0_65cef_921b60fb_orig.jpg

 

Морь унасан толгойгүй хүн - 37. Битүүлгээр алга болов


 


Каса-дель-Корвын хонх хүн амьныг өглөөний зуушид урин нэг удаа цохино. Өмнөх нт тариалангийн талбайд ажиллаж байаан боолчуудыг дуудан урам үлдээсэн ажээ.
Ордны ойролцоо ажил хийж байсан боолчууд урцны хажуугийн зүлэг ного, дүнзэн дээр сууцгаан хоолож эхэллээ.
Эзний тэр бүлийнхэн хоолны газар ороод ширээ тойрон сууцгаахад бэлэн бай. Гэтэл цөм бүрдээгүй шиг санагдаж, нэг хүн дутуу байв.
Генри алга байлаа.
Түүний алга байгааг анхандаа огт гайхаагүй бөгөөд ингэсгээд хоолны газар орж ирнэ гэж бодоцгоожээ. Гэтэл хэдэн минутын өнгөрлөө. Генри орж ирээгүй л байлаа. Эзэн,хүүгээ хоолонд хожимдож ордоггүй юмсан гэж гайхсан шинжтэй хэлэв. Баруун өмнөд Америкт өглөөний зоог зооглохдоо тогтоосон цагт гэр бүлэрээ цөм цуглардаг ёстой. Энэ нь хоолных нь өвөрмөц байдалтай холбоотой юм. “Виргиний боорцог”, өрмөнцөр, сагадайн сам боорцог цөмөөрөө л тогтоосон гаргасны дараахан л амттай байдаг билээ. Хоол идэх энэ үе, халуун ширэмжийн хажууд шаргадаж тогоочид там санагддаг үе байлаа.
Унтах дуртай залуу амьтан бол, хүйтэн сам боорцог ч юмуу эсвэл өрмөнцөргүй хоцорно. Иймээс өмнөдийхнөнд ийм залруу хн ховор байлдаг. Энэ учраас Генри Пойндекстерын байхгүй байгаад гайхдаг ньдолоон зөв.
-Тэр хүү хаашаа алга болчихвоо? Гэж эцэг нь дөрөв дэх удаагаа асуулаа
Колхаун ч гэсэн, Луиза ч гэсэн огт хариу хэлсэнгүй. Луизад өөрөө ийн харайж зогсов. Түүний харц, дууны өнгөнд нэг ч хачин байдал цухалзах авч үүнийг нь хажуугаас нь нүүр лүү нь сайтар ажигласан хүн л гадарлах байлаа.
Дүү нь хоолоондоо ирээгүйд ингэх нь юу л бол. Ийм дэмий юманд зовох хэн байхав, гэхдэнэ л Луиза учиргүй сэтгэл догдолсон байлаа.
Юундаа ингэв? Хэн ч түүнээс асуусангүй. Эцэг нь ч түүний харцыг ажигласангүй. Тайван царай гарган ямар нэг эвгүй бодлоо нуух гэж оролдож байгаа үеэл ах нь бүр ч ажиг сэжиг авсангүй. хоолны өрөөнд орж ирснээсээ хойш Колхаун нэг ч үг дуугарсангүй барахгүй нөгөө их Луизаг ширтээд байдаг хүн маань нэг ч удаа түүн рүү харсангүй.
Тэр, ширээний ард сүрхий цухалдан сууж бас зарц нарыг орж ирэхэд нэг хоёр ч удаа даьхийжээ.
Колхаун ямар нэг юманд сэтгэл их зовсон нь илэрхий байв.
-Генри энд байхгүй нь маг гайхалтай гэж эзэн бараг арав дахь удаагаа шахуу давтаж хэлээд- Унтаж байгаа юм биш байгаа даа? Үгүй, Генри хэзээ ч ийм орой босдоггүйсэн. хэрэв ийш тийшээ явчихлаа гэхэд урмын дуу сонсох л ёстой доо. тасалгаандаа байгаа юм биш биз? … Хүүш Плутон ! гэв.
-Вүдли гуай, би энд бана! Та намайг дуудаа юу?
Плутон хөтчийн зэрэгцээгээр бас хоолны газар үйлчлэгч зарцын үүрэг давхар гүйцэтгэдэг байжээ.
-Чи,Генрийн унтлагын тасалгаанд очоод тэнд байвал биднийг өглөөний зуушаа зооглож джууслаа гэж хэл
-Вудли гуай, Генри тэнд байхгүй бана лээ.
-Чи тасалгаанд нь орсон гэж үү?
-Тиймээ… Үгүй би түүнийг байхгүй гэж хэлэх гэсэн юм. Би тасалгаанд нь ороогүй. Морьдын тэжээл тавьж өгөх гэж саравчинд очиход түүний морь байгаагүй. Өглөөнөөс хойш алга байна. Генри гуайы алга байхыг бодоход лав л биднийг унтаж байхад яваад өгсөн өололтой.
-Чи үнэн хэлж байна уу? гэж зарцын хэлсэн үгэнд сэтгэл нь уймарсан эцэг нь сүртэй асуув.
-Нээрээ шүү, Вудли гуай. Тэр саравчин дотор зөвхөн Колхаун ноёны морь л ганцаараа байна билээ:. Бидэрт мустанг хашаан дотор байсан. Гэтэл Генри гуайн морь л ганцаараа байна билээ. Бидэрт мустанг хашаан дотор байсан. Гэтэл Генри гуайн морь алга.
