1jwg6pffbz9v1ch6jucvsxsvs.jpeg

 

Морь унасан толгойгүй хүн - 8. Жаран хөлт


 


Могойг тонилгосноос хойш цөм тайвшрав. Нохйо хуцах, фелим орилохоо болиод, мустангууд модны ёсүүдэрть нам тайван зогсч байлаа .
Овоохой дотор ч гэсэн чимээ аниргүй бболж , гагцхүү аргамжин хамгаалалтанд итгэхээ нэгэнт больсон Фелим л мустангийн арьстан дэвсгэр дээр байн байн эргэлдэж байгаа нь сонсогдлоо.
Овоохойны гадаа ч чив чимээгүй . гэвч нэг юмны дуу чимээ аниргүйг эвдэнэ.Энэ бол мэлхийний ыбаргиа дуу, матрын исгэрээн хоёрын аль нь биш. харин энэ дуу Зеб Стумпийн хамраас гарч байгаа болохоор нойрсож байгаа анчны хурхирахаас өөр юу ч байх билээ .
Энэ Зеб нам унтасныг гэрчилнэ. Нойроо сэрээснийх нь хариуг Фелимээс авсан нь түүнийг тайвшруулж санаа амар амарч буй нь энэ .
Тэр дуу бараг цаг шахам үргэлжилжээ . хааяа нэг шар шувуу хашгичих, чононцорын алсад гунигтай улих сонсогдоно.
Гэтэл дахиад л орилоон шуугиан болж бас л Фелим түрүүчийн адил хашгирав.
- Амь авараарай! Гэгээн дарь эх минь! Арёчаагүй амьтныг өмгөөлөгч минь! Авраач намайг, авраач! Гэж Фелим зөвхөн эзнээ төдийгүй гадаа унтаж байгаа зочныг сэртэл гэнэт орилов.
Авраач гэнэ үү? Юунаас авраач гэж? Юу болов? гжэ асуусаар Морис Жеральд орноосоо дахин босон харайж, яаран гэрэл асаав.
- эрхэм минь өөр нэг могой! Пээ! Стумп гуай алсан могойноос долоон дор хортой могой байна. нээрэн шүү! Цээжин биеий минь хатгачихлаа . хамаг бие улайтгасан төмрөөр хайрсан юм шиг халуу оргих байна.
Зеб Стумп хөнжлөө нөмөрсөөр орж ирээд
- Чамайг чөтгөр авачаасай! Тэнэг чинь хоёр дахин намайг сэрээчихлээ! Эрхэм Жеральд, та намайш уучлаарай . Америкт ч Ирланд ч гээд орон бүхэн тэнэг амьтан зөндөөн байдаг нь мэдээж. Гэтэл би танай энэ усан танаг шиг амьтантай ер дайралдаж үзсэнгүй . Ёстой нэг тэнгэргүй амьтан байна даа!
Үүнийг аваачиж усанд хийхээс нааш бид өнөөдөр унтаж чадна гэж үү дээ! гэв.
- Эш Стумп гуай минь битгий тэгж яриарай! Энд могой байна гэж та хоёрт тангаргалая! Тэр могой одоо энэ овоохой дотор ыбий гэдэгт итгэж байна . гацхан минутын өмнө над дээгүүр явахы нь би мэдсэн.
- Чи зүүдлээ байлгүй? техасын ямар ч могой аргамж дээгүүр давдаггүй юм гэж би чамд хэлсэн шүү дээ . Түрүүчийн могой бол чамайг бугуйл тавьж амжихаас өмнө овоохой дотор орчихоод байж байсан байх. Хоёр могой зэрэг орж ирэх нь юу д бол. Гэвч мэдэхэд амархан гэж анчин өвгөн нэлээд ивээлтэй, өршөөнгүй дуугаар хэлэв.
- Ёо,ёо авраач! Хавирган дээгүүр могойны мөр гарсныг хараач. Хоёр дахин байсан байх нь ! Нигүүлсэнгүй дарь эх минь, яадаг билээ? Гал дотор орсон юм шиг халуу шатаад байна! гшэж фелим цамцаа биенээсээ хуу татан хэлэв.
