1jwg6pffbz9v1ch6jucvsxsvs.jpeg

 

Морь унасан толгойгүй хүн - 9. Хилийн цайз





Инж цайзын дээр одогт далбаа намилзаж, ер бусийн өвөрмөц барилга дээр чичирхийлсэн сүүдрээ тусгана.
Энэ бол хагас зэрлэг, хагас боловсон бөгөөд хагас цэргийн байдалтай, хагас энгийн жинхэнэ хилийн амьдралыг дүр зураг ажээ . тэр зургийг отгон Вернэ л үнэндээ гаргаж чадах бизээ . Энд янз бүрийн хувцас хунар өмссөг бөгөөд нийгмийн дотор янз бүрийн байрь сурь эзэлдэг, янз бүрийн мэргэжил боловсролтой хар, цагаан, арьстан хүмүүсийг үзэж болно.
Цайз ч гэсэн ямар нэг ер бишийн байдалтай юм . Энэ хориглон хамгаалах, газар, нууц зам нүхэн саал, шороон хаалтны аль ч байхгүй бөгөөд хэрэм цайз гэж санагдахаар юм бараг байхгүй ажээ . халуун орны алгораб хэмээх модоор шивээлж барьсан хоёр зуун адуу багтах саравч байна. Тэр саравчны эргэн тойронд шавардсан сүлжмэл ханатай авсаархан барилга хэдэн арав байна. хамгийн том нь цэргийн хуаран_ хойд талаараа цэргийн эмнэлэг, агуулах гакартай бөгөөд нэг талд нв сахилга журмын шорон, нөгөө талд нь дарга нарын байр, хоолны газар байна. барилгууд нь цөм туйлын төв байдалтай мөртөө цэвэрхэн цэмцгэр . Жирийн шавардмал хануудыг нь цагаан шохойгоор буджээ . Их гүрний цэргийн хувцастай хүмүүс цувна. Инж цайзын байдал ийм ажээ .
Түүнээс жаахан зайдуухан байгаа хэсэг байшин нь цайз гэж нэрлэсэн хэсгээсээ бага юм . тэр байшингийн бас л америк далбааны дор нэрвэгдэж байдаг бөгөөд дээр нь америк далбаа шууд мандаагүй боловч тэдгээр байшин бий болж, оршин тогтох байгаа нь тэр далбаатай холботой м . Энэ бол ан америкийн уэргийн салбарын ойролцоо ердийн байдлаар бий болж сүүлдээ түргэн хөгжиж, жижиг том хот болно өргөжиж суурингуудын нэг юм .
Цэргийн хоол хүсний газарт үл хамаарах архи дарсний агуулах газартай жижиг барааны худалдагч, согтуу хүний хорхой хүргэж байх гэж шилтэй архинууд өрсөн дур булаам тавиуртай ,шалгүй , салбар мухлагийг харъяалсан дэн буудлын эзэн, нутгийн цэргийн ангийхны өврийг хоослогч мөрийтэй тоглоомчид ер бусын алдар цуутай босон хориод хар нүдтэй бүсгүй, мөн тийм тооны анчин, мустангеруудын болон ер нь тэгээд орон бүхний цэргийн хуаран бүрт заавал байдаг тодорхой албанд хамааралгүй хүмүүсээр тэр муурины хүн ам бүрдэл болжээ . Энэ бяцхан суурингийн байшингуд нь овоо замбараатай бөгөөд цөм нэг эзэн хүний өмч бололтой . Тэр байшингууд дагтаршсан газар дэр гэрдийн шил болоод баримлуудын оронд ёрдойж байгаа хатаж хувхайрсан заан мод, хэсэгш бут сөөгтэй бяцхан цэцэрлэгийг тойрон харагдана.
