index.jpg

 

Нэгдүгээр бүлэг - Хоёрдугаар хэсэг




Хоёр хүүхэн Визщль цэцэрлэгийн хаалган дээр очиж, билет худалдан авах гэж тус бүр хагас доллар гаргахдаа тэр мөнгийг олох гэж хичнээн цардмал даавуу индүүдсэнээ сайн ухаарч байлаа.
Цэцэрлэг нээгдэх хараахан болоогүй байсан боловч өглөөний идэх юмыг том том сагсанд хийж бэлдсэн бөгөөд хүүхдээ тэвэрсэн тоосгочид тэр хавиар нэгэнт хөлхөлдөж байв. Тэд бол цалин их авдаг , тарган цатгалан явдаг булиа залуус юм. Тэднийг бодвол навтгар , чүүчгэр өвгөд , эмгэд хажуугаар нь шовор шовор алхлана. Тэд хувцас хунараар гайгүй сайн явах боловч залуу насанд өлсөж цангахын зовлон амсаж хүнд хүчир ажилд нухлагдан гачигдалд нэрвэгдсэн хийморь доройтож одоо насандаа дарагдсан нь андашгүй харагдана. Ихэнх нь ирланд нутгийн хүмүүс бөлгөө. Өдгөө тэднийг харахул гэдэс дүүрэн , мөр бүтэн явж өсөж өндийсөн үр ач нараа даган майжганахдаа нүүр царайд нь бахархах сэтгэл, өмөг бардам шинж ил байх ажээ.
Тэдний дотор Мери, Саксоны таних хүн ер харагдсангүй. Энд ирланд , герман буюу словак хүмүүсийн аль нь ч найр наадмаа хи3йж байсан ч , тоосгочин , адуучин буюу төмрийн дархчуулын аль нь ч зугаалж байсан хоёр хүүхэнд маань огт падгүй санагдах ажээ. Найз хоёр хүүхэн бүжгийн хорхойтой улс болохоор аливаа баяр ёслолын үеэр билетний үнийг хэдэн хувь нэмэхэд хувь нэмэр бологчдын эгнээнд байдаг ажээ.
Мери, Саксон хоёр эрдэнэ шошийн боргоцой, газрын самар шарж бүжгийн танхимаар шагайв. Саксон вальс алхаж явснаа бүжгийн танхимаар шагайв. Саксон хэдэнтээ эргэхэд Мери алга ташиж ,
- Яасан догь , яасан сайхан юм бэ ? Оймс чинь янзтай сайхан зохьсон байх чинь ! гэлээ.
Саксон талархан инээмсэглээд өндөр өсгийтэй франц хилэн шаахай угласан хөлөө ургаш тавьж нарийхан хар банзлаа яльгүй татасхийхэд гоолиг шилбэ , шагай нь цухасхийнэ. Хосоороо таин центийн үнэтэй хамгийн нимгэн тунгалаг хар оймсны цаанаас цагаахан хөл нь товхон гэрэлтэнэ. Өндөр биш боловч цэгцхэн биенд нь бүсгүй хүний эелдэг ялдам намба ил ажээ. Цагаан цамцандаа хуниастай хажаас хадаж дууриамал шүрэн том зүү хатгасан нь өнгө харшаад тун ч дэгжин харагдана. Дотуур нимэгхэн цамцан дээрээ богино ханцуйтай хантааз өмссөн нь мөн маяг зохижээ. Тохойгоо тулсан хиймэл сарьсан урт бээлийг хоёр гартаа хийжээ. Завсрын биш заяаны буржгар нь эвлэж өгдөггүй хэдэн туг үс духдуулж тавьсан хар хилэн бүрхнийх нь доороос цухуйна.
Мери, найз хүүхнээ нүдээ гялалзуулан байж магтан сайшаана. Тэврэн авч чанга гэгч үнссэнээ хэтэрхий ойворгон аашилсандаа ичингүйрэн царай улааж :
- Чи минь даанч хөөрхөн байна ! Би эр хүн байсан бол чамаас яавч салахгүй, тас хазах байсан, нээрэн шүү ! гэж өөрийнхөө биеийг зөвтгөх санаатай чанга дуугаар улаймшигтай хэлэв.
