index.jpg

 

Нэгдүгээр бүлэг - Дөрөвдүгээр хэсэг




Хоолны дараа оркестр дахин хоёр бүжиг хийлгээд биеийн тамирын талбайд шилжэв.
Бүжиглэгчид, зоогийн газрын ширээнд сууж байсан бүх хүн, түүнчлэн цэцэрлэгт зугаалж байсан хүмүүс бүгд хөгжмийн араас дагалаа . Байгалийн таетрын суудал болсон өвстэй энгэрт таван маянган хүн багтан суух ба үзэгчдийн зарим нь биеийн тамирын талбай руу үерийн ус шиг шингэн хөдөлжээ. Хамгийн түрүүнд олс татах болов. Окленд Сан – Франциска хоёрын тоосгочид тэмцэлдэх болж, ханхар цээжтэй, булиа залуус талцан §эхэж зогсоод тулах гэж гутлынхаа өсгийгөөр газар хонхойлж , гараа шороогоор үрж , марзан инээптэй юм ярилцан баясалдана.
Шүүгч , ажиллагсад хажуугаас нь дайран орох хамаатан садан , найз нарыг нь хорих гээд нэмэр болсонгүй , Кельт угсааных нь цус булиглаж заавал дийлэх гэсэн кельт санаа бодол хүчрэгдэхгүй байв. Та хнгэ гэж зааж зөвлөх , занах , зүхэх зэргээр чих дөжрөм хашигрлдаж эхлэв. Тэмцэлдэх багийнхан байсхийгээд булхай гаргалаа гэж нэг нь нөгөөгөө зэмлэнэ. Хор шар нь буцалсан үзэгч олны
Дунд эмэгтэй хүн эрэгтэйгээс цөөнгүй байна.
Олс татах хүмүүсийн хөл дороос жигтэйхэн их тоос шороо босход Мери багтрах шахан найтааж эндээс зайлья хэмээн Бертээс гуйж байв. Гэтэл Берт тоглоомд улайрсан жаалхүү аятай хоргодоод болсонгүй , дараачийн ээлжинд үзэлцэх олны гүн рүү улам зүтгэв Саксон Биллээс тас зуурахад наадахи нь олны дундуур мөр, тохойгоороо зай гарган аажээ уужуу зогсолтгүй явж байв.
Билл дэгийсэн өндөр хүн болохоор Саксоны дээрээс харан алмайрсхийн явахдаа нэг доёгор ирландыг ирландыг тохойгоороо нэлээд хүчтэй ёворчих шиг болоход тэр нь бушуухан зай тавилаа.
- Энэ бол хүүхнүүдийн ирэх газар биш юм . Уралдаан тэмцээн эхлэхэд хор шар буцлалгүй яах вэ . Залуучууд арай хэтэрхий уучихсан бололтой. Ийм үед агсан согтуу юмнууд яадаг гэж санана гэж Билл ярьж эхлэв.
Намхан бүдүүн эрэгтэй , эмэгтэй олон хүнтйэ тийнхүү чихцэлдэх Саксонд тун эвгүй санагдна. Тэдэнтэй зүйрэлвэл Саксон хариугүй хэрэг , бядгүй , охиноороо , огт өөр үүлдрийн хүн мэт ажээ. Гагцхүү Биллийн бяр , овсгоо хоёрын ачар эсэн мэнд явна.а Билл эмэгтэйчүүдийн царайг гэнэ гэнэ ажиглах боловч дахиад л өөрийг нь харах тул Саксон өөрөө гологдоогүй байгаагаа мэдэж байв.
Тэр хоёроос холгүй , хэдхэн алхмын зайд нэг юм болж , хүмүүс муухай хашгиралдан нүдэж балбах чимээ гарав.
Хүмүүс түгшин үймэлдэж нэг том биетэй эр Саксоны хажуу бөөрнөөс дайран Билл рүү шахахад мань эр нөгөө хүнийг мөрнөөс нь барьж аваад нэлээд хүчтэй түлхэж орхив. Тэр хүн “хэг” хэмээн дуу алдаад эргэн харав. Нар салхинд нүүр нь борлосон , ууртай , цайвар үстэй , яах аргагүй ирланд хүн байв.
- Ай , чи муу чөтгөр … гэж ярзганахад нь
- Чи элэнцгээ хийх гэж энд зогсоод байна, би чамайг бариад байгаа биш шүү гэж Билл тайван боловч зэвүүрхэн хэлээд түрүүчийнхээсээ арай хүчтэй түлхчихэв.
Ирланд эр дахин эргэх гэж чармайсан боловч хоёр талаасаа хүмүүст хавчигдаж дэмий л ярзалзаж , хөдөлж ч чадахгүй байв.
- Намалдагий чинь нээнэ дээ ! гэж галзуу мэт хашгичиж байснаа гэнэт царай нь хувирч яралзахаа ч больж харин ч инээмсэглэн, ууртай харагдаж байсан нүдэнд нь баярлах өнгө нэлсхийх шиг болов.
- Тийм хүн байсан юм бий ! Танаыг ингэж чихэлдэж явна гэж даанч мэдсэнгүй . “Догшин Шведийг ” луйвраар хожсон болгосон боловч та яаж намалдаглахыг би нүдээрээ үзсэн гэв.