Леон гол энэ газарт горхи шиг болтлоо нарийсаж, цайз суурин хоёрын араар урсана. Урд талд нь хурц тод номин эрдэнийн өнгөт өвч ургамлаар бүрхмэл тал хөндий цэлийэ, алсад маш өтгөн ойн зцурвас зурайн харагдана. Тэнд аврага царс, самрын мод, хайлсууд нь заан модны өргөсь цагдуул болоод ургамлыг судлагч нарт бараг мэдэгдэхгүй ороонги, мацанги , сорогч янз ыбүрийн шимэгч ургамалтай холилдон амьдралынхаа төлөө тэмцэж байна. Горхины эргийн хойд зүүн хоёр талд тариалнганийн эздийн орон байр энд тэнд байрлажээ. Тэюгээрийн зарим нь нэлээд болхи бүдүүлэг бөгөөд шинэ тутм баригдсан, зарим нь овоо нарийн нямбай баригдсаныг харваас зэгсэн удаж байгаа бололтой . тэр байшингуудын дотроос шүд мэт арзгар хүрээт хавтгай оройтой бөгөөд хана нь гурван талаасаа хүрээлэгдсэн ногоон ойн дэвсгэр дээр тодхон ялгарч харагддаг том барилга хүний атаархалыг гоц татна.
Энэ бол Каса- дель- Корво гэдэг эзэмшил.
Хойшоо эргэж харвал тань гурвалжин хэлбэртэй өнчин уул таны өмнө дүнхийн харагдана. Тэр уул хэд хэдэн зуун тохой өндөр бөгөөд түүний хойд талын манан будан татсан тэртээ алсад Гвадалупын уулсын тахиралдсан үргэлжлэл нүд булааж харагдана.
Дээшээ харвал тань номин цэнхэр өнгөтэй тэнгэр хаагдана. Өдрийн цагт тэнгэрт үүлгүй цэв цэлмэг харин дээр нь гагцхүү алтан шаргал наран гийнэ. Шөнийн цагт бол хоьцгүй ган болдоор давтаж хийсэн юм шиг одон мичид тэнгэрт түгэх бөгөөд тунгалаг тэргэл саран нь ёстой л мөнгөн юм шиг санагдана.
Сар шингэж одон мичид замхарсан хойно Матагордын булангас цэцгийн сйахан үнэр анхилуулсан салхин үлээх үесээр доошоо харвал тань бараг тодорхойлон бичих аргагүй тийм олоэ янзын хувцас хунар, өнгө зүс төрх байдлаар баялаг хурц тод, аглаг эрээн зураг дүрс үзэгдэнэ.
Таны нүдэнд нэгдсэн улсын явган цэргийн цэнхэр хувцас, морин цэргийн ёслолын хөх хувцас буучдын бүдэг ногоон хувцас тусна. Зөвхөн жижүүрийн офицерууд, харуулын дарга, харуулынхан л бүрэн хувцастайгаа байхыг харна Тэдний нөхөд нь завтай цагтаа, улаан ногоон цамц, зөөлөн бүрх малгай, бохир гутал өмсч, адууны хашааны саравчин дор юмуу , муусайн модон байруудын хажуугаар сэлгүүцэж явна.
Тэд өвч энгийн хувцас өмсч хүмүүстэй элдвийн юм ярилцана. Тэдгээр хүмүүс бол бугын илгээр хийсэн халхгар хувцас, илгэн түрийтэй гутал өмссөн малчид, мексикийн серапэ тохож, истанийн самбреро гэдэг өргөн хүрээтэй гялгар хар бүрх малгай хааш яаш хэлтгий тавиад малчид болоод мустангеруудын юм . Офицерууд худалдааны хэргээр буюу эсвэл энх тайвныг сахих хэлэлцээр хийхээр цайзад ирсэн индианчуудтай ярилцана. Тэр индиан нарын майхнууд ойрхон харагдан. Өөрсдөө нэхсэн улаан, ногоон цэнхэр нөмрөг хэдэрсэн индиануудын байдал ер бишийн гоёмсог бөгөөд бараг дээд зээргийн гоё сайхан юм шиг санагдана. Арьсан дээрээ зурсан утга учиргүй зураг, хялгасан залгаатай хар гэзэгтний нь хир суусан зохиомж муутай чимэглэл хүртэл тэдний яв цав тохирсон үзэсгэлэнтэй байдлыг үл гутаана.
