(*.26.193.187) Уншсан 939 vote 0 Коммент 0
?

Shortcut

PrevӨмнөх Бичлэг

NextДараах Бичлэг

Larger Font Smaller Font Дээш Доош Go comment Хэвлэх
?

Shortcut

PrevӨмнөх Бичлэг

NextДараах Бичлэг

Larger Font Smaller Font Дээш Доош Go comment Хэвлэх

 

Дэмчигноров Гоминданы засгийн газраас Өвөр Монголыг холбооны улс болгохоор гуйсан нь бүтсэнгүй. Мөн Япон ч үнэн сэтгэлээсээ Монголыг дэмжсэнгүй. Америк цаг алдаж, Орос Хятад хоёр Монголыг хувааж эзэмших гэсэн олон шалтгаанаас Өвөр Монголыг жинхэнэ дэмжих улс гэж байгаагүйгээс болж Хятадын КН завшиж, Өвөр Монголыг өөртөө засуулан хэзээ улс болъе гэвэл тэр цагт чинь улс болгое гэж хуурч мэхэлсэн зарим монгол сэхээтнүүд эрх чөлөөний удирдагчид төөрөгдөж Өвөр Монгол нь ХКН- ын өөш болжээ. Хятадын КН эхний үед Монголыг хуурахын төлөө ихэд сайн санаа гарган мэхэлж Өвөр Монголд бүрмөсөн эзэмшлээ олмогц тэдний үнэн дүр нь илэрч, Өвөр Монголын сор нь болсон сэхээтэн ард олныг хядсан байлаа. Тиймээс хэзээ ч гэсэн Монгол болон ХКН- ын хооронд арилшгүй зөрчил болжээ. Тэд цэвэр хятад хүнээ Монгол бичигт сургаж, 3 их сургуульд монголчуудыг дарах хянах хүмүүсийг бэлдэж хилийн чухал боомт газар томилон ажиллуулдаг. Эдгээрээс Монголд суугаа хятад хүмүүс, монголоор харин сайхан ярьцгаадаг. Үнэндээ ХКН- ын хэлдэгчлэн үндэстэн бүхэн адил тэгшхэн гэдэг үзлийг авч үзэх юм бол хятад монгол хэл тэгш хүн Өвөр Монголд олон байдаг.

Яагаад тэднийг хэрэглэдэггүй юм бэ гэвэл гагцхүү нэгэн шалтгаан нь тэд нар монголчууд болохоор итгэж болдоггүй. Өвөр Монгол хэдийгээр өөртөө засах орон гэдэг боловч ХКН- ын Өвөр Монголын хороо нь Өвөр Монголын бүгд эрхийг барьж түүний нэгдүрээрээс эхлээд олонх нь хятад хүн байж, угийн Өвөр Монголын дарга Улаанхүү монгол хэлээ ч мэддэггүй, түүний хүү одоогийн засгийн газрын дарга Бөхөө ганц ч монгол үг мэдэхгүй, ер нь тэд нарын түүхийг сөхвөл монгол мөн эсэх нь сэжиглүүштэй. Хятадаас Өвөр Монголыг үе залгамжлах аргыг сонсож тэд нар ч хялбар боолчлох хүмүүсийг хэрэглэн монголчуудыг дарж үргэлжлэн боолчилсоор Улаанхүү, Бөхөө мэтийнхнийг хэзээ ч шоронд хийхэд бэлэн бөгөөд хийж байсан. Бөхөө 1969 онд Хөх хотын гудамжаар цаасан малгай өмсөж “Би бол монголын залхай Улаанхүүгийн нохойн гуяа” гэж хацраа алгадаж явсан билээ. 1981 онд өвөр Монголын оюутны хөдөлгөөний үед Бөхөө, Батбагана нарын гэрт тагнагч машин тавьж байсан бөгөөд дараа нь тэд нартаа мэдэгдэж ихэд айлгасан билээ. Саяхан Өвөр Монголын хүний эрхийг хамгаалах хорооноос гаргасан бичиг баримтад 40 гаруй жилийн туршид хятадад хядагдсан монголчуудын тухай сэтгэл түгшээсэн тоо баримт гарлаа. 1947 онд 12000 алагдав.