Тэр хоёр, бүжгийн танхимаас гарч нарны туяа налайтал туссан замаар хөтлөлцан гараа савчин баясгалантай зугаалан явахы нь харсан хэн боловч долоо хоногийн турш зүдэргээнт ажилд нухлуулсаных энэ зэргээр амрах нь долоон зөв гэлтэй. “Байвгайн элүү” хэмээхийн хажууд очиж жаахан зогсож байснаа хаасан хаалтан дээгүүр нь тэгнүүрдэн байж түүнд оршин суудаг ганц лужир эзнийг нь харж сүрдэн айгаад тэндээ удаан зогсож ч чадалгүй явж торонд хашигдах сармагчингууд дээр очиж уралдааны замыг өлийн харж эхлэв. Тэнд үдээс хойш уралдаан эхлэх ёстой байв. Тэндээсээ төгөл модон дотор орж тоо тоомшгүй гэмээр олон замаар нь явсаар нэг мэдэхнээ харанхуй давчуухан булан газар ороод очжээ. Тэнд ногооноор будсан ёирээ сандалууд байх агаад зугаалагч хүмүүс тэдгээрийн нэгэт гэр бүлийн хүмүүсийн хамт эзэгнэн суусан байлаа. Хоё хүүхэн баахан тэнэж тэнэж сүүлд нь модтой бэл газар очиж Калифорний халуун наранд шарлаж эхэлсэн бөгөөд жигдэлж тайрсан өвсөн дээр сонин дэлгэн дэвсэн суужээ. Тэр хоёр долоо хоног зүтгэн ажилласан биеийнхээ зүдэргээг гаргаж зад бүжиглэх хүч хуримтлахыг хичээх амуй.
- Берт вонхон заавал ирнэ , Билл Робертсийг дагуулж ирнэ гэсэн . Нөхөд нь “Бүдүүн Билл” гэдэг юм байна лээ . Биерхэг атлаа ямаан омогтой залуу даа . Боксчин болохоор хүүхнүүд эргэлддэг. Гэтэл би бол айна. Үг яриа нь болхидуу , ер нь саяхан чи бид хоёрын үздэг байвгайрхуу л хүн дээ . Хррр гэж дайраад толгой тас хазчихах нь уу гэмээр. Уг нь мэргэжлийн боксчин биш , тэрэгчин үйлдвэрчний эвлэлийн гишүүн . Корбели – Моррисрын пүүст ажилтай . Клуб нь боксын тэмцээн зохиовол заримдаа оролцдог юм байна лээ. Хүн бүхэн айна , ааш зан гэж ч авах танаггүй , сайн тэжээж байгаад л бусдыг зодуулж байхдаа таарсан амьтан. Чамд яагаад ч таалагдахгүй , авах юм нь гэвэл мөн ч сайхан бүжиглэнэ гэж алаад өгнө , халин нисэх адил гялалзуулна. Чи ганц ч гэсэн бүжиглээрэй . Харамч нарийн зангүй , өгөөмөр . Гэм нь ааш муута© даа ! гэж Мери баахан бурлаа. Тэгснээ тэр хоёр , тэр хоёр ч гэж дээ Мери л Берт Вонхонын тухай ярьж эхлэв.
Та нар зузаан найз юм шив дээ ? гэж Саксон болгоомжтой асуулаа.
-Тиймээ, би маргааш ч болтугай суухад бэлэн л байна, харин өөрөө дуугарч өгөхгүй юм гэж пал пүл хэлээд нүүр нь барсхийснээ илэн далангүй гуниглал нь бараг догшрол болон хувирч, гэнэт юу болов гэмээр дөвчигнөн ,
-Тэр чинь , чамайг эргүүлэх гэвэл Саксон чи болгоомжтой байгаарай ! Берт их хөвсөргөн зантай хүн шүү … Гэсэн ч намайг сууя гэвэл маргааш ч болтугай суух л байна. Даанч өөрөө хөдөлж өгөхгүй юм даа гээд амаа ангайсхийснээ энэ тухай яриагаа орхин сүүрс алдаад – Хорвоо гэж гайхалтай юм, тиймээ ? Даанч учир утгагүй . Од , гариг ч гэсэн бас дэлхий юм гэнэлээ Бурхан хаана байдаг юм бол мэдэх юмсан. . Берт Вонхон ерөөс бурхан гэж байхгүй гэх юм. Гэтэл өөрөө аймаар хүн болохоор дандаа л аймаар юм ярина. Би бурханд итгэдэг. Чи яадаг вэ ? Саксон чи энэ талаар юу гэж боддог вэ? Саксон мөрөө хавчисхийснээ инээд алдав.
