3751715961_06b73df540.jpg

 

Морь унасан толгойгүй хүн -10. Каса Дель Корво


 


Каса- дель- Корво гэдэг эдлэн газрын буюу шилтгээн нь Леон голын модорхог эргийн дагуу тал нутгийн зүг гурван бэр гаруйы үргэлжлэх бөгөөд өмнө тийшээ хоёр хувь илүү их газрын хамаарна.
Буруу ч гэсэн мөн ч шилтгээн гэж нэрлэдэг газрын эзний байшин нь Инж цайзаас их буууны буудлагын дайтай газар байх бөгөөд тэндээм шилгээний нэг хэсэг цагаан ханууд үзэгдэнэ. Бусад хэсэг нь голын эргийг хашсан өндөр моддын сүүдэрт халхлагдан байв.
Шилгээн байгаа газар нь ер бусын агаад хамгаалах санаа агуулан шилж авсан нь илэрхий. Учир нь байшингийн суурь тавьж байсан тэр үед колоничлогчид нь индианы уулгалахаас болгоомжилж байсан агаад одоо ч гэсэн тэр үед колоничлогчод нь индианы уулгалаах болгоомжилж байсан агаад одоо ч гэсэн тэр аюул байсаар ажээ .
Эндэхийн гол нь морины тах шиг огцом тохойрчээ.
Энэ учрас “Каса- дель- Корво” (“тохой дээрх байшин”) гэж нэрлэгджээ .
Ордны нүүр тал нь түүний өмнө тэнгэрийн хаяанд хүртэл цэлийж байга номин хөх хивс мэт тэл нутгаас өөд харжээ . Энэ гайхамшигь хөндийн дэгэд хааны цэцэрлэгт хүрээлэн даанч жижиг харагдах ажээ .
Каса- дель- Корво уран барилгын хэлбэр маяг нь Мексикийн бусад суурингийн барилгатай адил мавиратанмексик барилгуудын төрх байдлыг хадгалжээ . Сараалжин хүрээв, хавтгар дээвэртэй ганц дан байшинтай юм . Барилгын дотоод талд товхон чулуун шалтай усан оргилуурт талбай, тавцан өөд тавьсан шант байна. гол үүд нь болох том төмөр цуургатай, цул модон дааман хаалганы хоёр таолд төмөр сараалжин хамгаалалттай хоёр гурван цонх байна.
Ээ бол Мексикийн шилгээний онцлог шинж, Каса- дель- Корво нь испанийн Америкийн өргөн уудам нутагт тархсан ийм мягий хуучин барилга байгууламж ялгарах юмаар бага байв.
Лиузианаас ирсэн газрйын эзний саяхан олж авсан ордон гэвэл ийм байлаа .
Байшингийн гадна тал ч дотор нь ч хэрэв эзэмшигчдийг л ялгахгүй юм бол өөрчлөгдсөн юм алга.
Урьд нь зөвхөн цэвэр усны испаниуд хөлхөлддөг асан гудам, хашаагаар хагас англисаксон, хагас франц маягийн хүмүүс сүлжилдэн баялаг сонсголонт, Андулиз хэлний оронд хагас тевтон мягийн гүдэс төвөгний авиа сонсдон, хаая нэг хөгжим мэт креол- франц аялгуу гарна.
Дээр үед хар ажилчид амьдарч байсан цэгийрмаагийн навчаар далдалсан хананы цаана бүр ч ажиглагдам өөрчлөлт гарчээ .
Өргөн хүрээт хар бүрх тавьж, судалтай серапэ нөмөрчя дарвуулаа дуугарган талаар ихэмсэг алхалж байсан өндөр гулжгар малчны оронд хөх хүрэи ч юмуу цув нөмрөн ташуураа тачигнуулсан омгорхог харгалзагч алхах болжээ . хонины арьс нөмөрсөн ацтекуудын1 үр удам болох улаан арьстнууд гунигтайгаар хөлхөлдөж байсан эр газраар одоо Этилпийн хар охид хөвгүүд боолчлол бол гай тотгор гэдэг болыг няцаах гэсэн мэт дуу аялан бүжиг хийж, элдвийг өөрөлдөнө.
Каса- дель- Корво эдлэн дэхь сайхь өөрчлөлт нь сайн хэрэг гэж үү?
Энэ асуултанд англичууд “үгүй” хэмээн нэгэн санаагаар гал цогтойгоор тус тас хариулах байсан цаг бас байлаа.
Хүний эргэж хургамтгай, бялдууч зан гэдэг үү! Биний боолчуудыг тэгтлээ хайрладаг юм шиг байсан маань хуурамч зан ч байсан байна шүү дээ .