- Үгүй биш байлгүй . Тэр орой би л ёстой мах болтлоо нүдүүлэхийг чи үзээ биз . Шүүгчдийн шийд шудрага байсан гэж Билл алиалах маягтай хэллээ.
Ирланд эр бүр хөөрч байна. Уг нь худал үгээр зулгуйдаж л дээ . Гэтэл Билл огт тоолгүй үнэнээр нь ярихад залуу боксчныг хүндэтгэн бишрэх сэтгэлийг нь улам хүчтэй болгожээ.
- Үнэн юм үнэнээрээ сайхан . Ширззн тулалдаан болсон , та ч мөчөөгөө өгөөгүй шүү. Би одоо гараа татаж авмагц тантай гар бариад хатагтайд чинь бас зай гаргалцаж өгүүж .
Шүүгчид цугласан олныг хойш нь болгох гээд аргаа барахдаа гар буугаар дээш буудлаа. Энэ бол дохио Жинхэнэ там шиг юм болж эхлэх нь тэр. Тийнхүү хоёр эр хүнээр хаацайлуулсан Саксон тоглож буй хүмүүсийг овоо ойрхноос харах боломжтой болов. Олс татаж буй хоёр талынхан хар тэнхээгээрээ чармайн хүчилж ,царай нь улайж, чидийж үе мөч нь нужигнана. Шинэ олс гарт нь гулгах бөгөөд эрчүүлийг баттай бариг гэж эхнэр хүүхэд ургаш тэмүүлэн чихэлдсээр очиж олсон дээр нь атга дүүрэн шороо цацаж эхлэв.
Дунд зэргийн насны нэг бандгар бүдүүн хүүхэн нэг мэдсэн чинь нөхрийнхөө хажууд оччихсон өөрөө таталцан чанга чанга хашгирч байлаа. Нөгөө багийн ахлагч, нөгөө бандгар хүүхнийг муухай хашгирав. Хүүхний талын нэг хүн нөгөө хүний хулхи руу дэлсэхэд тэр хүн сүхдүүлсэн үхэр мэт нам унав. Эсрэг этгээд нь ч тэсэж байж чадсангүй: Булчинлаг булиа эхнэрүүд эрчүүлдээ туслахаар яарлаа . Шүүгч үзэгч хүмүүс яаж ч хэлээд, гуйгаад занаж зүхээд нэмэр болсонгүй . Эр , эмгүй бүгдээрээ дайран орж олсноос таталцах боллоо. Хоё баг биш , Окленд , Сан – Франциско хоёр хотынхны тэмцээн , бүгд бүгдийнхээ эсрэг хийх тэмцээн болон хувирчээ. Осноос таталцах газар нэгэнт олдохгүй тул гурван хүний гар бий? Бие дээрээ давхцаж байв . Гар дээрээс нь барьж чадахгүй нэг нь айлын багийн хүнийг олсноос салгах гэж хүчлэн оролдох хүмүүсийн шүдийг цөм цөм дэлсэж байв.
Берт баярлан хашгирч байхад Мери бүр айчихсан хажуунаас нь тас зуурчээ. Зарим нь ойчиж хүний хөлд дайруулж байв.
- Балай юм , ёстой балай юм гэж Билл хааяа хэлэх бөгөөд орчин тойронд юу болж бу©г сайтар мэдэх тул нөгөө ирланд хүнийхээ хамт олны дундуур сандралгүй зүтгэсээр Саксоны хамт мултран гарлаа. Тэгж тэгж нэг баг нь хочижоо боллоо. Дийлдсэн багийг хорхойтонгуудынх нь хамт чирч гулдархад үзэгчид араас нь хуйлран гүйлдлээ . Билл тийнхүү Саксоныг аюул багатай газар гарган ирланд эрийн хамгаалалд орхиод өөрөө буцаж олны дотор шумбах мэт орж Берт , Мери хоёрыг төдхөн олж ирэв.
Берт хулхиараа дэлсүүлж цус нөж болсон боловч хэзээний хөгжөөнт байдал хэвээр, харин, Мери бүр шахгдаж урвайсан амьтан галзуурахын даваан дээр гарсан шиг харагдах агаад.
- Ийм спорт байдаг юм уу ? Ичгүүр, ичгүүр, муухай явдал гэж байн байн үглэж байв.
- Эндээс шалмагхан зайлцгаая, одоо ид галзуурдагтаа орох гэж байна гэж Билл хэлэхэд Берт, - за, жаахан хүлээл дээ . Би ийм сайхан үзмэр үзэхэд найман доллар ч хайрлахгүй ! Найм байтугай, хэд ч яадаг юм ийм олон хөх няц, намалдаг болсон ам хацар үзээгүй удаж шүү гэв.
- За тэгвэл буцаж очоод жаргалаа эдэл . Би хоёр хүүхнээ аваад тэр талд, тэр ухаа дээр гарья . Тэндээс юм бүхэн дурайтал харагдах байх.
- Харин чи чөтөгрүүдийн гарт орж ¬армайгаа нээлгүүлвээ, болгоомжтой л байгарай гэж Билл хэллээ.