1948 – 20 000

1953 – 10 000

1957 – 6000

1968- 1969 онуудад 45 953 хүн алагдав.

Мөн 79 000 хүн тахир дутуу болов.

1970- 1990 онуудад 7000 хүн алагдав.

1991 онд шоронд 50 гаруй хүн, гэрийн хорионд 400 гаруй хүн байна.

Дээрх баримтаас өвөрлөгчид ХКН- д боолчлогдсон 45 жилийн турших үеэс хамгийн харамсалтай нь 1969 оныг бид бүхэн мэдэж болно. Тэр үед монголоор хичээллэж байсан бүх их, дээд, дунд сургууль тараагдан монгол хэл, бичиг үсэг, зан заншил хэрэглэгдэх нь цаазтай, монголын зан заншил, түүх соёлын бүх ном бичгийг шатааж устгаж болох бүхнийг устгасан. Монголын эрт язгуураас амьдарч ирсэн нутаг анжисны хошуунд сэндлэгдэн, Өвөр Монголыг 6 хэсэгт хуваан Хятад мужид тараагаад малчид мал хариулах бэлчээргүй амьдрал хүнд хэцүү үе байсан. Тэр үед эцэг минь хорих газарт явж, ээж минь сумын хорих газарт байлаа. Балчир бага бид хөрш айлын хүүхэдтэй хамт элдэв бусын юм идэж амь зуудаг билээ. Заримдаа үхсэн шувуу, малын мах шарж иддэг байсан.

Миний нэг дүү бага байж, орон дээрээс ойчин унаад нүд муутай болж билээ. Хятадаас монголчуудад тулгаж байсан фашист эрүү тамыг тоолж нэрлэхүйеэ бэрх. Жишээ нь: цахилгаан гүйлгэх, аманд нь хүний ялгадас цутгах, хэл дээр нь зүү шивэх, үсэнд нь тос цутгах, шархыг нь маажих, цам цамнуулах, халуунаар хавсаргах, улайссан галын хажууд удаан зогсоох, эрхий хуруунаас нь дүүжлэх, амьдаар нь булах, үргэлжид зогсоох, халгай бургасаар гуядах, өдөр шөнөгүй хүлэх, модон орон дээр 4 мөчөөс нь татан хүлж гавлах, нүүрсний гал дээр бөхийлгөн шарах, залгаагаар ус уулгах, нүүрсний цог дээр хөл нүцгэн гүйлгэх, хүзүүнээс нь хүнд юм дүүжлэх, нүцгэлэн ус цутгаж гуядах, тахимд нь мод хавчуулан хэдэн хүн ээлжлэн гишгэх, эмэгтэй хүний бэлэг эрхтэнд цаасан буу тавих, том дээсээр бэлэг эрхтнийг шөргүүлэх хөрөөдөх, олон хүн хамтаар хүчиндэх, амьдаар нь гэдсийг нь гаргах, арьсыг нь өвчих, нүдийг нь ухах, чихийг нь огтлох, шүдийг нь сугалах, хурууг нь тайрах, толгойд нь хадаас хадах, эрэгтэй хүний бэлэг эрхтнийг огтлох, хумсыг нь сугалж авах зэрэг орчлонгийн бүх эрүүг амсуулан “Өвөр ардын нам”, “Дугуй нам”, “Залуусын нам”, “Нэгдмэл нам”, “Найрамдал нам”, “Соёл нам”, “Ардчилсан нам”, “Өвөр ардын эвсэл”, “Улаан булан нам”, “Тусгаар нам”, “Зүйтэй нам”, “Элсэн нам”, “Цэвэгжавын нам”, “Цогбадрахын нам”, “Бургасан нам”, “Архичин нам”, “Хүүхэнчүүд нам”, “Хомоол нам”, “Аргал нам”, “Чимэглэл нам” зэрэг зохиомол намд тулгаж монголчуудыг хядаж байжээ.