Олигархиудын2 аяар байдаг Англи нь (манай хуучин ямбатнууд ийм үл бүтэх юм хийж чадахгүй улс, харин төрийн толгойд гарсан хэдхэн хөрөнгөтнууд л) ардын эрхийн эсрэг хуйюалдгчдийн амаар, дуулиантайгаар тунхаглан зарласан зарчымаасаа ухарч, бүх үндэстний өөрийн нь үзүүлсэн итгэлийг хөсөрдүүлж байна3

Лиуза Пойндекстер толины өмнө түшлэгтэй сандал дээр суугаад зочид хүлээж авахад бэлтгэн хувцас хунараа өмсүүлж үс гэзгээ самнуулаад карц хүүхнээ дуудуулахаар шал одоон юм бодож суув. Энэ бол шинэ сууринд ирснээ ёслох эзний цайллага боохоос барагцаалбал нэг цагийн өмнөх хэрэг билээ . залуу креол хүүххний сэтгэл баахан хөдөлчихсөн байх нь энэ цайллагаас болсон хэрэг биш байгаа даа? гэвч шивэгчин хүүхэн ньн энэ талаар нэг таамаглалутай багйаа нь тэдний хоородын ярианааё мэдэгдэнэ.
Үүнийг яриа хөөрөө гэж хэлж болмооргүй ажээ . Лицзаг зүгээр л бодсоноо амандаа шивнэж суухад карц нь түүний үгийг цууриа мэт давтан хэлнэ. Залуу креол хүүхэн амьдралынхаа туршид шивэгчнээ , эд агуурс, тасалгааныхаа дотрхи ширээ сандал зэрэг тавилга засалалаас өөрцгүй санаж бодсоноо нуухгүй байдаг байю. Түүний шивэгчин Флоринда бол амьтай голтой бөгөөд асуусан юманд хариу хэлдэгээрээ л эд хогшлоос нь ялгаатай юм . Флоринда тасалгаанд орж ирснээсээ хойш арван минутын турш эрүү хамхилгүй элдвийн юм донгосоход Лиуза өөдөөс нь үгээ зөөж тавин зэмлэх төдийгөөр ярихад оролцож байв.
- Ээ, Лиу авхай, та мөн ч сайхан гэзэгтэйе! Испанийн агар зандан моднодп хөвсийж байдаг сахлаг хөвд шиг. Өнгө нь өөр юм . Яг л чихэр бурам шиг гялалзаж байна шүү гэж негр хүүхэн, залуу авхайн сайхан газгийг энхрийлэн самнангаа хэлэв.
Лиуза Пойндекстер бол кроел хүүхэн болохоор сайхан бараан гэзэгтэй байх нь аргагүй бөгөөд түүний гэзгийг Испанийн хөвд шиг гэж негр хүүхэн гэнэхнээр мэргэн зүйрлэжээ . гэвч тэр нь хар гэзэр биш байлаа . Түүний гэзэг сайхан элгэн хүрэн өнгөтэй юм . тийм өнгө яст мэлхий юмуу өвөл баригдсан булганыг өнгө зүс дотор хааяа дайралддаг.
- Ээш, энэ муу хонины ноос шигүсний оронд таны гоё сайхан гэзэг надад заяасан бол тэд цөм өлмийд минь сөгдөх байх даа гэж Флоринда үргэлжүүлэн ярив.
- Чи юу яриад байна вэ? Яалаа гэнээ? Чиний өлмийд сөгдөх гэнэ үү? Хэн тэр вэ? гэж залуу креол гэнэт сэрсэ юм шиг асуув.
- Та миний үгийг ойлгосонгүй гэж үү дээ?
- Нээрнээсээ ойлгосонгүй .
- Би тэднийг өөртөө дурлуулах байсан юм . Ингэж л хэлэх гэсэн юм даа .
- Үгүй, хэнийг тэр вэ?
- Бүх цагаан арьстан дээдсийг дурлуулах байсан юм . Залуу эзэн, цайзын офицерууд бүхнийг, бүгдий нь шүү! Би тань шиг гэзэгтэй бол цөмий нь сөндүүлэх байсан!
Флоринда над шиг гэзэгтэй бол ямаршуу харагдах бол гэж Лиуза бодоод
- Ха,ха,ха гэж инээн алдан- Хэрэв миний гэзэг чамд байса бол ямар ч хархүү өмнө чинь зогсоу байж тэсэхгүй гэж чи бодож байна уу? гэв.