Хүмүүсийн өнөө чихцэлдээн, зодоон нь хоромхон зуурд үгүй болж нэг хүн биеийн тамирын талбайн захад байдаг индэр дээрээс эрэгтэй хүүхдийн уралдаан явуулах цаг боллоо гэж хашгирахад харамсаж халагласан Берт нөгөө гурав дээрээ буцан очиж толгойн бэлд суулаа.
Эрэгтэй хүүхэд, охид залуу эмэгтэйчүүдийн уралдаан, бас догонцох уралдаан, хөл тушаатай уралдаан, хөлдөө шуудай углаад уралдах гүйлтийн тэмцээн тус тус явагдав. Ураалдаанд оролцогчид гүйлтийн замаар гүйж өнгөрөхөд үзэгч олон алга ташин элгээ хөштөл инээлдэж хөгжилдөж байв. Саяхан болж байсан чихцэлдээн зодоон хэдийнээ мартагдан бүгд баясан ахан дүүс болсон мэт байна.
Таван залуу газар суж хурууныхаа үзүүрийг газар шаагаад “гүйгээд ” гэсэн дохио хүлээж харагдана. Гурав нь оймстой, хоёр нь гүйлтийн төмөр хадаас бүхий гутал өмсжээ.
- “Залуу хүмүүсийн гүйлт . Түрүүлсэн хүнд хорин таван доллар олгох ганц шалтгаантай “ гэж хөтөлбөрт байгааг Берт уншаад – Тэр хадаастай , хүрэн гутал өмссөн , захаасаа хоёр дахь , хүрэн үстэй залууг хараарай . Сан – Францискогийнхон тэрнийг түрүүлнэ гэж мөрицөж байгаа юм . Тэдний найдвар болсон хүн нь их олон хүн мөрий тавьсан гэнэ лээ гэв.
БЁллийг биеийн тамирын спортын талаар онцгой их мэдлэгтэй хүн гэж бодож байсн Мери ,
- Та хэний нь түрүүлнэ гэж бодож байна ? гэж асуув.
- Би яаж мэдэх вэ ? Эднийг анх удаа л харж байна. Миний бодоход бүгд ижил сайн харагдана. Аль давуу нь л түрүүлэг , энэ л хамгийн гол нь .
Дохионы буу панхийлээ, таван залуу ч ухасхийн жирийлгэв. Гурав нь бүр гараан дээрээсээ хоцров. Өнөөх хүрэн үстэй түрүүлж удаад нь хав хар үстэй залуу яг гэзэг даран хурдлах тул тэр хоёрын нэг л түрүүлэхээр байлаа.
Гэтэл хагас тойрог гүйгээд хар үст хүрэн үстээ идэхэд одоо тэр залуу гүйцэгдэхгүй түрүүлэх нь илэрхий боллоо. Хүрэн үстээс лав арван алхамын зайтай түрүү явах агаад цаадахи нь ганц ч алхам төдий ойртож чадахгүй байв.
- Сүрхий амьтан байна шүү! Ядарсан шинж ер алга , харин хүрэн үст нь бүр цуцж гүйцэж байна гэж Билл баяртай хэлж байна.
Хар үст хүрэн үстээсээ яг арван алхмын зайтай түрүүлсээр барианд хүрч ирэхэд цэнгэлдэгч олон чих дөжрөм хашигралдаж баяр хүргэв. Бас дургүйцсан хүмүүсийн дуу ч сонсдож байлаа.
Берт бүр оодорч, түрүүлэгчдийг шүтэх зуур,
- Уухай ! Фриског сайхан чадаа биз ? Одоол зугаатай юм болно доо ! Харж л байгаарай . Унжих нь ! Шүүгчид шагнал өнгий нь өгөхгүй байна шү . Талынхан нь хошуураад ирлээ , за даа ! Ийм зугаатай юм үзсэнгүй удлаа шүү, одоо л нэг !
- Яагаад шангий нь өгөхгүй гэнэў, Билл ээ? гэж Саксон асуухад.,
- Фрискогийн талынхан түүнийг мэргэжлийн тамирчин гээд маргаан дэгдээж байгаа юм байна. Энэ бол шудрага биш хэрэг аль аль нь мөнгө авах гэж л гүйсэн , тэгэхээр бүгд өөрцгүй мэргэжлийн тамирчид гэсэн үг гэж Билл тайлбарлаж өгөв.
- Цугларагсад шүүгчдийн индрийн өмнө шавааралдан хэрэлдэн шуугилдаж гарлаа. Шүүгчдийн байгаа газарт нь хуучирсан муу хоёр давхар барилгархуу юм . Хоёрдугаар давхар нь өмнүүрээ хавчгүй учраас шүүгчид ч хоорондоо тэр үзэгч олны адил муудалцаж маргаж байгаа нь харагдана.
- Одоо л эхлэж байна уу , ичих нүүрэндээ илэг наасан новшнууда! гэж Берт хашгирав.
Хар үст арваад хүн дагуулсаар гадна талын шатаар авиран индрийн тагт дээр хүрч очлоо.
- Эднүүс няравтай нь найз юм байж , мөнгий нь өгч байна. Шүүгчийн зарим нь зөвшөөрч , зарим нь эсэргүүцэж байна . Хүрэн үстийн талынхан ч очлоо гэж Билл хэлээд Саксон руу тайвшруулсан янзтай инээмсэглэн харснаа.