Цэргийн болоод янз бүрийн үндэсний хувцас өмссөн энэ алаг эрээн хүмүүсийг сэтгэлдээ дүрслэн бодож үзээд бас түүн дээр офицерын морь баригч хар арсьт негрүүд буюу зэргэлдэх суурингийн газрын эздийн зрц нарыг нэмж, тэд хэрхэн цөөн цөөнөөрөө цооглон зогсч, дэмий юм ярьцгааж байгаа буюу эсвэл бүхээгт тэрэннүүд болоод тэргэн дээр хос хосоороо зоосон том буунууд , унтахад дээр гэж офицеруудын шилж авсан, нэг хоёр цагаан майхан, цахлуулж тавьсан жадтай буу энэ бүхнийг бодоход тань боловсон гакар орны хязгаарт , Техасын хил дээр байдаг цэргийн цайзын жинэхэн дүр байдал таны нүдний өмнө босч ирнэ.
** ** **
Вудли Пойндекстерыг Лиузианаас шинэ байшиндаа нүүж ирсэн хойш долоо хоногийн дараа Инж цайзын өмнөх ёслолын жагсаал хийдэг талбай дээр гурван офицер зогсоод Каса- дель- Корво шилтгээн рүү харцгааж байв.
Тэд гурвуула залуу бөгөөд хамгийн ах нь гучаас хэтрээгүй ажээ . нэг нь погон дээрээ шовх өнцөгт нэг тэмдэгтэй ахлах дэслэгч, гурав дахь нь цулгүй погонтой учир бага дэслэгч гэдэг нь илэрхий .
Тэд албанаас чөлөөтэй байсан учир Каса- дель- Корво шилтгээнд шинээр ирсэн хүмүүсийн тухай чрилцаж байв.
- Шинэ байранд орсны найр болох юм байх гэж ахмад нь гарнизоны бүх офицер урилга түгээсний санаж хэлээд- Эхлээд хоол иднэ. Дара нь бүжиг хийнэ. Ёстой сайхан юм болно доо! Тэгээд л бид язгууртан нартай, суурингийн хамаг сайхан хүүхнүүдтэй дайралдана гэв.
- Язгууртан нартай уулзана гэнэ ээ? гэж морин цэргийн хорооны дэслэгч инээмсэглээд- Энд ч тийм олон язгууртан байх нь юу л бол , сайхан хүүхнүүд бол бүр ч цөөхөн дөө гэв.
- Генкок чи эндүүрч байна . Леон голын эргээс тэдний аль алины нь олж болно. Нийгэмд нэдээд жинтй хүмүүс энд нүүж ирдэг юм шүү. Бид тэдэнтэй Пойдекстерын найр дээр уулзана гэдэгт би эргэлзэхгүй . Язгууртны хувьд гэвэл санаа ззоволтгүй, бүх зочид элбэг элөэг хүрэлцэхээр язгуур сурвалж цаад эзэнд чинь бий . Сайхан хүүхнүүдийн хувьд гэвэл эзний ганц охиныг Сабинас голын энэ талын хамгийн шилдэг нь гэж мөрийцсөн ч болно. Бэлтгэлийн албаны даргын зээ хүү \хэн ч тэрний дэргэд юу ч биш.
- Аа тийм бий! Пойндекстщр авхай чинь хачин сайхан хүүхэн байж таарах нь ээ гэж бууч ангийн дэслэгч сэтгэл хөдлөн хэлэв.
- Тэр авхай Лафуршийнд болсон бүжигь найр дээр сүүлчийн удаа харснаас минь дордчихоогүй л бол ер бишийн сайхан хүүхэн шүү. Тэр найр дээр байсан хэд хэдэн креол залуу түүнд дурлачихаад колтой л буудалцаагүй билээ .
- Аалигүй хүүхэн байж таарнаа даа? гэж бууч ангийн дэслэгч хэлэв.
- Кроссман минь, тэр хүүхэн хумсын төдий аалигүй зангүй, шал өөр зантай гэж би батлана. Тэр чинь илүү занд дургүй, ухантай хүүхэн байгаа юм . Эцгээсээ бардам зангий нь өвлөж авсан хүүхэн дээ . Энэ бол Пойндекстерын онцгой чанар байгаа юм .