Стумп айсан Фелимд ойртон очиж дээр нь гэрэл бариад
- Могой гэнээ? Яалаа гэж могой байх вэ! Могой биш гэдгийг тангаргаля, чөтгөр аваг! Энэ чинь могойноос дор амьтан байх чиьн! гэв.
- Могойноос дор гэнээ? Стумп гуай та дор гэж хэлэв үү? Та үүнийг аюултай гэж бодож байна уу? гэж Фелим шалгаав.
- Чамд юу гэж хэлье дээ… надад ойр хавиас эм тан олдох эсэхээс бзх юм хамаарна. Хэрэв эс олдвол би үүнийг хариуцахгүй…
Стумд гуай минь намайг битгий айлгаач дээ!
Морис, Фелимийн цээжин дээрх улайсгасан зүүгээр хайрсан мэт дот улаан гуврууг хараад
- Яачих нь энэ вэ? гэж хэлээд анч өвгөнийг Фелимийн бие дээрх жигтэй сонин мөр рүү анхааралтай ширтэн харж байхыг ажиглаж, санпарч тэвдэн үгээ үргэлжлүүлэ- Юу болох нь энэ вэ? Би ийм юм ер үзээгүй. Энэ таны сэтгэлийг зовоож байна уу? гэв.
- Их зовоож байна. эрхэм Жеральд минь гэж хэлээд Стумп мустангертай хамт шивнэн ярилцсаар гадаа гарав.
- Энэ цтэргэнд яачихаа вэ? гэж Морис сэтгэлд зовсон байдалтай асуув.
- Хортой жаран хөлт биен дээгүүр нь явчихаж л дээ .
- Хорт жаран хөлт! Тэр чинь Фелимыг хазчихаж юм биш багаа?
- Үгүй, би тэгж өодохгүй байна. Заавал хазах ч албагүй, яваад л өнгөрөхд үхлийн аюултай ч байж болно.
- Ээ тэнгэр минь! тийм аюултай юм гэж үү?
- Тийм ээ эрхэм Жеральд минь . огтын эрүүл саруул хүн тийм гувруутай болчихоод диваажинв тноилж байхыг би зөнлдөө үзсэн. Хэрэв родоохон аргалахгүй бол цаадахи чин жигтэйхэн халуураад сүүлдээ галзуу нохойд уруулсан юм шиг болж ухаан алданаг харин түүнийг битгий айлга. Би тус дэм болмоор юмыг үзээд алдъя. Энэ нутагт нэг ургамал байдаг юм . Би хэрэв тэр ургамлыбг түргэн олж амжвал Фелимийг эмнэхэдп амархан. Даанч сар шингэчихэж дээ . Би тэр урггамлыг тэмтэрч эрэхээс биш яахав. Эрэг ганга руу тэр ургамал их байдгийг мэднэ. Чи буцаж очоод цаад залуугаа тайтгаруулж бай. Би эрж үзье. Одоохон эргэж ирэмц…
Ийнхүү гадагшаа шивнэлдэн Фелимийг тайвшруулах н бүү хэл улам л мэдэгдүүлэн сандрагжээ . Анч өвгөнийг эмийн ургамал эрэхээр яьж амжаагүй байтал Фелим муухай орилон хашгирсаар овоохойноос гүйн гарч ирэв. морис хэдийгээр өөрөө итгэлтэй биш ч гэсэн, ямар ч гэсэн айх юм байхгүй гэж хууран арайхийн тайвшрууллаа .
Төдөлгүй Зеб Стумп орж ирэв. Түүний царайд эмийн ургамал олсон шинж илэрхий байсан учир эзэн зарц хоёрыг баярлуулжээ . Анч өвгөн шигүү, жигд ургасан хурц өргөстэй, хар ногоон өнгөтэй зууван наюч хэд хэдийг баруун гартаа барьжээ . тэр навчнууд дотор өөрийн сайн мэддэг аршийн нудрага байхыг Морис таньжээ .
