Тусгаар тогтнол бол эрх чөлөө мөн
Тусгай их хөрөнгө бол эрх чөлөө мөн
Дүүлэн нисэх шувууд нь эрх чөлөөт мөн
Хүүгэн үлээх салхин эрх чөлөөт мөн

Хээр их талдаа сэнгэнэтэл дуулан давхих
Хээгүй гүдэсхэн адуучин эрх чөлөөт мөн
Хээ хуарыг нь тааруулж үйл мэтгэн суугаа
Хээнцэр монгол бүсгүй эрх чөлөөт мөн

Гяндангаас саяхан суллагдаад гялайж байгаа хархүү
Гарцаа, харьцаа байхгүй эрх чөлөөт мөн
Гялс, гялсхийн цахилах догшин хурт тэнгэр нь
Галав эртийн цагаас эрх чөлөөт мөн

Эрх чөлөөг би олон янзаар хэлнэ
Эрх биш та ч олон арвыг нэмнэ
Эзний мэдэлд авталгүй өөрийн дураар суухыг
Эрх чөлөө жинхэнэдээ гэж хэлж та мэднэ