ХКН монголчуудыг юунд ингэтлээ хорсон алж хяддаг юм бэ гэвэл тэд монголчуудыг алж дуусчихвал урт цагаан хэрмээс хойших өргөн уудам нутгийг эзлэн эзэн Чингис Богд Тэмүүжиний монголын үрс садандаа өвлөсөн аваад баршгүй их баялгийг олоход оршино. Монголчууд харин ХКН болон хятадын ард түмнийг ерөөсөө ад үзээгүй дэлхийн ямарваа нэгэн орны ард түмэн хоорондоо найрсаг эрх тэгш байх нь хүн төрөлхтний зүй ёсны тогтолцоо мөн билээ. Тэгвэл ХКН яагаад зэрлэг балмадаар монголчууд болон үндэстний цөөнхийг алан хяддаг юм бэ? Монголчууд биднийг гахай шиг ингээд хашаанаасаа гаргахгүй гэж бодоо юм болов уу? Тэд Өвөр Монголчуудыг гахай шиг идээд дуугарахгүй байхыг зорьдог билээ. Би 1987 оноос эхлэн хошууныхаа түүх бичих газарт нэг хэсэг хугацаанд ажиллаж билээ. Залуу хүн дэвшие гэвэл намын даргатайгаа хувийн харилцаагаа сайн байлгах хэрэгтэй. ХКН- д орчихвол товчоон дарга болоход нэг алхам ойртоно гэсэн үг. Товчоон дарга болчихвол шинэ байранд орж албаны унааг хувийнх шигээ аминдаа хэрэглэж болно. Улсын мөнгийг аминдаа ашиглаж хууль цаазын гадна байдаг.

Хууль бол ард түмэнд л хэрэглэгдэхээс биш том дарга нар хуулийн хүрээнд байдаггүй. Өвөр Монголд 1969 оны хядлагыг Мао Зэдун Жоуэнлайнгийн удирдлагаар шууд биелүүлэгч Тэн хайчин одоо болтол өндөр зиндааны удирдлагад байдаг. Дарга нарын хүүхэд ч хүн алах, хүчиндэх, дээрэмдэхэд хөнгөн шийтгүүлэх буюу огт шийтгүүлдэггүй. ХКНамын гишүүдийг өнгөн дээр нь үзэхэд их дөлгөөн, ямбатай мэдлэгтэй юм шиг байдаг, үнэндээ энэ нь хуурмаг нэг үгээр хэлбэл манжийн үеийн монгол ноёд билээ. Өнөөдрийн Өвөр Монголын ард түмэн ХКН- ын чанга хяналт ба түүний гар хөл бологч монгол дарга нарын дарамтанд байдаг. Би тэдгээр монгол дарга нарыг хараад гайхдаг. Тэд машин шиг төв орноос ямар нэг материал зааврыг уншин доорх хүмүүстээ дамжуулдаг. Өөрөө өчүүхэн ч эрхгүй бөгөөд бодол санаагаа хэлж болохгүй. Ардын депутатад сонгохдоо ямар ямар нөхцлийг бүрдүүлсэн хүнийг сонгох хэрэгтэй гэдгийг дээрээс зааж тэр хүн нь сонгогддог. Өвөр монголын монгол хүн үг хэлэх эрхгүй зөвхөн хятадын коммунист намд зүтгэвэл зүгээр шиг амьдарна. Бид ингэж амьдраад ямар хэрэг байна вэ? Энэ нь хүний амьдрал мөн гэж үү? Би 1987 онд 2 сарын хугацаагаар Өвөр Монголын баруун захын аймаг Алшаа аймгийн төв Баян хотоос эхлэн Утай хот, Баян нуур аймаг, Бугат хот, Их зуу аймаг, Хөх хот, Улаанцав аймаг, Шилийн гол аймаг, Улаанхад хот, Жирэм аймаг, Хянган аймаг, Хөлөн буйр аймаг зэрэг бүх Өвөр Монголын 8 аймаг, 1 хот, 50 гаруй хошуугаар 5 мянга гаруй км дугуйгаар аялж Өвөр Монголын үнэн байдлыг нүдээр харж шинэ түүхийн ном материал цуглуулсан билээ.