Эрхэм Фелим битгий ай! Гэж анч өвгөн овоохойны босго алхангуутаа хэлээд- Одоо айлтгүй болсон . Би чиний халууныг дарж, нүд ирмэхийн зуур өвчнийг чинь эдгээх болно. Чамайг хашгирахаа боль гэж байна шүү! Чи голоос дээш доошоо хорин бээрийн дотор байгаа ан амьтныг сэрээчихлээ . Хэрэв чамайг ингэж орилоод байх юм бол хамаг команчууд гүйлдээд ирнэ. Тэгвэл жаран хөлтнөөс долоон дор юм болно шүү дээ! Намайг эм бэлдэж байх хоронд нэг боох юм олоод ирээч гэв.
Анч өвгөн эхлээд навчны өргөсийг хутгаар авч дараа нь зузаан зузаан зүсэж түүнийгээ Фелимийн улаан гувруу гүйсэн биен дээо тавиад мустангерын бэлтгэсэн цэвэр алчуураар боов.
Аршийн шүүс хор дарахдаа сайн нь тэр дорхноо мэдэгдэв. Аюул өнгөрлөө гэж итгэсэн Фелимийн санаа амарч бас ядарсандаа болоод удалгүй унтаал өглөө . Оточ анч өвгөн могойг бодвол олсон дээгүүр ажиггүй давчихдаг нөгөө аюуль жаран хөлтийг олох гэж дэмий оролдож байснаа зүлгэн дээрээ буцаж очоод өглөө болтол тайван нойрсжээ .
Үүр хаяарах үед гурвуул босов. Фелим халуурч дагжихаа больж, нөгөө айдас нь ор мөргүй алга болжээ . тэд гурав цацагт хяруулын шарсан махны үлдэгдэл идээд явахад бэлтгэж гарлаа . Баллибаллахын хөтөч асан анч өвгөнтэй хамт зэрлэг адуунуудыг ихтал гаталган туухад бэлтгэн холбож эхлэв. Тэр үеэс Морис өөрийн морь, бидэрт гүүү хоёрыг аян замд зэхэв. Ялангуяа, баригдаж ирсэн сайхан гүүндээ их анхаарал тавьж дэл сүүлий нь сайхан гэгчсамнан түүнийг барьж авах гэж хичнээн хөөцөлдсөний гэрч болох гялалзсан сайхан арьсанд наалдсан муухай толбыг арилгав.
Зеб Мустангер өөд гайхсан байдалтай харж :
- ыБолиоч дээ. та тэгж оролдоод дэмий. Вудли Пойндекстер бол хэлсэн үгээ буцдаг тийм хүн биш. Миний нэр Зеб Стумп гэдэг нь үнэнтэй адилхан, таны хоёр зуун доллар авах чинь үнэн . Чөтгөр аваг. Энэ гүүнд тэр зэргийн үнэ байлгүй яахав? гэв.
Морис хариуд нь юм хэлээгүй боловч завьжаараа инээмсэглэж байгаагий нт харвал бидэрт мустангт онц анхаарал тавьж байгаагий нь учрыг Стумп ойлгоогүй юм байна гэж бодож болох байлаа .
Морис мустангер хээр морио унаж, өнөөх сайхан гүүгээ бугуйлгаар оосролож хөтлөөд явснаас хойш цаг ч болоогүй байлаа . Фелим бусад мустангуудыг хөтлөөд араас нь хатриулан явна. Зеб Стумп хөгшин гүүгээ унаж, тэдний хойноос гүйцэж ядан давхина
Тара өргөстэй нуга дээгүүр болгоомжтойхон гишгэсээр араас нь яаралгүй шогшино.
Овоохой сахиж хэн ч хоцорсонгүй. зөвхөн зэрлэг тал нутгийн дөрвөн хөлт амьтныг оруулахгүйн тул адууны ширэн бүрээстэй үүдий нь л хаажээ . шар шувуу дуугарч, зэрлэг муур муухай орилон, өлөн чоно гиюүрэн ульж, эргэн тойрны чимээ аниргүй байдлыг эвдэнэ.