Мери цааш нь ,
Бид муу муухай юм хийвэл лайгий нь эдлэнэ, тиймээ ? Бертээс бусад нь ингэж ярьдаг Яаж ч явсан яадаг юм , үхсэн хойно юу ч ялгаагүй , харин “Үхсэн хойно минь ямар шЁйтгэлээр сэрээх бол, тэрийг нь үзэх юмсан. ” гэнэ. Аймаар хүн байгаа биз ? Ер нь л аймаар шүү. Намайг бурхан дандаа харж байгаа гэж бодохоос надад жигтэйхэн хачин санагддаг. Одоо миний чамд ярьж байгаа юмыг бурхан сонсож байгаа болов уу , чи юу гэж бодож байна ? Чи ер нь ямар шүү юм байдаг гэж боддог вэ ? гэхэд Саксон
-Аа бүү мэд , миний бодоход бурхан бий гэж зориуд санаанаасаа зохиодог байх , хүн бүхэн өөрийнхөөрөө бодож зохиодог байх гэв.
-Пөөх яана ! гэж Мери орь дуу тавих аядав.
-Хүн бүхэн нэгэнт байна гэж ярьдаг болохоор байдаг юм байлгүй. Миний ах бурханыг Авраам Линкольнтэй төстэй гэнэ. Сара, бурхан сав суулгатай байдаг гэнэ.
-Бурхан үсээ хагалдаг гэж би лавтай бодохгүй , үсээ юу гэж хагалах вэ , жигтэйхэн юм болно биз гээд Мери зоригтой бодсон зүйлээ бусдад дуулдахаар чанга хэлсэндээ өөрөө давхийн цочив.
-Толгой эргүүлэх тоглоом зардаг , атираа болсон нүүртэй нэг балтгар мексик хүн явдгийг чи мэдэх үү ? Миний бодоход бурхан түүнтэй л төстэй байх гэж Саксон хэлэхэд Мери тас тас хөхөрч ,
-Чи ёстой хачин юм хэллээ. Иймэрхүү бодол миний толгойд хэзээ ч орж байгагүй . Юугаараа тэр чинь төстэй байгаа юм гэв.
-Тэр тагдгар мексик хүн , толгой эргүүлэх нэг юм өгдөг , тэрнийх нь ухааныг олох гээд хүмүүс насаараа оролдоно. Тэрүүнтэй л төстэй юм шиг санагддаг. Харин тэр толгой эргүүлсэн юмных нь учрыг тайлж чадахгүй л байна. Юунаас эхлэхээ ч мэдэхгүй байна. Сарад ямар шүү юм өгсөн гээч . Сара бол өөрөө Томын толгой эргүүлдэг тоглоомын нэг хэсэг нь , тэгээд ч цаадахдаа дандаа саад дараас болдог амьтан. Бүгдээрээ миний таньж мэдэх хүн , бүгдээрээ , би ч өөрцгүй , та бүгд цөмөөрөө миний тэр толгой эргүүлдэг тоглоомын нэг хэсэг нь шүү дээ .
-Толгой эргүүлдэг тоглоомын хувьд үнэн байж болох юм. Харин бурхан бол тэр муу мексик өвгөнтэй төсгүй дээ . Бурхан ер нь хэнтэй ч төсгүй . Аьрах цэргийн байрны хана дээр “Бурхан сүнс мөн үү ? ” гэсэн бичиг байсныг санаж байна уу?
-Энэ бол бас л нөгөөдөхийн чинь оньсого байна , яагаад гэхэд сүнс гэж чмар шүү юм байдгийг хэн ч мэдэхгүй шүү дээ.
Мерид аймаар юм санагдаж хирдхийн цочоод .