1990 онд Бээжингээс Гуанжу хүртэл бүх Хятадын хойноосоо өмнө хүртэл 4 мянга гаруй км дугуйгаар аялж Хятадын өнөөдрийн байдлыг үзлээ. Энэ нь феодалжсан үе угсаа залгамжлагч Манжийнхтай адилхан ХКН- ын төр засагт амьдрах ажиллахад намайг улам дургүй болгосон. 1987 онд эцэг минь 1969 оны хоригдлын шархны улмаас хүндээр өвчилж нас барж, ээж минь тэр жилийн шархнаас болж мэдрэлийн өвчтэй болсон. Би Хятадад байвал бүгдээрээ дуусах юм байна гэдгийг ойлгосон. Бид хүн юм бол бусад ард түмний нэг адил шударга ардчилсан нийгэмд амьдрах хэрэгтэй. Гэтэл хятад шиг идэж ууж, тэдний хэлдгээр байж болдоггүй, чөлөөтэй үг хэлэх, цуглаан, чөлөөт өрсөлдөөнд орох эрхгүй байна. Энэ нь хүний амьдрал мөн гэж үү? 1987 онд Шилийн голын Баатар, Улаангэрэл нар өвөр монгол хүний эрх хамгаалах хорооны нэрийн өмнөөс НҮБ- д Өвөр Монголд хүний эрх дээд зэргээр зөрчигдөж байгаа байдлыг мэдээлэх зорилгоор, улс төрийн орогнол хийхээр монгол улсад ирснийг тухайн үеийн коммунист систем давамгайлсан хүний эрх, ардчилал, шударга ёс, үндэс угсаа гэж мэддэггүй МАХН- ын засаг Хятадад буцаан өгсөн нь НҮБ- ын зарчимд харш бөгөөд дэлхий нийтийн наад захын хууль зөрчжээ. Тухайн үед Өвөр Монголд Монгол улсад дургүйцсэн яриа ихээр дэлгэрсэн бөгөөд Монгол туургатны шүтээн гал голомтыг хамгаалагч Монгол улс маань элэг нэгтэндээ ингэж хандах нь уу? Энэ жил ХКН- ын Өвөр Монголын хорооноос дахин маш нууц 13 тоо бичиг баримт гаргаж, Монгол улсын тухай хэвлэл ном нэрийдлээр олон оюутан, залуу сэхээтэн баривчлагдаж, олон хүнийг гэрийн хорионд аваачсан нь дахин 1969 оны харамсалт хядлагыг санагдуулж байна. Энэ хэргийг гадаадын сэтгүүлч, хүний эрхийн байгууллага нааштай үзэж, хэвлэл мэдээллээр мэдээлэн Америкийн ХЭБайгууллага 36 хуудас товхимол гаргасан нь ХКН- д бага ч гэсэн дарамт болж гадаадынхан Өвөр Монголын тухай үнэн мэдээллийг анх олжээ. “Нэг үхрийн эвэр доргивол мянган үхрийн эвэр доргино” гэдгээр ардчиллын уур амьсгал бялхсан монгол улсын чөлөөт оюуны “Хунтайж Дэмчигноров нийгэмлэг” элэг нэгтэй Өвөр Монголын эмгэнэлт байдлыг хуваалцан Хятадын элчний өмнө хууль ёсны дагуу эсэргүүцэл гарган НҮБ- ын хүний эрхийн холбооныхон Монголд ирэх болтол суулт зарлажээ.

