэв спорт руу чиглэж буй. Тэгвэл уншигч та бүхэнд шилдгүүд...
      Date2016.08.13 Byjiriin Views591
      Read More
    17. No Image

      АЙМШИГИЙН КИНОНЫ АРД НУУГДСАН БОДИТ ТҮҮХҮҮД

        Та хэзээ хамгийн сүүлд ухаан балартам, жихүүдэс төрөм аймшгийн кино үзсэн бэ? Бид аймшгийн кино үзсэнийхээ дараа "Зүгээр дээ, энэ чинь кино, амьдралд ийм зүйлс тохиолдох боломжгүй” хэмээн өөрийнхөө айдсыг дарж , хүчээр тайвширдаг. Гэвч үн...
      Date2016.08.12 Bymglradiotelevision6 Views935
      Read More
    18. Фэнүүддээ гэнэтийн бэлэг барьсан олны танил эрхмүүд

      Алдар нэрэнд хүрч, олны танил болно гэдэг тийм амар зүйл биш гэдэгтэй маргах хүн тун цөөхөн байх. Мэдээж тухайн хүний авъяас чадвар, уйгагүй хөдөлмөр хамгийн чухал хэдий ч шүтэн бишрэгч буюу бидний нэрлэж заншсанаар фэнүүдийн нөлөө хамгийн ...
      Date2016.08.12 Byjiriin Views248
      Read More
    19. Ямар ч номноос олж авахгүй мэдлэг өгөх 40 газрын зураг

      1. Дэлхий америкуудын нүдээр 2. Метрийн систем ашигладаггүй улсууд 3. Бритайнтай байлдаж байгаагүй 22 улс 4. Дэлхийн хуурай газар нэгэн цул /Пангеа/ байсан үед улсуудын газрын ийм байх байсан 300 сая жилийн өмнө дэлхийн эх газрууд нэгэн цул...
      Date2016.08.10 Byjiriin Views692
      Read More
    20. Найтаахад яагаад бурхан өршөөг гэдэг вэ?

                          Урьд нэгэн хувилгаан айлын 3 настай хүүгийн сүнсийг авахаар яваа чөтгөртэй тааралджээ. Ингээд тэр айл руу хамт явангаа нөгөө 2 маань ярилцаж: · Хувилгаан, чи юунаас айдаг вэ? · Би аагтай цай, тарган хонины махнаас айдаг....
      Date2016.08.09 Bymglradio.news2 Views613
      Read More
    Board Pagination Prev 1 ... 19 20 21 22 23 24 25 26 27 28 ... 42 Next
    / 42

         Радио Нийтлэл

         SOCIAL - СОНИН ХАЧИН