- Үгүй хатагтай, минь таны зөөлөн гэзэг төдийгүй, бас булбарай царай, гөлтгөнө шиг цагаан арьс, гоо сайхан бие танв надад байсан болоосой гэж бодож байна. Тэгвэл мөн ч сайхан байхсан даа! Ээш, Лиу авхай та тийм л гоо сайхан шүү дэ! Цагаан арьстан дээдсүүд л ингэж ярьж байыхг би сонссон юм . тэгэхдээ би өөрөө харж байгаа болохоор тэдний ярихыг сонсохын хэрэг алга.
- Флоринда, чи бас долигноод сурчихжээ .
- Хаанаас даа, авхай минь, би тийм үг хэлээгүй, нэгийг ч цухуйлгаагүй байна шүү дээ . танд тангараглая! Архад нарт тангараглая!
Лиузаг ганц удаа ч бол харсан хүнд негр хүүхэн тэр тангараг дэмий илүү санагдсан билээ . Лиуза Пойндщкстщрыг үзэсгэлэнтэй сайхан гэж хэлэх нь зөвхөн түүний хүрээлэн байгаа олно нийтийн ерөнхий ойлголтыг баталж байгаа хэрэг юм . хэн бугайг ч анх харахад нь гайхуулах Лиузын үзэсгэлэн гоог үгээр хэлэхэд ч хэцүү. Үзгээр түүни й үзэсгэлэн гаргахын аргагүй, тэр ч бүү хэл ямар ч уран зураач хүн түүний нүдэнд гэрэлтэж байгаа сацарсан туяаг дүрслэн зөвхөн бүдгээр дүрслэн үзүүлнэ.
Эмэгтэй хүний үзэсгэлэн гоогий дээд гэмээр, гэхдээ грекийн ямр ч бурхан түүнтэй адилгүй бөгөөд учир нь жирийн л хүнд илүү зохимжтой сайхан царайтай бүсгүй юм .
Тэр охин Флориндагийн үнэхээр батлан хэлсэн үгийн хариуд өршөөнгүйгээр инээмсэглэв. Гэвч тэр инээмсэглэлд нь эргэлзмээр юм огт байсангүй . Залуу креол хүүхэн өөрийгөө сайхан гэж магтуулахын хэрэггүй байжээ. Лиуза өөрийн үзэсгэлэнтэнг мэддэг бөгөөд , шивэгчин нь түүний үсийг самнан хувцаслуулдаг толиныхоо өмнө зогсоод өөрийгөө ширтэн хардаг байлаа .
Негр хүүхний магтан хэлсэн үг түүний сэтгэлийг хавын нурууг эрхүүлж , илэхээс ихгүйгээр хөдөлөөнгүй бөгөөд тэр авхай дахин бодол санаашраолд оров. Энэ байдлаас нь шивэгчингийн яриа гарглаа .
Энэ нь Флориндыг тэвдүүлсэнгүй , харин ч ярьсан хэвээр. Ямар ч гэсэн учры нь олчих юмсан гэдэг нууц түүнийг зовоогоод байгаа бололтой.
Негр хүүхэн өөрөө өөртэйгөө ярьж байгаа юм шиг үгээ үргэлжлүүлэн:
- Ээ дээ, хэрэв Флоринда завуу авхай зөвхөн тэн хагаёын дайтай сайхан байдагсан бол хэнийг ч тоохгүй, хэнийг ч мөрөөдөн санаашрахгүй байсан даа гэв.
- Санаашрах гэнээ? Чи юу гэж хэлэх гэж байна? гэж негр хүүхний шүгэнд гайхсан Лиуза асуув.
- Луи авхай минь, Флоринда чинь таны боддог шиг тийм тэнэг мангуу амьтан биш, таныг нэг газа чимээгүй сууга гүнээ бодол болоод л ингэтлээ санаа алдаад байдгий чинв аль хэдийн ажигласан. Биднийг Лиузанд байхад та огт ингэдэггүй байсан сан.
- Флоринда ! Би чамайг солиорч байна уу, аль эсхүл Лиузанд байхдаа солиорчихоо юмуу гэж айж байна. Чамд эндхийн газар таарахгүй байх шиг байна аа даа?
Луи авхай та энэ үгийг ёстой өөрөөсөө л асуумаар юм даа. Намайг ингэж өөртэйгээ хамаагүй ярилаа гэж битгий уурлаарай . Флоринда таны шивэгчин боловч, төрмөн дүү шигээ л хайрладаг. Таныг санаа алдахаар зовж гүйцэх юм . Та надад уурлахгүй биз дээ?