1911 онд олноо өргөгдсөн Монгол улсын хаан Богд Жавзандамба Өвөр Монголыг чөлөөлөхөөр цэрэг томилсноос өнөө болтол 80 жилийн нүүр үзлээ. 1945 онд Зөвлөлт Монголын цэрэг Өвөр Монголд ороод тэдний зэвсгийг хураан Хятадын 8 замын цэрэгт өгч өөш болгосон харшилт түүх болон Өвөр Монголын эрх чөлөөний төлөө гарамгай тэмцэгч цуут хүн Дэмчигноровыг Монголын асуудлыг хэлэлцэе гэж урьж авчраад Хятадад буцаан өгсөн бөгөөд өдий төдий нэрт сэхээтнүүд эрх чөлөөний удирдагчийг хядаж хэдэн зуун мянгаар нь ялтан гэж хятадад хүргэж өгсөн түүхтэй. Тэдний олонх нь шоронд үхсэн нь мэдээж. Элэг нэгт Чингисийн цус махны тасархай 10 сая хүрэхгүй монголчууд бид нэг нэгэндээ тус хүргэхгүй юмаа гэхэд чичлэхгүй баймаар. Нэг хүн “Өвөр Монголын тухай чиний ярьж байгаа чинь худал биш нь мэдээж, Тэд их хэлмэгдсэн, гэтэл эдгээр үнэн учрыг яриад байх нь таны аминд чинь харш биш үү? Харин үүний оронд сайхан амьдарвал дээр бизээ. Хятад урт гартай яаж ч мэднэ” гэж ярив.

Би гахай нохой шиг идэж уух, өмсөхийн төлөө өчүүхэн хүний амьдрал хийе гэвэл үндэстнийхээ эрх ашгийг Хятадад худалдаад амьдарвал сайхан амьдарч болно. Гэхдээ бид Чингисийн Монгол учраас өөрийнхөө үндэсний эрх чөлөөний төлөө зүтгэх хэрэгтэй биз ээ. Би хайрт Өвөр Монголын ард түмний үнэн байдал 45 жилийн гунигт түүхийн үнэнийг дэлхий нийтийн ард иргэдэд үнэн зөвөөр мэдээлэхийн төлөө дуртайяа хоёр дахь амь насаа зориулна. Би тэд нарын дунд хорин хэдэн жил амьдарсан учир мах цусаараа хятадын ноёрхол дахь тэдний зовлонт амьдралыг ойлгосон билээ. Хорвоогийн түүхийг сөхөхөд 20- р зуунд нэг үндэстнийг хүйс тэмтрэх зорилгоор олон арван мянгаар хядан алж, соёл иргэншилтэй нь булшилсан хэрэг монголчуудаас бусад үндэстэнд цөөн тохиолдсон биз ээ. Өвөр Монголчууд бид эхгүй өнчин хүүхэд.

1911 оноос эхлээд монгол улсад хүчин зүтгэе гээд ирсэн буриад, өвөр монгол, цахар, барга, ойрад, харчин гээд олон арван хилийн чанад дахь монголчууд монгол улсдаа хэлмэгдэн мөрдөгдөж ор сураггүй алга болжээ. Өвөр Монголыг БНМАУ- ын НАХ(Я) хятадын тагнуул гэж, Хятадууд монгол улсын тагнуул гэж Өвөр Монголчуудын халхын тагнуул болж байсан гэж олон монголчууд надад нүднээсээ нулимсаа дуслуулан ярьж байсан. Нэг ах надад хэлэхдээ талхгүй нэг хоёр өдөр өлсөхөд хамаагүй, харин оюун санааг тарчилган зовоож хажуу хавирганы айл хамт ажиллагчдаар нь хараа хяналтад авч байсан гунигт явдлыг тэр учралыг биеэр үзэж өнгөрсөн хүн сая ойлгоно гэж билээ. Монголчууд бид нэгдмэл улс байсан түүхээ сэргээж чадахгүй юмаа гэхэд яагаад бие биедээ тус болдоггүй юм бэ? Хүн мөнхрөхгүй нь мэдээж бөгөөд зуу хүрэхгүй насалдаг, тэгвэл хүн юунд амьдардаг вэ? Үндэстэн ястан гэлгүй идэж уухын төлөө гэж үү? Хүн ба амьтны ялгааны нэг нь өөрийн бодол санаагаа үг хэл, үсэг бичгээр илэрхийлж чаддагт оршино. Модун, Бөртэ чоно, Чингис, Эсэн, Галдан, Ханддорж, Сүхбаатар, Дэмчигдонров зэрэг үндэстний төлөө насан эцэстлээ зүтгэгчдийн түүх шастирыг монголын ард түмэн шүтээн билгэдэд болгодог бөгөөд харийн ард олны хүндэтгэл бишрэлийг олдог. Хүн төрөлхтний жам ёсоор хүн үхэж 3 дахь удаагаа амьдрах ёстой. Гэхдээ тэр амьдрал нь бидний амьдарч байгаа ертөнц биш гэнэ. Би хоёр дахь амьдралаа монголчуудын дунд сонгосон нь зөв гэж боддог бөгөөд өнөөгийн манай үндэстнийг хүнд байдлаас аврахад өөрийн тоотой хэдэн насаа зориулж чадвал амьдарч явсны хэрэг биелэх нь тэр.

