index.jpg

 

Нэгдүгээр бүлэг - Зургадугаар хэсэг




Тэр хоёр хаалган дээр очоод салах ёс гүйцэтгэв. Билл нэлээд ичиж байгаа нь Саксонд тун аятайхан санагдав.
Танилцмагцаа юу юугүй эрээ цээрээ алддаг залуучуудаас өөр хүн юм. Хаалганы дэргэд хүрч ирээд хоёул нэг хэсэг дуугүй зогссоноо Саксон хэдийгээр дотроо хүслэн болсон үгээ сонсохыг тэсгэлгүй хүлээх боловч гэртээ орохыг яарч буй царай гаргав.
- Би тантай хэзээ тахин уулзаж болох байна ? гэхэд хүүхэн баяртайгаар инээв.
- Би Оклендын зүүн хэсэгт суудг . Тэнд манай жүчээ байдаг юм . Тэнд ажилладаг болохоор танай энэ хавиар бараг ирэхгүй юм даа . гэсэн ч … - гэснээ гары нь улам атгаж - Гэсэн ч би тантай дахин заавал бүжиглэмээр байна . Ориндорийн клубт лхавга гариг болгонд бүжигтэй байдаг юм . Ажлын чинь бололцоо гарвал тэнд уулзах уу .. Зав гарахгүй юу ?
- Гарнаа
- Тэгвэл Лхавгад . Тан дээр хэдэн цагт ирвэл зүгээр вэ ? .
Тэгээд уулзах болзооны тухай нарийн ярив. Саксоныг зарим бүжгээ өөр залуустай хийж болно гэж Билл зөвшөөрөв. Тэгээд сайхан нойрсохыг бие биедээ хүэс үед Билл гары нь улам чанга атган биеийн нь өөртөө ойртуулан тэврэх гэхэд Саксон зөөлөн боловч шийдэмгий татгалзав. Тийм ёс байдаг аж . яасан амархан хүүхэн бэ гэж бодож магадгүй гэж Саксон айв. Уг нь өөрөө Биллийг ямарч эр хүнээс огт өөрөөр үнсмээр санагджээ. Хацраа өгч үнсүүлэхэд Билл үнэн хайрын сэтгэлээр, цаанаа далдын санаагүй, яг л өөр шигээ шулуун шудрага ариун бодь санаанаасаа хүсэж буйг нь Саксон мэдрэв. “Эр хүн Ўолгоныг новш шиг бодож болохгүй юм байна” гэж бодов.
- За баяртай гэж Саксон шивнээд хашааныхаа хаалгыг чахруулан орж хашаан дотуур дугуйрсан нарийхан жимээр байшин руугаа алхлаа.
- Лхавга хүртэл баяртай гэж Билл хойноос нь нам дуугаар хэлэв.
- Лхавга хүртэл
Саксон хоёр байшингийн завсар харанхуйд зогсож Биллийн хөлийн чимээ цардмал замаар холдон буйг сэтгэл дотроо чагнасаар дуулдахаа байхад нь сая үүдээ татаж ороод харанхуй хар шатаар өгсөн гал тогооны өрөөгөөр дамжин өөрийнхөө суудаг тасалгаанд орохдоо Сара зэгсэн сэрсэнгүй гэж заяандаа залбирав.