- Миний сэтгэлд яг тарах хүүхэн байна гэж морин уцэргийн залуу эр хошигнон хэлээд- Хэрэв тэр хүүхэн ахмад Слоуман таны ярьж байгаа шиг сайхан хүүхэн юм бол би завал дурлана. Миний зүрх сэтгэл аз болоход Кроссменыхыг бодвол илүү чөлөөтэй юмдаг гэв.
Генкок, би мөрийцөхдөө дургүй хүн, харин чи Лиуза Пойндекстерын үзсэнээсээ хойш, хэрэв нууж хаадаггүй л юм бол түүний тухай ийм үг лав хэлж чадахгүй гэдэгт хэдийг чя бол хэдийг тавихад бэлэн байна гэж ахмад хариу хэлэв.
- Слоуман минь, миний төлөө бүү сэтгэл зов! Сайхан хүүхнүүдийн оч шиг нүдэнд даанч олон удаа төөнөгдөж явсан болохоор тэрүүнээс төдий л их айхгүй байна.
- Гэхдээ тэр сайхнуудаас чинь өөр л дөө!
- Чөтгөр аваг гэм! Та чинь намайг ганч ч шүээгүй хүнд дурлуулчихлаа шүү дээ . Таны хэож байгаагаар бол тэр хүүхэн чинь лусын дагина гэсэн үг юмаа.
- Тийм ээ, та андуурсангүй, Намайг хамгийн ёсүүлд харахад л тийм байсан юм .
- Түүнээс хойш удаж байна уу?
- Лафуршийн бүжигт наадам гэдэг чинь? За бодоодохъё… Жил хагасын өмнө юм бйна. Биднийг Мексикээс эргэж ирсний дараахан нь юмдаг. Тэгэхэд л дөнгөж нааш цааш явж үзэгддэг болсон юм . “Хурц гэрэл алдраараа дуурьсах шинэ од гялалзаа” гэж түүний тухай ярьж байсан даа.
- Жил хагас ч урт хугацаа шүү гэж Кроссмен хэрсүү маягаар хэлээд- Эмэгтэй хүн, ялангуяа креол бүсгүйн хувьд их хугацаа . тэднийг чинь арван зургаа биш арван хоёртойд нь нөхөрт гаргачихдаг юм . Гоо сайхан өнгөө хэдийнээ алдчихсан байж болох л юм .
- Өчүүхэн ч үгүй. Би тэднийхээр очиж харж болж л байна. гэхдээ одоо мэдэээж гэр орны ажил ихтэй, зочид хүлээн авахтай манатай байгаа байх. Саявтар тэднийхээр ороод гарсан нэг хошууч Пойндекстер авхайтны үзэмж гоогийн тухай магтаж ярьсаар байгаад золтой эхнэртэйгээ хэрэлдчихээгүй салсан шүү.
- Нэр төрөөрөө тангаргалая гэж морин цэргийн залуу дуу алдаад- Таны ярьснаас болоод би бараг дурлачихаад байна шүү гэлээ .
- Гэвч чамайг дурлаж сүйд майд болохоос чинь өмнө сарнай өргөстэй байдгийн адилаар чамд муу юм хийж чадахаар нэг хүн тэднийд байдаг гэдгийг би урьдхэлэх ёстой .
- Ах нь л биз дээ? Ах дүү улс заавал саад болдог юм .
- Тэр хүүхэн дүүтэй боловч уг хэрэг тэр хүнд хамаагүй юм . Тэр бол Пойндекстерынхны дотроос хамгийн даруу төлөв хүн байгаа юм .
- Тэгвэл дээгүүр санаатай аав нв саад хийнэ гэж үү? Генкоктой нэг гэрт амьдрахаасаа дургүйцнэ гэж боохгүй л байна шүү .
- Үгүй ээ… Генкокууд маань жинэхэн янк, охины эцэг өмнөд нутгийн хүн гэдгийг бүү мартаарай . гэхдээ би өвгөн Полйндекстерын яриагүй байна.
- Тэгээд тэр жигтэй хүн чинь өөр хэн байх билээ?
- Лиузиагийн үеэл ах Кассий Колхаун. Тун онц биш хүн дээ .
- Би энэ нэрийг дуулсан юм шиг байх чинь вэ .
- Би ч бас дуулсан юм байна гэж бага дэсмлдэгч хэлэв.