?

  1. No Image

    Ж.П.САРТРЫН ФИЛОСОФИЙГ ОЙЛГОХОД ТУС БОЛОХ 20 ЭШЛЭЛ

    Францын философич, жүжгийн болон үргэлжилсэн үгийн зохиолч, улс төрийн идэвхтэн Жан Поль Сартрын бүрэн цадиг, философийн үзэл баримтлал, улс төрийн чиг баримжаа гээд цогц мэдээллийг багтаасан “Сартр: Зурагт хөтөч” ном эх хэлнээ орчуулагдан г...
    Date2017.09.06 ByAlimaKhash Views459
    Read More
  2. No Image

    ДЭЛХИЙН ХАМГИЙН ЖИЖИГХЭН ЭМЭГТЭЙ ГЭРЛЭЖЭЭ

      Одоогоос зургаан жилийн өмнө буюу 2011 оны 12 дугаар сарын 21-ний өдөр дэлхийн хамгийн жижиг эмэгтэй Amge 18 нас хүрч дэлхийн Геннисийн амжилтанд бүртгэгджээ.   Тэрээр ердөө 62.8 см өндөр гэнэ. Amge нь 2009 онд “Body Shock: Two Foot Tall ...
    Date2017.09.05 ByAlimaKhash Views709
    Read More
  3. No Image

    Дантес, Пушкиныг алсныхаа дараа хэрхэн амьдарч байсан бэ

    Оросын утга зохиолын хэлийг үндэслэгч гэж үздэг аугаа их Александр Сергеевич Пушкин франц офицер Дантестай халз буудалцаж  гэдсэндээ хүнд шархадсаны улмаас 1937 оны хоёрдугаар сарын 8-ны өдөр насан эцэслэсэн.  Харин Хүний гараар босомгүй хө...
    Date2017.09.05 ByAlimaKhash Views869
    Read More
  4. No Image

    19 насандаа хорих лагерийн харгалзагч болсон харгис бүсгүйн түүх

    Хүн төрөлхтөн фашизмыг ялаад өдгөө 65 жил өнгөрсөн байна. Дэлхийн хоёрдугаар дайны үед дайны гэмт хэрэг гэхээс илүүтэй хүн төрөлхтөны эсрэг гэмт хэрэг хийсэн олон эмэгтэйчүүд байдаг. Тэдний магнайд хатагтай Ильза Кох зүй ёсоор бичигддэг юм. ...
    Date2017.08.29 ByAlimaKhash Views1120
    Read More
  5. No Image

    Оросын жүжигчин Украины армид байлдаж байна

          “Адмирал”, “Ирээдүйгээс ирэгсэд” зэрэг кинонд тоглосноор нь бидний сайн мэдэх Оросын жүжигчин Анатолий Пашинин эх орноосоо явж, Украины армийн цэрэг болон Донбасст байлдаж байгаа аж. Энэ талаар Украины сэтгүүлч Андрей Цаплиенко “Facebo...
    Date2017.08.29 ByAlimaKhash Views794
    Read More
  6. ”Урилгагүй зочид”

         Хорвоо ертөнц дээр сонин хачин зүйлс олон. Шинжлэх ухааны үүднээс ч тайлбарлах боломжгүй зүйлс байдаг. Сүнсний тухай хүмүүс сонирхож, байдаг үгүй дээр маргадаг. Энд тэнд сүнс, буг чөтгөртэй таарсан гэх хүмүүсийн яриа олон байдаг билээ....
    Date2017.08.24 ByAlimaKhash Views1022
    Read More
  7. Хүүхдийн сүнсэнд эзэмдүүлсэн нууцлаг хүүхэлдэй