-Энэ чинь Генри тасалгаандаа алга гэсэн үг биш. Одоохон бушуухан очиж үзээд ир.
-Ноёнтон минь би одоохон очоод ирье. Харин та Плутогийн үнэн хэлснийг үзэн дээ. Залуу ноён тэнд байхгүй : Морь нь хаана байна, тэнд Генри гуай байгааг би мэдэж байна.
-Би юу ойлгохгүй байна.. гэж Плутоныг тасалгааанаас гарахад эзэн хэлэд- Генри шөнө л гэрээсээ шарч дээ. Хаашаа явсан юм бол доо? Би түүнийг тийм шөнө орой болсон хойно ямар нэг айлд очихоор явгна гэж санахгүй байна. Негрийн хэлснээр бол шөнөжингөө байхгүй байсан. Цайзад л залуустай байсан байж таарах нь дээ. Арай бааранд… гэтэл.
-Өө, ханаас даа , тийшээ явахгүй гэж эзнээсээ багагүй сэтгэл нь зовсон мэт Колхаун хэлэв. Гэлээ ч ямар нэг санаа авчихаар юм, цэцэрлэг болсон өнөөх явдлын тухай нэгч үг дурссангүй.
“Кассий тэр явдлын тухай юу ч мэдэхгүй. тэгэхээр бүх юм Генри бид хоёрын нууц бож үлдэнэ. Би хэзээ ч Генрийг үгэндээ оруулж чадна… Харин тэр одоо хүртэл яагаад алга байна? Би шөнөжин хүлээж суулаа. тэр лав, Морисын хойноос очоод хоёулаа эвлэрсэн байх ёстой. Уулзах газар нь баарч гэсэн ингэсэн л байж таарна. Генри биеэ боддог даруу л даа, гэхдээ ийм юм болж байхад заншсанаасаа өөрчилж болох юм. Ингэтлээ гээд түүнийг зэмлээд байх юм алга, тийм хүн байхад ямар ч муу юм тохиоолдохгүй гэж Луиза бодож суув.
Хэрэв Плутон орж ирээгүй бол Луиза цааш юу бодох байсаныг бүү мэд.
Энэ үед Плуто их уруу царайтай орж ирэв. нэг чухал юм хэлэх гээд л халгалж ядаад байгаа бололтой.
-За яав? Тэнд байна уу? гэж эзэн зарцын илтгэхийг хүлээлгүй хашгирав.
-Алгаа, Вудли гуай гэж тэр негр их сэтгэл зовсон дуугаар хэлээд- Ноён Генри тэнд байхгүй… Харин … гэснээ түшдэрэн –Плуто хэлэхэд хэцүү байна… түүний морь тэнд байж байна.
-Морь нь тэнд байна гэнээ? тасалгаанд нь байгаа юм биш биз дээ?
-Үгүй ээ , ноёнтон минь. тэгэхдээ саравчиндаа ч биш хаалганы тэнд зогсч байна.
-Морь нь хаашаны тэнд байна гэнээ? Чи тэгээд юунд урвайсан юм бэ?
-Вудли гуай минь тэгээд тэгээд… Генри гуайн морь нь … нөгөө хилэн хар …
-Тэгээд яасан юсм бэ?, хэлийг хог минь яриач! “Юу тэгээд нөгөө гэж ” Морины нь толгой бүтэн байна уу? Эсхүл сүүл нь байхгүй баына уу?
-Ээ ноёнтон минь таны негр чинь ийм юмнаас айхгүй шүү!
Яах вэ тэр морь толгой сүүлээ гээсэн л байг, харин эзнээ гээсэнд нь Плуто айж байна.
-Юу гэнээ? Генрийг морь нь хяачихаж гэжн үү? Тэр дэмий , Плуто! Манай хүү шиг тийм унаанд сайн хүн мориноос ойчих ёсгүй. тийм баж болохгй!
Плутогийн эг маг хийсэн яриа ялангуяа дуу хоолой, хөдөлгөөн нь ганц эзэн ч биш охиныг нь үеэл ахыг нь цөмийг сандарган, ухасхийн босоцгоож хаалга руу гарцгаалаа.
Тэдний харсан юм нь хамгийн муу муухай зүйлийг бодогдуулахаар ажээ.
Нэг нгр боол эмээлтэй морь барин зогсч байв. Морь ямар нэг аюулаас дөнгөж мултарсан мэт туурайгаар газар цавчилж тургина Өөрийн нь зүснээс ч хар өнгөтэй, шүүдрээс ч бараан ямар нэг шүүсэнд нэл шүршигдэн будагджээ. Их бие, хөл, эмэл, хамаг юм нь бүлэгнэсэн бараан цусан толбо болжээ.
Энэ морь хаанас ирээ юм бол?
Талаас иржээ. Жолоо цулбуураа хөлдөө ороолдуулаад , шилтгээний зүш чиглэн явж байхад н түүнийг негр барьжээ.
Энэ хэний морь вэ? гэж хэнч асуусангүй. тэнд байсан хүмүүс цөм үүнийг Гщнри Пойндекстерын морь гэж таньжээ.
Энэ морь юуны цусанд будагдсаныг хэн ч асуусангүй. тэр цусан толбыг айж сандарсан нүдээр харж байсан эзэн, Луиза , Колхаун гурав гурвуулаа ганц хүнийг буюу нэг нь хүүгээ , нөгөө нь дүүгээ , гурав дахь нь үеэлээ бодож балаа. Тэр морийг Генри Пойдекстер цусны толбоор будагджээ гэдэгт тэд эргэлзсэнгүй.