-Энэ ч харин үнэн дээ … бурхныг сүнс гэж бодохтой зэрэг Хэн Миллер надад санагддаг юм. Цагаан даавуугаар биеэ ороочихоод бидэн рүү - хүүхнүүд рүү дайрахад бид тэрнийг гэж мэдээгүй байсан болохоор үхтлээ айж билээ. Жаахан Мэгги Мэрфийн дотор нь муухай оргиж , Биатриса Перальда бүр ухаан алдаж унаад нүүрээ шалбалчихсан юмдаг. Одоо сүнс гэж юу билээ гэж бодохоор цагаан даавуугаар биеэ ороосон юм харанхуйд гүйж яваа харагдах болов. Ямар ч болтугай бурхан тэр мексиктэй адилгүй , үсээ хагалдаггүй л байх гэлээ.
Бүжгийн танхимаас хөгжмийн эгшиг дуулдмагц хоёр хүүхэн хоромхон зуур годхийн босов.
-Хоол хүртэл хэд бүжэж авмаар байна. Үдээс хойш хамаг улс дуглана даа . Бараг нь нарийндаа хатсан амьтад болохоор хүүхнээ хоолонд авч орох ажил гаргахгүй гэж орой ирж байхгүй юу . Харин Берт тийм хүн биш урьтаад л өөр юмнуудтай учирчихгүй бол, Саксон минь түргэлье.
Бүжгийн танхимд ороход хэдхэн хос боссон байх тул эхний вальсыг тэр хоёр 3хоорондоо бүжив.
-Берт орж ирлээ гэж хоёр дахь эргэлт дуусах үеэр Саксон шивнэхдээ Мери ,
-Хараагүй юм шиг байгаарай, хоёулаа л хоорондоо бүжиж байя , эргүүлдлээ гэж бүү бодог хэмээн хариуд нь шивнэв. Гэвч найз охиных нь царай баахан минчийж , судасных нь цохилт хурдасч буйг Саксон мэдэв.
Мери вальсаа эргэсээр танхимын нөгөө захад хүрээд ,
-Хамт яваа хүнийг нь ажил уу ? Билл Робертс гэдэг чинь тэр шүү дээ . Берт хамт ирнэ гэж байсан юм . Тэр залуу чамайг , Берт намайг хоолонд урих байх. Өнөөдөр догь болно , харж л байгаарай нөгөө өнцөгт хүрэхээс өмнө хөгжим бүү зогсоосой гэв.
Ийнхүү хоёр хүүхэн тэ° хоёр залуу ба хоол мөрөөдөн вальсаа эрэгсээр бөлгөө. Залуухан , царайлаг хоёр хүүхэн маань их л урамтай бүжсээр хөгжим зогсохын алдад нөгөө хоёр залуугийн дэргэд их л осолтой гэмээр дөхөж очоод дөнгөж сая олж хараад гайхан таашааж буй царай гаргав.
Берт , Мери хоёр бие биенийг дан нэрээр дуудах боловч Саксон , Бертийг “Вонхоп гуай ” гэж хүндлэх атал цаадхи нь зүгээр л Саксон гэж байв. Одоо Саксоныг Билл Робертстой танилцуулах хэрэгтэй болоход Мери хамаа намаагүй хүн шиг царайлан тэр хоёрыг танилцуулахдаа ,
-Робертс гуай – Энэ бол Браун хадагтай ! Миний найз , Саксон гэдэг юм . Сонин нэр байгаа биз ? гэхэд Билл малгайгаа авч гараа сунган ,
-Чихэнд чимэгтэй нэр байна . Браун хадагтай минь , би таны танил болж байгаадаа их баяртай байна ! гэлээ ,
Саксон гараа мөн өгч мэндлэхдээ алгандаа эвэртэйг нь мэдрэв. Түүгээр ч барахгүй , тэрхэн агшинд нэлээд олон зүйл ажиж амжихад Билл нүднээс нь өөр юм ажсангүй. Эхлээд цэнхэр юмуу гэж бодсон боловч хожим нь дахин ажвал бор юм байж . Гэтэл Саксон , Биллыг том хар цэнхэр сайхан нүдтэй , зөрүүд хүүхэд маягийн харцтай г нь шууд ажжээ.
Нүднийх нь эгц шулуун харц гарынх нь хүдэр чийрэг , бяр чадал хүртэл тун аятайхан санагдана. Бас Шантгардуу шулуухан хамар , улаа бутарсан эрүүл нүүр, хацар, эрмэг зориг чанарыг илтгэсэн дээд уруул зэргий нь өнгөцхөн болтугай ч ажилглаж амжжэ. Ялангуяа цав цагаан шүд яралзуулан, ув улаан уруул мушилзуулан инээмсэглэх томовтор сайхан манаас нь хүүхний нүд салж явна.