- Энэ удаа би цагаа олж тэндээс ашгүй зайллаа . Тэнд хэдэн хормын дараа сүйд болно доо гэв.
- Мөнгий нь буцааж өг гэж шүүгчид хэлж байна.
Өгөхгүй бол хүрэн үстийнхэн булааж авах нээ . Дэ°гэд нь очлоо шүү , хараарай гэж Берт тайлбарлав.
Ялагч нь цаасанд боодолтой хорин таван мөнгөн ¤олларыг тээр дээр өргөж байна. Талынхан нь тойрч бүчээд мөнгө булаах гэсэн хүмүүсийг түлхэн зайлуулж байв. Зодоон хараахан эхлээгүй боловч байдал улам хурцадсаар өнөөх муу байшинг доргиж ганхтал хүчтэй мөргөлдөөн эхлэх нь тэр . Ялагчийг тойрон хүрээлсэн хүмүүсийн дотроос ,
- Мөнгий нь өг, муу нохой !
- Битгий өг, Тим !
- Чи шудрагаар олж авсан мөнгө шүү, Тим !
- Бузар хулгайч, мөнгий нь өг! гэх мэт янз бүрийн үг хэлцгээн хашигралдана.
Нөхөрсөг зөвлөгөө, цээртэй хараал холилдож байлаа, Мөргөлдөөн бүр нийтийн зодоон болж хувирах осолтой болов. Тимийн талынхан гар дахь мөнгөндөө хүний сувдаг гар хүрэхгүй гэж дээр өргөсөөр байж усан хулгана болтлоо хөлрөн ядарчээ. Тэгээд нэг удаа түр буулган дахин өргөх хооронд хүмүүс шүүрч цаасыг нь урахад Тим мөнгөө арай чарай сэгсэрч амжмв. Тийнхүү дор буй хүмүүсийын толгой дээр мөнгөн бороо хаялах шиг юм боллоо. Дараа нь унжирсан яршигтай маргаан дэгдэв. Мери :
- Бушуухан дуусаасай, ганц болтугай ч бүжиглэх юмсан . ийм дэмий юмаар юу хийхэв дээ гэв.
Шүүгчийн индрийг хүмүүсээс арай гэж чөлөөлсний дараа журмыг сахиулагч даамал тагІны захад очиж чимээ аяд хэмээн гараа өргөж байна. Хүмүүсийн уур хилэнтэй хүнгэнээн намдав.
- Энэ өдрийг нөхөрлөл , ахан дүүсэг ёсны өдөр болготугай гэж шүүгчдийн зүгээс тогтоолоо … гэж нөгөө хүн өндөр дуугаар зарлав.
- Яалаа гэнээ! Яалаа гэнээ!
Нэлээд бодолтой нэг нь алга ташив.
- Энэ зүйтэй!
- Зодоон сөнөтүгэй!
- Бүдүүлэг ёс сөнөтүгэй!
Ийм учираас шүүгчид дахин хорин таван долларын шагнал бий болгож дахин уралдуулах болов гэж нөгөө даамал хэлэхэд
Олон арван хүн
- Тимийг яах вэ? Түүнийг яах гэж? Тимийг л дээрэлхэж байна! Шүүгчид сөнөтүгэй! гэж сүртэй хашгиралдав.
Журам сахиулагч дохио өгч олныг тайтгаруулан ,
- Үзэгч олны хүслийг дагахад бэлэн байдаг шүүгч пар Тимоти Мак-Манус ч гүйг , түрүүлбэл мөнгөө аваг гэж шийдлээ гэв.
- Муухай л юм хийж байна даа . Тимийг уралдаанд оруулж болох байсан гэж Билл дургүйлхэн хэлж байлаа.
- Одоо ч хүрэн үст үзүүлээд өгнө дөө! гэж Берт сэтгэл хөдлөн хэлэхэд Билл ,
- Тим ч өөрцгүй . Уур нь хүрч үхэхээ мэдэхгүй үзэлцэх байлгүй гэв.
Үймэлдэх олон хүнийг уралдааны замаас зайлуулах гэж бас арван таван минут болоход нөгөө, хар, хүрэн үст хоёроос өөр уралдах хүн гарсангүй . Нөгөө гурав нь уралдахаас татгалзжээ.
- Миний бодоход Тим мэргэжлийн тамирчин тун сайн гүйдэг хүн юм . Гүйж байгаа байдлы нь харахад андашгүй, та нар хараарай, гайгүй ! гэж Билл хэлэв.
Тим хагас тойрог гүйж хагас алхамын зайтай тасрач түрүүлээд энэ зайгаа алдалгүй сайхан гүйсээр барианд ойртож байв. Гэтэл ухаагийн бэлд байсан манай бүлгийнхэниэй харалдаа хүрч ирхэд ёстой санаанд оромгүй хачин юм болох нь тэр. Дэгжин хувцасласан, саваа шиг нарийхан таяг барьсан залуу гүйх замын дотор талд зогсож байсан юм . Тэр хүн олны дотор ямаанаас янзтай харагдана. Ажилчин ангийн хүн огт биш . Хожим Берт түүнийг бүжгийн дэгжин багш шиг харагдсан гэдэг байлаа.