- Хаанаас даа, юу боллоо гэж би чамд уурлах юм бөэ? Би уурлахгүй . Харин чи л шал худлаа юм ярйьж байна. Чиний үзсэн, дуулсан бүхэн цөм санаанаас зохиосон зүйлс байна. Одоо баргий нь танихгүй зуу шахам зочин хүлээж авах гэж байхад бодол болж суухбн зав алдга. Юунд ч бодол болох билээ . Бас тэгээд залуу эзэд, офицерууд ирнэ. Миний үс чамд байсансан бол чи тэднийг сөгдүүлсэнгүй . Ха- ха- ха! Над тэдний нэгний нь ч сэтгэлийг татах хүсэл алга, Тэгэхээр наад үсээ хурдхан шиг самнаадах
- Ээш, Луи авхай та үнэнээсээ хэлж байна уу? Энэ дээдсүүдийн нэг ч танд тоогдохгүй гэнээ ? Жигтэйхэн сайхан сайхан эрчүүл ирнэ шүү дээ! Нөгөө залуу эзэн, бас өнөөх хоёр сайхан офицер … Тэднийг мэдэж байгаа биз дээ? Тэд таныг тун их шохоорхоод байсан. Эрхэм авхай та тэдний хэний ч тухй санашрахгүй гэж үнэн хэлж байна уу? гэж негр хүүхэн улам цайм шхоорхон асуув.
- Дахиад л өнөөх санашрах руугаа орчихлоо! Гэж хэлээд Лиузад зориудаар инээмсэглэж- За,за боль Флоринада, бид цаг алдаж байна. Манайд том хүлээн авалдт болно. Тэгэхлээр гэрийн эзэгтэйн буурь суурьтай байхын тул жаахан тайвширахад минь дор хаяж хагас цаг хэрэгтэй гэдгийг битгий мартаарай гэв.
- Луи авхай битгий санаа зов. Бүү мэгд! Таны өмсгөлийг өмгөсөхд амархан. Танд ямар ч хуюцас зохино. Тэр ч байтугай тарианы газар ажил хийдэг эмэгтэй хүний жирийн хувцас өмссөн ч гэсэн та мөн л тэргүүн зэргийн гоё сйхан хэвээрээ байна.
- Флоринда, чи ер нв хүнийг зусардаж сурчихжээ .
Чамд надаас нэг юм хэрэгтэй болоод байнаа даа гэж би сэжиглээд байна. Плуто, та хоёрыг эвлэрүүлж өгөөч гэж хүсч байгаа юм биш биз дээ!
- Үгүй авхай минь Плуто хэзээч миний найү байгаагүй болохоосоо өнгөрсөн. тэр чинь биднийг өнөөх зэрлэг хар талд шуурганд дайралдаж байхад айж, хулчийж байсан шүү дээ! Ээш, Луи авхай, тэгэхэд хэрэв нөгөө хээр морьтой, дэгжин залуу ирээгүйсэн бол бид яаж ч чадахгүй байсан шүү!
- Хэрэв тэр залуу ирээгүй бол хонгор Флоринда минь, бидний хэн маань ч энд байхгүй байх байсан юм .
- Ээш авхай минь! Тэр мөн ч сайхан эр шүү дээ! Царай зүс нь таны санаанд орж байга биз? Өтгөн үс нь минийх шиг жахан буржгар болохоос яг л таных шиг өнгөтэйхөн .Ер нь тэгээд өнөөх залуу эзэн юмуу, офицертэй зүйрлүүлэх юм алга._ Тэдний аль нь ч бараадахгүй . Негрүүд түүнийг цагаан арьстан тэнүүлч гэвэл гэж л байн. Ингэлээ гээд яах вэ дээ? Тэрүүн шиг сайхан эр дуртай хүүхнэ санаа алдуулна даа . Мөрөөдүүштэй ч эр билээ! гэв.
Энэ хүртэл залуу креол хүүхэн сэтгэл тайван байв.
Хойшид ч тайван бйхыг босон боловч чадсангүй .
Флоринда зориуд буюу санамсаргүй алин боловч залуу хатагтайн маш эмзэг нууц сэтгэлийг хөндчихжээ .
Луиза өөрийн нууцыг зарцдаа ч гэсэн илчлэхийг хүссэнгүй . харин тэр авхай чухам энэ агшинд хашааны тэндээс хүний чанга дуу гарахыг сонсоод баярлажээ . Тэр дуу бол гоёж гоодолтоо түргэн дуусгахыг зэрэгцээгээр цааш үргэлжүүлэх дургүй байгаа яриагаа төгсгөхөд нь Луизад тун сайхан шалтаг боллоо .