Хийн гэрлээ асаагаад хилэн малгайгаа авах зуур залуугийн үнсэлт уруул дээр халуу орхих амуй. Тийм үнсэлт уг нь юуг ч нотолдоггүй . Залуусын хооронд тийм юм их байдаг. Гэсэн тэдэнд үнсүүллээ ч гэсэн дараа энэ мэт халуу оргих нь үгүй атал Биллд үнсүүлснээс хойш уруулаар бүү хэл уураг тархиар нь халуу шатах болов. Яагаад ингэнэ вэ? учир нь юу байна ? Сэтгэл зүрхээ гэнэт хөөрхөд толины өмнө очиж өөрийгөө ажив. Нүдэнд нь аз жаргалын өнгө гялалзана. Угаас зөөлөн улаавтар хацар нь час улайсан байна. Толидоход тун хөөрхөн хүүхэн харагдана. Тийм харагдаж байгаадаа баярлаж бахадс н Саксон ганцаараа мишээв. Жигэдхэн цагаан шүдээ яралзахад бүр яралзтал инээлээ. Бусад эрчүүл магтдаг юм чинь, эмэгтэй найз нар маань ч хөөрхөнийг минь магтдаг юм чинь ийм царай Биллд аятайхан харагдах байх аа гэж Саксон дотроо асуулт тавив. Чарли Лонг эргүүлдэж амьдралд минь хор хүргэдгийг бодсон ч аятайхан санагдаад л тэгдэг байлгүй. Толины хажуу ирмэгийг хялам хийвэл Чарлийн зураг харагдах тул дотор нь зарсгээд жигшиж зэвүүрхэв. Тэр хүний нүдэнд цаанаа л нэг адгуусны харгис догшин чанар илэрхий. Үнэндээ ч яггүй адгуус юм . Эргүүлдээд бүхэл жил болжээ. Бусад залуучуудыг занан сүрдүүлдэг болохоор тэд Саксонд хавьтахаас ч айна. Тэр хүн Саксоныг эргүүлдэн хөөцөлдсөөр сүүлдээ түүнийг анхаарал халамжийнхаа боол болгожээ. Угаалгын газрын эелдэг зантай зөөлхөн гартай, ажилчин биш, жинхэнэ эрхэм хүн шиг нэг залуу нягтлан театрт урьсан юмсанж . Гэтэл Чарли гэнэдүүлж байгаад үхтэл нь зоджээ. Саксонд ямар буруу байх вэ ? Тэрнээс хойш тэр залууг өрөвдсөндөө л урилгыг нь хүлээн авахаа больжээ. Харин лхавга гаригт Биллитэй уулзах боллоо! Биллитэй ! гэхээс зүрх нь дэлсэж байв. Хэруул уруул гарцаагүй гарна , гэсэн ч Билл намайг Чарлиас хамгаална . Чаирли , Биллийг гөвшихий нь харахсан, гонж вий гээд толиныхоо жаазан дээрээс зургийг нь угз татан аваад үхэг дээрээ доош харуілан шидэв. Тэр зураг хуучирсан хар ширэн хажлагатай жижигхэн хайрцагны дэргэд унав.Ингэж доромжилсондоо хорссон мэтээр нөгөө муухай санагдах зургийг дахин шүүрэн ө авч өрөөнхийхөө алсын булан руу шидээд ширэн хайрцгаа авч пүрший нь дарж нээснээ дотроос нь өөр нэг зураг гаргаж түүнийгээ удтал ширтэв. Ухаалаг нүдтэй эмэгтэй хүний ядарсан царай харагдана. . Хайрцагны дотор жижигхэн хилэн жинтүүн дээр “Дэзи – гээс Карлтонд ” гэсэн алтан үсэг үзэгдэнэ. Энэ бол түүний хэзээ ч зүс үзээд , удаагүй эхийнх нь зураг байсан болохоор тэр алтан үсгээр бичсэн үгийг сэтгэл бишрэн уншив.
Саксон, хүүхэд ахуй цагаасаа шашны ёс горимыг мэдэхгүй чгэмээ нь төрөлхөөс гүн бишрэлтэй бөлгөө . Гэхдээ бурхны тухай ойлголт нь туйлын бүрхэг, бадаг бүдэг болохоор энэ талаар өөрөө арчаа муутай ч гэсэн нэрэлхэхгүй . Бурхан гэж чухам юу болохыг яагаад ч төсөөлөн бодож чаддаггүй байжээ. Зураг дээр бол их л бодитой юм харагдана. Тэр дүр өөрт нь их юм өгөх шиг, ирээдүйд ч ээлтэй байх шиг! Саксон сүмд очиж мөргөл хийдэггүй, гэхдээ тэнд эрхмээс эрхэм зүйл, шүтэн байдаг гэж бодно. Гай зовлон дайрах юм уу, ганцаардан гунихдаа тэр хөрөгтөө залбирна. Сүмээс зөвлөх үг, ач тус, сэтгэл засах зүйлийг хайна. Танил хүүхнүүдээсээ олон талаар ялгаатай өөрөө гадарлана. Ачит эхийнхээ царайг зургаас нь харахдаа оюун сэтгэлээр өөртэй нь ямар төс байгааг олж мэдэхийг хичээнэ. Эх нь ч гэсэн бусадтай адилгүй, бусдад бурхан гэж чухам ямар санагддаг бол эх нь чухам тийм санагдана. Тэр шүтээндээ хэзээд үнэнч байхыг хичээж, нэрий нь хөөдөхгүй, ясы нь өндөлзүүлэхгүйг бодно. Саксон эхийнхээ тухай үнэндээ тун бага мэддэгээ ойлгодог боловч элдэв сайн сайхан тавар төсөөллийг зохион бодно. Тэгээд эхийнхээ тухай олон жилийн турш домог зохиосон юм байж .