Тимоти – Мак – Манус буюу Тимийг гүйн өнгөрдөгийн даван дээр тэр тэгээд барьж байсан таягаа гэнэт хөл рүү нь шидэв. Тим толгойгоороо годройтон тоос шороо босгон уналаа . Түр зуур хүн бүхэн гайхан чив чимээгүй болов. Нөгөө этгээд ч өөрийнхөө үйлдсэн бузар хэргиыг мэл гайхав уу гэмээр харагдав, чухам юу болсныг тэр хүн ч, ажиглагч олон ухааран ухаартал багагүй цаг өнгөрөх шиг боллоо. Тэгж тэгж олон зуун хүн сая л ирландчуудын дайчин дуу хоолойгоор хашигралдаж эхлэв.
Хүрэн үстийг бариан дээр ирхэд ганц ч хүн алга ташсангүй . Хүмүүс нөгөө таягтй залууд уурлан барьж идэх шахан хилэгнэн шуугилдахад мань эр яая ¤аа гэсэн байдалтй түр зогсож байснаа гэнэт эргэн замаар орж зугтав. Берт хойноос нь Ингээд зугад! уухайс! Хашаа зайлна вэ! Юу бодож ийм муухай юм хийдэг новш вэ ? Аан ? Хэл чи! хэмээн малгайгаа атгасан гараараа занаж байн байн үглэж байв.
- Үгүй ер , мөн сүрхий овжин хүн байх нь ээ! Яах гэж ингэв ээ ? Лав л тоосгочин биш дээ гэж Билл даажигнасан байдалтай хэлэв.
Галзуу мэт орилолдон нэхэх хүмүүсээс айж ухаагийн бэл өөд хар хурдаараа ум хумгүй зам даган згадах тэр залуу яг анчин, нохойд хөөгдөж буй туулай мэт харагдана. Тэгсээр ухаагаа өгсөн даваад модон дотуур орон бараа нь тасрав.
Араас нь өшөөгөө авах гэсэн зуугаад хүн амьсгаадан нэхсээр явна.
- Энэ улсын байж байгааг хараач . Тэр хүн энд юу болж төгсгөхийг үзэлгүй алга боллоо, аз нь дутаж дээ гэж Билл хэлж байна.
- Берт бүр жигтэйхэн аашилж дороо дэвхцэн ,
- Хараач! Хараач! Хараач! гэнэ.
Хурдан хүнийг нь шагналаас хоёр дахь удаагаа зальхай муу аргаар хасаж доромжилсонд Оклендынхон үнэхээр их ууралжээ. Саяын энэ явдал ч гэсэн Фрискогийнхны эргэлзээгүй зохиосон бузар хэрэг гэж бодоцгооно.
Тэгээд Оклендынхон Сан – Францискогийнхныг цусы нь холихоор гар зангидан зангаж эхлэв. Үнэнэдээ нөгөө талынхан тийм муухай юм хийгээгүй хэр нь эсрэг этгээдийнхэнтэй бяраа үзэхэд бэлэн Тиймэрхүү бузар юм хийхээгүй атал хийсэн гэж гөрдөх нь уг бузар явдлаасаа дор мэт санагдах аж . Түүнээс гадна ирландчууд хичнээн цагийн турш залхаж ядартлаа дэмий хүлээсэндээ одоо биеэ барихыг нэгэнт больж таван мянган эр тийнхүү тулалдаанд орохоор уулгалан тэмүүлэв. Бүсгүйчүүд нь тэдэнтэйгээ хамтрах болжээ. Дайн тулааны уур амьсгал бүхнийг хамарлаа. Хүмүүс дайран довтлож эхэлснээ эсрэг дайралтанд түрэгдэх ухрах , дахин сөрөг давшилт хийх зэргээр үзэлцэж эхлэхэд чадал муутай анги нэгтгэлүүд нь уулын бэл харуулдан шилээ харуулав. Зарим хэсэг нь хууран мэхлэх арга хэрэглэн мод хадны завсар хоорондуур орж партизаны дайнд шилжин анхаарал суларсан газраар нв гэнэ гэнэ довтолно. Визел цэцэрлэгийн захиргааны дэг журам сахуилахаар хөлслөн авсан арван цагдааг байлдагч хоёр талынхан хүч хайхралгүй сөрөн тулалдаж байв.
Цагдаад дуртай хүн гэж ер нь байдаг болов уу? гэж Берт инээж хэлэхдээ цус нь тогтохгүй байгаа шархадсан чихээ алчуураар дарлаа.
Арын бут сондуулд тас няс хийх чимээ гарахад Берт хажуу тийш ухасхийн харвал тас зууралдсан хоёр залуу газрын уруу өнгөрч дээр нь гарч амжсан нэг нь дорхийгоо нүдэж байх агаап бас нэг эмэгтэй дагаж өөр омгийн хүнийг харааж зүхэн зодолдож байв.
Хоёр дахь удаагийн уралдааны үед болсон муухай явдлын дараа шүүгчид өөрийн өндөрлөг дээр галзуу мэт дайрах олны өмнө эрэлхэг тулалдаж байсан боловч өнөө муу барилга нь сүүлдээ тэсэлгүй нурав.
Нэг хижээл авгай зам дээр суугаап хаймран ултай нэлээд том гутлаа тайлж байхыг Саксон хараад ,
- Энэ авгай яах гэж байгаа юм бол ? гэж эрэгтэйчүүддээ зааж асуув.