- Юутай ч л гэсэн, Мексикийн дайнд холбогдолтой буюу өөрөөр хэлбэл Скоттын аян дайнд оролцсон хүн бүхэн түүний нэрийг сонссон. Колхаун өөрөө нэрээ хугалсан хүн гэдгийг хэлэх хэрэгтэй . Миссип мужийн иргэнийхээ хувьд Миссипийн сайн дурбн цэргийн хорооны ахмад байв. харин хорооны штабт байхааса ар талд хөзөр тавьж суух нь их байдг байсан. Түүнийг нэг буюу хоёр я явдал хэрүүл зодоонд хүгэн алдаршуулжээ . Энэ алдрыг Мексикийн дайнаас өмнө олж авсан юм . Шинэ Орлеанп түүнийг аюултай хүн гэж цуу тарсан билээ .
- Тэгээд яагаа вэ? гэж морин цэргийн залуу эр нэлээн сөргөсөн дуугаар асуугаад “”4Кассий Колхаун гуай аюултай ч баг, аюулгүй ч байг хэнд ямар хүртээлтэй юм бэ? Үнэндээ энэ бол надад ялгаагүй хэрэг. Түүнийг Лиуза Пойндекстерын зөвхөн үеэл ах нь гэж та хэлсэн шүү дээ .
- Яг ч тийм биш ээ… тэр хүүхэнд сэтгэлтэй юм шиг надад санагдсан
- Тэгээд харилцан сэтгэлтэй хэрэг үү?
- Үүнийг би мэдэхгүй . Аавын л хайртай хүн бололтой: тэгж хайртай байдгийнх нь учрыг ч үнэндээ надад маш их нууцалж байж хэлсэн билэ . Энэ бол цөм мөнгөний эрхшээлд бий болсон жирийн явдал юм . Пойндекстерын урьдынхтайгаа адил баян биш болжээ . тэгээгүйсэн бол бид түүнийг энд огт олж үзэхгүй байх байсан…
- Хэрэв охин нь таны хэлсэнчлэн тийм сайхан амьтан юм бол Кассий Колхаун ч ббрцгүй мөдхөн энд ирэх юм ы байна даа .
- “Мөдхөн гэнэ шүү. танд мэдэгдмээр байгаа юм . энэ үү? Тэр чинь хэдийнээ энд ирдгэ ирчихээд байна. гэр бүлийнхэнтэйгээ хамт ирээд цугтаа төвхнөж авсан. Зарим хүмүүс тариалангийнхаа газрыг хамтдаа худалдаж авсан гэлцэх юм . Өнөөдөр өглөө зочид буудлын зоогийн газар харагдана билээ . Бахь байдгаараа л согтуурхан хүн болгонд үсчин, өөрийгөө магтаад л байна билээ .
- Бараан царайтай, гуч эргэм насны, хар үс, сахлтай, хагас цэргийн маягийн хөх фцэмбэн хүэрмтэй, “кольт” буу бүсэндээ хавчуулсан эр мөн үү?
- Яг мөн! Хүрэмний нь цагуур махир хутгатайгий нь яана. Яг биеэрээ байга нь тэр.
- Зэгсэн зэвүүн царайтай амьтан билэ . тийм сагсуу хэрүүлч юм бол гэадна байдлы нь лав хуурсангүй гэж их бууч хэлэв.
- Гадна байдал ямар хаматай юм ? гэж морин цэрэг уурлан дуу алдад- Сэм нагацын армийн дарга гапна өнгөнөөс айдаг нь гонж. Хэрүүлч амьтдаас өөрсдөөс нь ч айх юм алга. хэрэв хэрүүл өдөөд үзвэл, өөрөөс нь түрүүнд гохонд хүрдгийг үзүүлэх юмсан.
Яг энэ үедл өглөөний үзлэг- ёслолд цуглах дохионы жимбүүр дуугарлаа . тэр үзлэг нь армийн том нэгдэл ангийхантай адил энэ жижиг цайзад тийм нарийн чанд явагддаг байжээ . Тэгээд гурван офицер цайзын дарга хошуучийн үзлэгт бэлтгэхээр анги анги руугаа явлаа .