Гэвч тэр дүрийг зөвхөн домгоос бүтсэн гэж болох уу ?
Саксон аливаа эргэлзлийг шийдэмгий хаяад үхэгийнхээ доод шургуулагнаас хуучирч элэгдсэн бичгийн сав гаргаж ирэв. Дотроос нь цагийн улиралд үжирч шарлсан гар бичмэл гарч, хуучин үеийн зөөлөн, энэрэлт үнэр ханхлана. Угалзалсан цэвэрхэн нарийхан бичиг харагдана. Хагас зуун жилийн өмнө хүмүүс тэгж бичдэг байж . Зохиогч өөртөө хандаж бичсэн мөрийг Саксон уншив.
Эола дагины уяхан ятгын адил
Урлагийн тэнгэр уянга яруу дуулан …
Калифорны уужим тал нутаг
Хариуд нь цуурай хадаан дуугаран’
Эолагийн ятга гэж юу юм бол хэмээн түмэнтээ гайхах боловч ер бишийн сайхан эхийнхээ тухай бүүр түүр дурсамжаа үгээр хэлье гэвч үг дутмаар санагдана. Саксон хэсэг зуурбодол болон зогссоноо өөр нэг гар бичмэлийг сөхөж үзлээ . “К . Б- д зориулав ” гэж үншив . Эх нь өөрийн нөхөр Карлтон Браунд зориулсан янаг амаргийн шүлэг байлаа .
Саксон дор сийрүүлсэн бадгийг утга учры нь бодон бодон уншив:
Цуваа нөмрөөд бүсгүй хүнээс дайжихгүй
Цуварсан олон бурхад нүдэнд нь тусав
Ногоон өвсөөр ёс төрөө үйлдсэн Вакх
Пандор Психее хоёр ч хөшсөн нь үзэгдэв.
Энэ бадаг бас л ойлгогдохгүй байсан авч уянгалг сайхны нь уушги дэлгэсэн амьсгаандаа хаман авах адил шохоорхоно. Вакх , Пандора , Психей эдгээр нэр ид шидийн тарив шиг сонсдоно. Энэ оньсгыг тайлах түлхүүр эхэд нь л байжээ. Утга учиргүй хачин үг атлаа ямар нэг гүн санааг хадгалсан биз ээ . Увьдаст эх нь л эдгээрийг юу болохыг мэддэг байж дээ . Саксон чухам юу гэж уншихыг олигтой мэдэхгүй учир үсэгчлэн үзэглэж удаан уншихад сүүл сүүлдээ тэдгээрийн ухаархад бэрх гүн гүнзгий, гуу гайхамшигт үзэл санаа нь бүүр түүр мэдэгдэх шиг болно. Саксон энэ дөрвөн мөр шүлгээ дахин дахин уншин бодоход түгшүүр гасланд илэгдсэн энэ амьдралтай зүйрлэвэл эхийнх нь тэр ертөнц гэрэл гэгээ, цог заль илүүтэй байсан мэт санаг¤ана. Энэ шүлгийн уянгалаг айзам эгшигэнд тэр бүхнийг ойлгож болох оньс нуугдана. Тэрий нь ухаарсан цагт бүгд тод°оод ирэхсэн үүнд Саксон өчүүхэн ч эргэлзэхгүй байлаа. Чингэсэн цагт Сарагийн хэрт могойн хэл шиг хорон муу үгийг ч, золгүй муу ахынхаа хувь тавиланг ч, Чарли Лонгийн хэрцгий догшныг ч , яах гэж ня-бо залууг зодсон учрыг ч, ямар учир өдөр, сар жил тойрон халуун индүүнээс салахын аргагүй болдог учрыг ч ойлгохсон .
Огт ойлгогдохгүй бас нэг бадгийг алгасаад цааш уншихыг оролдов.