        Олон арван жилийн турш хүүхдийн сүнсэнд эзэмдүүлсэн гэх энэ хүүхэлдэй нууцлаг хэвээр байна. Домогт Окику хүүхэлдэй нь урт хар үс, хар нүдтэй, 40 см өндөр, кимонотой аж. Окику хүүхэлдэй нь 1938 оноос хойш Хоккайдо мужийн Ивамизава хотын ...
    Date2017.08.24 ByAlimaKhash Views577
    Read More
  8. “Шүдний хорхой бол тамын чөтгөр” бүтээл

        1700-аад оны үед Францын нэгэн сийлбэрч “Шүдний хорхой бол тамын чөтгөр” бүтээлээ бүтээжээ. Уг шүд нь 10,5 см урттай, хоёр тэнцүү юм. Уг бүтээлээрээ шүд хорхойтох үйл явцыг харуулсан байна. Ё.Мээдээ
    Date2017.08.24 ByAlimaKhash Views511
    Read More
  9. Европын түүхийг өөрчилсөн ТЭМБҮҮ өвчний тухай ... /16+/

    Хөгшин Европын түүхэнд хоёр халдарт өвчин маш том нөлөө үзүүлсэн. Энэ нь 40 сая хүний амийг авч одсон ч хөгжлийн шинэ үеийн хүрдийг эргүүлсэн тарваган тахал, удаах нь 20 сая хүнд халдаж талыг нь үхүүлсэн ч хувьсгал шинэчлэлийн галыг өдөөсөн...
    Date2017.08.22 ByAlimaKhash Views1098
    Read More
  10. Дэлхийн хамгийн аюултай 10 зам

    Эзгүй юм шиг, өөдөөс ирэх машингүй,огцом эргэлтгүйзамаар тайван, тэгэхдээ дуу, хөгжимсонссон шиг давхиж явахаас илүү сайхан зүйл гэж юу байхав? Гэвч дэлхийн хаана ч тэр бүр жолооч ингэж явж чаддаггүй бололтой. Зарим нь адармаатай гэмээр зама...
    Date2017.08.21 ByAlimaKhash Views758
    Read More
  11. Б.Ринчен: Одон уулын муухай зантыг яаж барьсныг сонссон минь

    (Дуртгал)  (Энэ дуртгалд Ринчен гуай арван зургаатай байхдаа Барон Унгерн фон Штернбергийн хоригдож байхтай дайралдан ажин шинжиж байсан, Барон Унгерныг хэрхэн барьсан түүхийг сонссоноо өгүүлдэг). Билгийн улирлын арвантавдугаар жарны цагаагч...
    Date2017.07.20 ByAlimaKhash Views2038
    Read More
  12. Доголон Төмөр хааны догшин шарил

    Түүхэнд түүний нэр алдар Төмер хаан, “Доголон” Төмөр, “Бурхны ташуур”, Тимур, Тамерлан, Тимерлинг хэмээгдэн олон янзын нэрээр мөнхрөн үлджээ. Түрэгжсэн монгол ноёны хүү болох Төмөр бээр Бухар хотоос баруун өмнөд зүгт орших Кэш хотод Барлас о...
    Date2017.07.20 ByAlimaKhash Views2177
    Read More
  13. 21 муур алсан этгээдэд 16 жилийн хорих оноожээ

    ВАШИНГТОН./TASS/. 21 муур алсных нь төлөө АНУ-ын иргэн Роберт Фармерт Калифорни муж улсын Санта-Клара хотын Дээд шүүхээс 16 жилийн хорих ял оноожээ. Энэ тухай бямба гарагт USA Today сонинд мэдээллээ. Тус хотын нэгэн дүүргийн айлуудын муурнуу...
    Date2017.07.18 ByAlimaKhash Views1483
    Read More
  14. Ганц бие ээж хөгжлийн бэрхшээлтэй хүүгээ Харвардад элсүүлж чаджээ