Тэр авгай гутлаа тайлаад бас оймсоо тайлахыг нь Берт хараад инээд алдаж ,
- Усанд орох гэж байгаа бололтой гэв.
Тэд гайхан ажиглавал тайлсан гутлаа холхинодог өмсөж оймсондоо атгасан гарын хэртэй чулуу хийгээд тийнхүү эртний элэр балар үеийн аймшигт зэвсгээ барьж далайсаар нийтийн зодоонд майжгансаар орж явчив.
Тэр авгайг чулуутай оймсоороо цохих бүрт Берт : “Ёо ! Ёо ! ” гэж хашгираад .
- Аа муу шулмас сүрхий байна, ингэж байж өөрөө хэмх өшиглүүлчихгүй бол яамай даа! Зальтай амьтан юм, гайхлыг! Хараач! Чавганц мандатугай! Харав уу зууралдчихсаныг нь! тэсээд байгаарай ээж минь ! … Пөөх ! … гэж байтал нэг авгай араас нь хүрч очоод угз татан эргүүлэхи©г нь Берт хараад урам хугаран дуугуй болов.
Мери , Бертийн гараас зууран дэмий л сэгсчин
- Чи яагад зүгээр байдаггүй юм бэ ? Аймаар хэрэг болж байн шүү дээ ! Аймаар хэрэг хүүе ! гэнэ .
Гэвч Берт огт тоохгүй.
- Уухай мөн дөө! Хөгшин та тэгэд байвал дийлнэ шүү! гэж нөгөө авгайгаа дэмжин - Чамайг дийлнэ гэж мөрий тавих байна. Гэнэдэж л болохгүй , аятайхан байрьсан байна ! Овсгоотой байна . Гоё ! Гоё! Хэмээн магтан сайшаав.
Билл , Саксонд :
- Би ийм зэрлэг зодоон үзээгүй юм шиг байна. Ирландчууд л ийм юм хийхээс сийхгүй улс . Тэр тэгээд яах гэж ийм юм өдөв, учрыг нь ойлгохгүй байна, лав тоосгочин биш, ер ажилчин хүн биш, жинхэнэ дээрэнгүй этгээд дээ . Энэ цэцэрлэгт түүнийг таних хүн ганц ч алга. Зодоон гаргах гэж бодсон бол зорьсондоо хүрч, энд тэндгүй зодоон цохион болголоо, харахгүй юу .
Билл гэнэт нүднийхээ нулимсыг гартал үнэн голоосоо учиргүй их инээлээ.
Саксон юу болов хэмээн айсан янзтэй ,
- Та юу гэж инээв ? гэхэд Билл инээдээ барьж чадахгүй хэр нь,
- Тэр золгийн дээрэнгүйг бодохоос инээд хүрэх юм !
Яах гэж таягаа шидээ юм бол ? Ингэж бодохоос инээд хүрэх
юм! Яах гэж? гэлээ.
Бут сондуулд бас чимээ гаргахыг ажвал хоёр эмэгтэй хөөцөлдсөөр гарч ирэв.
Тэр хоёр хорвоод биш гэхнээ нүдний хараа хүрэх газар бүхэнд болж буй тэмцэлд хэрхэн татагдаж орсноо ч ухаарч амжаагүй ажээ.
Зугадаж байсан эмэгтэй нь цэцэрлэгийн сандал тойрон гарах гэж байж бүдрэн ойчих шахахдаа Мерийн гараас шүүрэн барьснаа нөгөө хөөж яваа авгайн зүг түлхэж орхив.
Уурандаа эрүүл саруул сэтгэх чадвараа алдсан тарган бандгар авгай Мерийг юу юугүй нэг гараар үстэн авч нөгөөгөө далайтал Билл хоёр тохойноос нь барьж аваад
- За боль доо , авгай минь Та эндүүрч байна . Наадхи чинь ямар ч хамаагүй хүн гэж тайван хэлэв.
Тэр авгай тун хачин янзтай байсныг өгүүлбэл, өөдөөс нь эсэргүйцэх атлаа Мерийг үсдчихээс слахгүй байв.
Тэгснээ болиод улих мэт хашгрилаа. Энэ нь өөрөө айсан бас бусдыг айлгах гэсэн өмхий санаа ажээ. Гэтэл нүүр царайд нь тийм хоёр санааны аль нь ч үл илрэнэ. Харин ч Биллийг хүйтэн харцаар сонжин ширтэж байлаа. Омгийнхныгаа аминд орооч гэж тайвнаар хашгирсаныгаа энэ хүн юу гэж үзэж байгаа бол хэмээн шинжин байсан аж .
- Аа муу боож үхмэр чинь бүр гаарах нь ! гэж Берт хашгиран авгайн мөрнөөс шүүүрэн барьж Меригээс салган зайлуулахыг оролдов.
Дөрвүүл тийнхүү нэг газраа л зууралдах ба авгай хашгирсаар байв. Бут сондуул дахин чимээ гарахад хашгирч буй авгай бүр оодорч эхэллээ.