Хүлэмжнээ эцсийн өнгө жавхаа тодрон
Хүсэмжлэх эрднэс туяарч , алтран гялбалзаад
Уулсын тэртээ жаргаахтэнгэр улайран
Ундаа тайлах дарс лугаа төс санагдана.
Жирэвэгнэх сүүдэрт жихүүцсэн лус савдгийн
Жавхаалан цөгцөс бидэртэн толбороод
Хэнхдэг цээжинд нь эрднэс мэт гялтарч
Хурын дусал шиг сүүдэр туяа хослоно.
гэсэн үгтэй байв.
- Сайхан бичиж , мөн ч сайхан бичиж дээ гээд Саксон сүүрс алдлаа . Их урт шүлэг байхаар нь жаахан сүрдэж хаагаад цааш нь хийлээ. Тэгээд эхнийхээ тайлагдашгүй санаанд тарах түлхүүр олдож юу магад гэсэн шиг үхэгээ бас уудлав.
Энэ удаа туузаар ороосон нимгэхэн цаасанд боодолтой юм гаргаж ирээд шүтээнийхээ өмнө зогсох гүн бишрэлт хувраг мэтээр их л нямбайлан задаллаа.
Улаан хилэнгээр хийсэн испани цээжмэг харагдав. Бүсгүйчүүд элчи«гүй хээрээр анхны аялагчидтай явахдаа тийм цээжмэгийг гоёл болгон өмсдөг байж. Гар оёо нь хуучны испаний Калифорны загвар байлаа. Элжинг ч өөрцгүй мөн гэр зуурын аргаар боловсруулдаг , тэгэхдээ боловсруулах эдийг нь арьс шир , длайн амьтны өөх тос худалддаг халим агнуурын хөлөг онгоцныхноос авдаг байсан бололтой. Эх нь тэр цээжмэгийг хар сүлжмэгээр хажжээ. Бас хар хилэнгээр гурвалсан туузны оёо нь ч эхийнх нь гарын ажил амуй.
Саксон энэ тухай бодол болж амандаа холбоогүй үг хэлж байв. Өмнө нь ямар нэгэн бодит үнэн байдал байгааг ойлгож байлаа. Газар дээр бурхан байдаг тухай нотлох юм хомс байдаг ч гэсэн хүмүүс өөрснөө бурхан гэгчийг зохиочихоод түүдээ шүтдэг бол Саксон эхийнхээ үлдээсэн тэр цээжмэгийг бурхан мэтүзэж бишрэх ажээ. Тэрхүү цээжмэг тойргоороо хорин хоёр ямх байдгийг Саксон олон удаа хэмжсээр андахгүй болжээ. Энэ удаа өмсөөд бас хэмжлээ. Энэ бол ердийн ёс горимын нэг хэсэг нь юм. Цээжмэг өөрт нь бараг тарч, ялангуяа бүсэлхийгээр нь бүр сайхан таарч байв, Боошинзоо тайлаад өмсөх юм бол яг л таарна. Калифорны Вентурт анхны аялагчидын баатарлаг туйлсын тухайы батарлаг туйлсын тухайд дурсгалтай энэ цээжмэг эхийнх нь бие цогцсын хэлыбэрийг хадгаласан мэт тул Саксон онцгой их сэтгэлээр хүндлэнэ. Цээжмэг нь таарч буй хойно гадна төрхөөрөө ээжтэйгээ төстэй байж таарах нь ээ. Хатан зоригт тэвчээр, хотол олон гайхаад барамгүй ажилч хичээнгүйг нь бас л эхээсээ удамласан бололтой. Анхны аялагчидийн төрүүлсэн бүхэл бүтэн үрсийн дотроос хамгийн хамиалхан, хамгийн залуу, хүүхэлдэй мэт атлаа энэхүү зулзагаа хүмүүжүүлсэн эхийг нь урьд үеийн хүмүүс хараад бас л гайхан шагшдаг байж дээ. Чухам Дэзи л хумхаа халдсан Колюзмын нам дор газраас зайлж Ветурын уулын цэвэр агаартай газар очихыг хамт яваа хүмүүстээ зориг шийдэмгий тулгажээ. Хулчгар зан нь гэмт хэрэгтэй адил болсон нөхрөөс нь Лаураг гэр бүл ба нийтийн баримталдаг ёс суртахууныг үл харгалзан салгахыг шаардаж байсан бол гэр орныхныго харилцан ойлголцох буюу хүний ердийн дутагдалаас болж салж сарнихын даваан дээр хүрээд байхад чухам Дэзи л болиулж чадсан аж. Индианчуудад амтай дайсан гэж нэрд гарсан өвгөн эцэгтэйгээ мөчөөрхөж, виллаг өөрийнхөө ямар хүнтэй суухаа өөрөө л мэдэг хэмээн гэрийхэнтэйгээ нэгсэн тэмцэж байжээ.