    Хятадын нэгэн ээж өөрийн хөгжлийн бэрхшээлтэй хүүгээ амьдралынх нь чухал сорилтуудыг даван туулахад тусалж иржээ.Саяхан тэдний хувьд бүр ч чухал түүхэн үе тохиосон нь хүү Харвардын Их сургуульд суралцах эрхтэй болсон    юм.   Зоу Хонг Яны хү...
    Date2017.07.18 ByAlimaKhash Views1478
    Read More
  15. НАСА удахгүй харь гаригийнхны талаар шуугиант мэдээлэл хийнэ

    Сансар огторгуйг судлах НАСА агентлаг тун удахгүй харь гаригийн соёл иргэншил байдаг талаар мэдээлэл хийж магадгүй. Ийм мэдэгдлийг Anonymous гэдэг нэртэй хакерчдын бүлэглэлийн төлөөлөгчид хийсэн байна. Кибер гэмт хэрэгтнүүдийн үзэж байгаага...
    Date2017.07.16 ByAlimaKhash Views1950
    Read More
  16. 60 насандаа хүүхэд төрүүлжээ

    Атифа Ляжич хэмээх 60 настай эмэгтэй өөрийн нөхөр болох 68 настай Сериф Нокичтой гэр бүл болсноос хойш сүүлийн 20 жилийн турш хөл хүнд болохыг оролджээ. Тэгвэл долоодугаар сарын эхээр Сербийн тэтгэврийн хөгшчүүлийн мөрөөдөл биелж, Атифа охи...
    Date2017.07.16 ByAlimaKhash Views911
    Read More
  17. Л.Н.ГУМИЛЕВ: ХҮН-ЧҮҮДИЙН ШАШИН

      Шашны тухай яриа болоход: юунд сүсэглэдэг вэ, яаж сүсэглэдэг вэ? гэсэн хоёр асуулт гарч ирдэг юм. Хүн-чүүд жил бүрийн хавар «өвөг дээдэс, тэнгэр, газар, сүнсэнд» өргөл барьц өргөдөг байв. Шанью өдөрт 2 удаа мөргөл үйлдэнэ, өглөө мандаж буй...
    Date2017.07.07 ByAlimaKhash Views1055
    Read More
  18. Хэлсэн бүхэн нь үнэн байдаг мэргэн ламтан эрлэгийн элчийг хөөжээ

    Увс аймгийн Зүүнхангай, Өндөрхангай сумдад мэргэн түргэн лам нар олон байжээ. Мэргэн Жоош гэж ирээдүйг зөгнөж хэлдэг хүн байж. Нутгийнхан түүнийг лам ах гэж авгайлна. Түүний хэлсэн үг заавал биелдэг. Нэг удаа малчин Жанчив гэгч эр хоёр тэмээ...
    Date2017.07.05 ByAlimaKhash Views1679
    Read More
  19. No Image

    Д.Мөрөн: Өвөр Монголчууд бид эхгүй өнчин хүүхэд

      Дэмчигноров Гоминданы засгийн газраас Өвөр Монголыг холбооны улс болгохоор гуйсан нь бүтсэнгүй. Мөн Япон ч үнэн сэтгэлээсээ Монголыг дэмжсэнгүй. Америк цаг алдаж, Орос Хятад хоёр Монголыг хувааж эзэмших гэсэн олон шалтгаанаас Өвөр Монголыг...
    Date2017.07.05 ByAlimaKhash Views939
    Read More
  20. No Image

    Бараг ялагдал буюу Бат ханы арми Мүхигийн тулаанд бутарсан нь

    Нилээд маргалдсаны эцэст хамгаалалтын стратегийг сонгох шийдвэрийг Бела хаан гаргажээ. Цэргийн хуаранг Мүхийгийн тал нутагт Сайо голын баруун эрэгт байрлуулав. Алс тэртээх Унгарын Мохийн хөндий, Сайо голын хөвөөнд монгол морьтон баатруудын б...
    Date2017.07.05 ByAlimaKhash Views771
    Read More
Board Pagination Prev 1 2 3 4 5 6 7 8 9 10 ... 41 Next
/ 41