Гэтэл Биллийн тайван харцанд ган төмрийн хөх өнгө гялсхийх шиг болж нөгөө авгайн гарыг Билл чанга атган Меригээс салгахад авгай арагшаа арай л савж ойчсонгүй. Тэгтэл түүнийг өмгөөлөгчдийн нэг нь хүрч ирэв.
Тэр хүн учир явдлыг асууж лавлах ч үгүй, нэгэнт л тэднийхнийг нэг нь орь дуу тавин санд мэнд зугдан байгаа болохоор шууд дайрч эхлэх нь тэр.
- Та эндүүрч байна , тийм юм болоогүй , нөхөр минь ! гэж Билл яаран хэллээ. Ирланд хүн хүнд гараа далайхадл Билл тайлбар үгээ зогсоод хажуу тийш бултаж , нөгөө хүний алх мэт атгасан гар толгой дээгүүр ирэхийн хамт эрүү рүү нь авад тавьчихлаа . Бүдүүн ирланд бөөрөөрө унаад хөнтөргөн газрын амсар дээр өнхрөн ойчив. Босоод ирэхэд нь Берт дэлсэн унагав. Тэр хүн бэл даган гулсахдаа богинохон өвсний толгой самардаж байв.
Берт харахас аймаар сүртэй .
- Аа муу хөгшин шулмас - гээд нөгөө авгайг хэвгүй газар түлхчихтэл бут сондуул дотроос бас гурван хүн гарч ирэв.
Энэ хооронд Бил Саксоныг нэг ширээний ард аваачин суулгав. Муурч унах дөхсөн Мери бас өөрөөс нь зууралдахад сандал дээр суулгаад Саксон руу түлхэсхийв.
Бертийн хор шар буцалж нөгөө хүмүүст ,
- За наашаа хүрээд ир , новшнууд минь! Зэрлэг аратнгууд минь наашихнаа бол ! Гесттисбергийн муусайн новш! Ертөнц дээр америк хүн гэж байдгийг та нарт харуулаад өгье! гэнэ.
Бертийн хар нүд нь гялалзаж, харавтар царай нь улаан хүрэнтэж уушги зүрх нь сагсайжээ.
- Дуу ! Бид зодолдохгүй, бидэнтэй хүүхнүүд хамт явнаа гэж Билл догшин сүртэй хэлэх бөгөөд ширээний өмнөх байрнаасаа зайлахгүй байлаа. Өөрийг нь өмөөрмөөр , өөрснийх гэмээр гану хүн байхгүйг хараад баахан тээнэгэлзэх тэр гурван хүнд Билл :
- Нөхөд минь эндээс зайлцгаа. Бид хэрүүл маргаан гуйгагүй . Эндүүрэл болсон байна. Бид зодоонд оролцоогүй улс ойлгов уу. гэхэд тэд яая даа гэсэн байдалтай байв.
- Тэд, Биллийн үгэнд орж мэдэх байсан боловч яг тэр эгзэгтэй агшинд нөгөө ирланд өнхөрсөн газраасаа дөрвөн хөллөн гарч ирэв. Нүүрнээс нь цус гарсан харагдана. Берт түүнийг барьж аваад дахин поош түлхэхэд нөгөө гурван хүн Берт рүү уурсан хашгирч дайрав. Билл нэгийг нь зангидсан гараараа зохиж , байрлалаа өөрчилж хоёр дахийг цохиод, дахин байрлалаа өөрчилж гурав дахийг нь цохив.
- Биллийн цохилт мэргэн, хурван хайр найргүй боловч дүрмийн дагуу зөв, биенийхээ жингээр хүч оруулсан байна. Нүд салгалгүй ажиглаж байсан Саксон түүний шинэ авьяс билгийг мэдэж авав. Зүрх нь айснаас шимшрэвч, нүд нь хурц сэтгэл нь хөөрч байв. Нүдэнд нь ямар ч гүнзгий, ямарч өнгө байдал ажиглагдахгүй болж, сүрхий дорвитой янзаас өөр юу ч илэрхийлэх атлаа догшин , хоосон шил мэт өнгө гялтайх болсонд Саксон их гайхлаа. Бертийн нүд галзуу хүнийх шиг гялалзана. Ирландчуудын нүдэнд мөн уур хилэн бадрах авч бас эрүүл саруул байдлыг илэрхийлэхийн хамт дэмий зодоон хийх завшаан болов гээд дотроо баярлах мэт тэмдэг цухалзах янзтай харагдана. Биллийн нүдэнд баярласан шинж огт үгүй. Харин тулгамдсан хэцүү ажил оногдож түүнийгээ биелүүлэх санаа нэгэнт шийдсэн мэт харагдахаас биш өөр юу ч илэрхийлэхгүй байв. Тэр өдрийн турш тийм байдал нүүр царайд нь илрээгүйг саксон ажиглалаа. Хүүхдэрхүү шинж огт үгүй болж нас бие гүйцэж ухаан суусан хүний төлөв илэрсэн төдийгүй бүр наснаасаа ахадсан аймаар хашир суусан хүн шиг харагдана. Нүүрэнд нь уур хилэн илрэх биш, тэрч бүү хэл хүйтэн цэвдэг байдал ч илэрсэнгүй. Харин хутга шаавч хөдлөхөөргүй янзтай дөлгөөн тайван байдал нүдэнд нь илэрч байна. Эртний сакс нарын тухай эхийнхээ ярьж байсан сонирхолтой яриа Саксонд санагдахад нь Билл тэднийхэнтэй төстэй мэт бодогдов. Махчин шувууны хошуу мэт ха¬артай, урт гэгчийн хар завины сүүдэр сүүмс хийж далавчит дуулга өмссөн хагас нүцгэн мундаг эрчүүл дээр нь байх ба нэгнийх нь нүүр царай Биллийнхтэй гайхмаар адилхан ч юм шиг сурсхийн санагдлаа. Ийм юмыг Саксон санаанаасаа зохион бодсон биш харин зөнч мэргэн бодлын үрээр үнэн бодитойгоор мэдэрч байтал тулалдаан хэдхэн секунд үргэлжлээд дуусав хэмээн гайхав.