“Нас бие гүйцсэн биеэрхэг жаал юм даа” гэж Саксон дотроо бодов. Хоёул бие биеийг ширтэн инээмсэглэж атгасан гараа тавихад олс мэт цагаан шаргал атлаа алт мэт гялалзах атиралдсан богинохон үснийх нь өнгө хүүхэнд их л гайхам санагджээ. Улаан хүрэн өнгө зүсий нь харахул тайзан дээр үзсэн Оле Ольсон буюу Ион Ионсоны дүрийг санагдуулна. Гэвч өөр хавьтах төсөө байсангүй. Хөмсөг сормуус нь харавтар харц нь хүүхдийнх шиг биш , жинхэнэ эр хүний эршүүд шийдмэг харагдана. Өмссөн бараан өнгийн даавуун костюм нь мэдээжээр оёдлын газрынх ажээ. Саксон түүнийг тун аятайхан костюм , яав ч таван доллараас хямдгүй гэж бодов. Тэрнээс гадна Скандинов нутгийн удам угсааны хүмүүсийн болхи байдал Биллд огт үгүй , харин ч орчин үеийн эрэгтэй хүний болхидуу хувцас өмссөн атлаа булиа том бие нь гоолиг харагдана. Хөдлөх гишгэх бүр нь уян хатан , айвуу тайвуу байна. Энэ бүхнийг нь Саксон нэг зараар ажиж мэдсэн хэрэг биш л дээ. Сайхан хувцасласан , гоолиг нуруутай , уян налархай хөдөлгөөнтэй , булчин шөрмөс бүхэн нь айвуу тайвуу агшиж зангирч байхыг л ажжээ. Түүнтэй хамт байхад долоо хоногийн турш цардуултай нимгэн даавуу хар хөлсөө гоожуулан зогсоо зайгүй индүүдэж байснаа мартагнаж бие амарч сайхан тайвшрах гэсэн мөрөөдөл нь биелэх янзтай. Гар нь дөнгөж хүрхэд хамаг биенийх нь, бие сэтгэлийнх нь ээлт нөөлт түгэх шиг болов.
Билл нэрийнх нь хуудсыг аваад бусад хүмүүсийн адил инээдтэй хошин шог юм ярьж эхэлхэд Саксонд тун аятайхан залуу мэт санагдав. Хэзээ ч ийм аятайхан эртэй тааралдаж яваагүй тул хэмээн дотроо байн байн бодов.
Билл гоц сайхан бүжих тул Саксон сэтгэл хангалуун баярлана. Биллийн уян зөөлөн сайхан хөдөлгөөн хөгжмийн эгшиг лүгээ яг нийлнэ. Бертийг харвал Меритэй бүжиглэн улам олширсоор буй бүжиглэгчдийн дунд сүрхий эргэлдэн байв. Берт өндөр гоолиг , уян хатан , бас л сайн бүжиглэгч гэж тоогдсон залуу ажээ. Гэхдээ Саксон түүнтэй бүжиглэж байхдаа тийм ч таалалтай байснаа санахгүй байна. Гэнэ гэнэ огцом хөдөлдөг нэг базаахгүй тал байсан нь төдий л таатай биш ажээ. Ер нь Берт баахан яаруу сандруу агдаг зантай мэт санагдана. Агдаг зантай учираас хөдөлгөөн нь дэндүү эрсдэж биед баахан зовлонтой болно. Хэзээд хаа нэг гэзэр очихоос хожимдуузай хэмээн айж буй хүн шиг санагдана. Тэгж дандаа л тавгүй байх нь мэдрэлд халтай.
- Та тун сайн бүжиглэдэг юм байна. Олон хүнээс дуулсан, үнэн юм байна гэж Билл Робертс хэлэхэд, Саксон,
- Би бүжиглэх дуртай л даа . Бүжиглэж байхад ярих дургүйг ингэж хэлсэн өнгөөр нь Билл мэдээд дахин дуугуй бүжиглэхэд санаагий нь мэдээд аяы нь дагаж байгааг бодохоос Саксонд баярламаар санагджээ. Өөртэй нь хамт ажиллаж амьдардаг хүмүүсийн дотор бүсгүй хүнийг энэ мэт анхаарал хүндэтгэлтэй үзэх хүн даан ч ховор.“Заяаны минь хань биш үү ?” , “Маргааш ч суухнаа бэлэн байна.” Гэж Мери Бертийн тухай хэлж байсан нь санаанд ороход Билл Роберт надтай сууя гэвэл би маргааш ч суухад бэлэн байна гэмээр болов.