Берт гулсамхай газрын ирмэг дээр өнөөх нам цохиулж доош өнхрөх хүмүүсийг даапаалан дэвхцэн бүжиж байлаа. Гэвч Билл хэрхэхийг зааж ,
- За хүүхнүүд минь явцгаая . Берт чи сайн бод . Эндээс зайлах хэрэгтэй . Чи бид хоёр бүхэл бүтэн цэргийн ангитай үзэлцэжэ давахгүй шүү гэв.
Билл , Саксоныг хөтлөн ухарч эхэлхэд араас нь Берт хөөр баяр болсон хэвээр явах ба дургүй нь хүрсэн Мери үүнд уураа гарган дэмий аашилна.
Тэр хэд модон дундуур зуун алхам орчим газар гүйгээд дэмий сэлгүүцэж яваа улс мэт чимээгүй явцгаав. Гэтэл Берт хэзээний хэрэгт дуртай хүн болохоор бут сондуул дотор зодоон цохионы бүдэг чимээ грахад юу болов хэмээн тэр зүг явснаа , - Хүүе та минь ! Наашаа гүйцгээ ! гэж бусдыг дуудав.
Наадуул нь араас нь хүрч очоод хуурай жлаганы амсар дээрээс доош харав. Нийтийн зодооноос цойлж гарсан бололтой хоёр эр тэр жалгын ёро®лд замдалцан амь наанаа там цаана үзэлцсээр харагдана. Нус нулимс нь гоожих бөгөөд бүр ядарч туйлдсан нь тодорхой байв.
- Хүүе , наадхийнхаа нүдэнд шороо цац , тэгвэл нүд нь харахаа больж , чиний идэш болох юм байна ! гэж Берт хашгирав.
Бертийн үгэнд ороод шороо цацах гэтэл Билл ,
- Боль ! Болохгүй бол би өөрийг чинь нүднэ шүү !
Зодоон дуусаад хүн бүхэн найрамдаад байхад та хоёр одоо гар бариад зодооноо зогсоо! одоо би та хоёрыг наанаас чинь татаж гаргая! гэж өндөр дуугаар хэлэв.
Тэр хоёр тэндээс эвлэрэн гарч хоёр тийшээ салахдаа бие биенийхээ шороо тоосыг цэвэрлэн гөвж өгөв.
- Одоо ингээд нам жим болно. Эдний занг би андахгүй . Араараа уулзаад нүүрээрээ эвлэрдэг зантай улс, Өнөөдрийг гойд ээлтэй өдөр боллоо гэлцэнэ дээ . Миний хэлсэн үнэн байгаа биз? Тээр тэнд байгаа ширээг хар л даа гэж Билл Саксонд инээмсэглэн ярив.
Тэднээс холгүй газар үс толгой нь сэгсийсэн, амьсгаа нь дарагдаагүй эрэгтэй эмэгтэй хүн гар барилцан найрамсаж байв.
- За явж бүжгэнд орцгооё гэж Мери наадуулаа бүжгийн танхим руу дагууллаа.
Саяхан хутгатай дайсан болж байсан хүмүүс маань одоо эвсэн найрсаж ил зоогийн газруудаар хуран цугларч, ангаа цангаагаа гаргахыг хүсэж байлаа.
Саксон Биллийн ха¦ууд явна. Билл зодолдож ч чаддаг, зодоонд оролцохгүй ч байж чаддаг нв Саксонд бахдалтай санагдлаа. Өнөөдөр болсон тэр эвгүй явдлын туршид Билл яавал зодоон цохион хийхгүй өнгөрч болохыг л бодож байв. Чухамда Мери бид хоёрыг бодоод л зодоонд орохгүй улам ч хичээлээ гэж Саксон ухаарч байлаа.
- Та зоригтой хүн юм гэж Саксон хэлэв.
- Юун зориг! Хүүхдийн чихэр булахаас ямар өөрц байхав. Энэ улс омгоос өөр юм алга . Бокс гэж юу болохыг огт мэдэхгүй, хамгаалж мэдэхгүй амьтад зодуулж л орхино. Жинхэнэ зодоон гэж ийм юмыг хэлдэггүй юм шүү дээ гээд цус нь нөжирсэн гарынхаа үеийг хүүхэд шиг гунигтай харснаа
- Харин би маргааш энэ хоёр гараа ажиллуулна даа. Хавдаад ирсэн цагт тунч сайхан юм бодогдоггүй юм шүү гэж мөн гунигтай хэлэв.