Хүчирхэг булиа гараараа биеийг нь дуртай тийшээ эргүүлэн бүжихэд Саксон нүдээ анин хүсэн мөрөөдмөөр санагджээ. Боксчин! Сара одоо өөрийг нь харвал юу гэж хэлэхийг нь Саксон гадарлаад дотроо бах тав нь ханах шиг болов. Гэвч энэ залуу маань мэргэжлийн боксчин биш тэрэгчин шүү дээ …
Гэнэт бүжиглэгсэдийн хөдөлгөөн бүр хөвөлзөхөд Биллийн тэврэлт чангарч , Саксонд хилэн ша хайтай хөл нь шаланд осолгүй хүрэх боловч хөөрөн хөөрсөөр агаарт гарч байна уу даа гэмээр хөвөлзөн бүжих нь бахтай. Бүжгийн айзам дахин өөрчлөгдөхөд хамт бүжиглэгч нь Саксоныг сулласхийв. Бие биеэ ширтэлцэн хичнээн тавтай бүжиж буйдаа бахархахын хамт хоёул зэрэг инээд алдлаа.
Бүжгийн сүүлчээр оркестр хөгжим аяа удаашруулахад саахь хоёр маань аяыг даган алгуур гулсах мэт бүжсээр хөгжмийн эгшиг тасрахад сая зогслоо.
Мери, Берт хоёр дээр очихоор олны дундуур явахдаа Билл .
- Бүжиглэхийн хувьд та бид хоёр муугүй таарч байна шүү гэхэд Саксон ,
- Зүүд шиг санагдана гэж тун аяархан хэлсэн тул Билл юу гэж хэлэхий нь сонсох гэж арга буюу толгойгоо далжийлган чих тавив. Хүүхний хацар улаа бутарсныг харахул сэтгэлийнх нь оч гэлтэй. Билл хүүхний гараас нэрийнх нь хуудсыг аваад нэр усаа хуудасны энгээр том үсгээр нэн хичээнгүйлэн сайхан бичиж өгөөд ,
- Одоо энэ хүүхнийг орхиж болно. Нэгэнт хэрэггүй боллоо шүү дээ гэж алиалан хэлснээ нөгөө цаасаа дундуур нь урав.
- Саксон , дараачийн бүжгийг би чамтай хийнэ шүү .
Билл чи Меритэй эргэлд гэж Берт хэлэхэд Билл ,
- Яавч болохгүй . Саксон бид хоёр энэ оройжин хамт бүжинэ гээд ярилцчихсан юм чинэ гэлээ.
- Саксон чи сайхан мэдээрэй ! Наадахи чинь чамд бүр унаж өгөх нь дээ ! гэж Мери зальжин маягтай хэлэв.
- За яахав . Би ер нь с йн юмыг хармагцаа мэддэг хүн шиг байна гэж Билл догь байдалдтай хэлэхэд Саксон ,
- Би ч өөрцгүй гэж дэмжив.
- Би уг нь таныг нүдээ аниад ч гэсэн таних байж дээ гэж Билл нэмж хэлэв.
Мери, тэр хоёр өөд зориуд айж гайхсан мэт харахад Берт ,
- Нэг үгээр хэлбэл, та хоёр цаг алдахгүй байгаа улс юм. Гэвч бүжгийн дараа бидний төлөө хэдэн хором цагаа гарзадвал Мери бид хоёр та хоёрыг хоолонд урих байна гэж сайн санаж хэллээ.
- Яг үнэн гэж Мери батлав.
Билл Саксоны нүдийг ширтэснээ:
- Энэ хоёр чинь яадаг улс вэ? Үгэнд нь бүү ороорой . Хоорондоо бүжих болсондоо уурлаж байна. Берт – Даанч муу бүжигч , Мери ч гэсэн дээ хэдий л олигтой билээ гэж алиалж хэлснээ :
За явья . Хөгжим эхэлчихлээ . Хоёр бүжиг дуустал баяртай гэв.