Үнэхээр далайж ч чаддаг, энхийг тогтоож ч чаддаг эмэгтэй байжээ. Мартагдаж хуучирсн үлгэр домог Саксоны нүдний өмнө а¬илаад ирэх шиг болов. Санаа бодолдоо байнга дүрслэн боддог болохоор тэр үлгэр домгууд хэдийгээр Саксоны хэзээ ч үзээгүй амьтан юмсын тухай өгүүлэх боловч эгээл амьд юм шиг тов тодхон санагдана. Тийм тов тодхон болдог нь түүний бодол санааны үр л дээ. Түүнээс биш амбан шар, зэрлэг индиан , хөдөөгийн хөсөг гэгч юу болохыг хэзээ ч үзээгүй хүн шүү дээ Гэсэн ч газар нутагт шунан шүлсээ залгих англосксийнхан эх газраас дорноос өмнө рүү нэвт туулахдаа мянга түмэн морьдын туурайгаар босож наранд манарах тоосон дунд амьд мэнд болтолзон харагдах аж . Тэд өөрийнх нь нэг хэсэг мэт бодогдоно. Хуучин цагийн үлгэр домог, үнэн явдлыг Саксон уг явдалд биеэр оролцож явсан буюу лавтай мэдэх хүмүүсийн ярианаас сонсжээ. Нар салхинд түлэгдэж боролсон туранхай эрчүүл үргэлжилсэн урт хөсгөө хөтлөж явахад залуу хүмүүс байн байн шургачиж унах эцсэн шаруудыг буруу зөвгүй ороолгоно. Энэ бүхэн дотор эхийнх нь дүр туяа цацрах алтлаг утас ээрэх жарлан дугуй мэт эргэлдэх дамар шиг жирэлзэх бамятрашгүй зоригтой жижигхэн эх нь тэр үед дөнгөж найм естэй охин байсан бөгөөд аялал дуусаагүй байсан цаг бөлгөө. Аливаа хэрэгт зорьсондоо хүрч, хууль хэрэг болгож чаддаг ид шидтэй тэр охины үйл хэрэг нь ямагт зөв, ээлтэй байсан авай. Ширүүн үстэй, үнэнч нүдтэй тэнгэрийн та©гч гэгч бэсрэгхэн нохой ха°агдах шиг болов. Олон сарын турш аялагчдын хойноос арай ядан дагаж явсаар сүүлдээ доглож, хэрэгсэж харах хүнгүй хаягдахад годгор охин Дэзи өрөвдөж хөсгөндөө нууж ява нь тодоос тод үзэгдэх шиг болно. Хөллөсөн шарууд нь тэртэй тэргүй эцэж туйлдан шургачин явахад тийм илүү ачаа авч явааг мэдсэн өвөө нь галзу мэт аашлан өчүүхэн нохойг овоодож аваад шидэж байх нь ч түүнийг буудаж алах гэсэн урт бууны амны өөдөөс нохойг биеэр халхлан зогсоод дараа нь аагим халуун нарны илч хуурай тойрмын тоосон дунд өвчтэй нохогйоо өлгийтэй хүүхэд шиг тэврэн хичнээн хоног бүдчин хадчин ядарч явсан нь харагдах шиг болов. Гэвч Литтл Мэдоу ( жижиг хөндий ) хэмээх газар болсон тулалдаан Саксонд хамгаас тод харагдах шиг болно . Дэзи баяр ёслолын үед хувцасласан мэт цагаан бошинз өмсөн тууз бүсэлж , үсэндээ бас тууз зангидан тал саран хэлбэртэй сам хатгажээ. Хоёр гартаа жижигхэн хувин барьжээ. Дугуйгаар нь тулгаж хагас тойрог хэлбэртэй эгнүүлсэн тэргэнүүдийн завсрын нууцгай газраар Дэзи гарч ирнэ. Тэнд шархныхаа халуунд дэмийрч худгийг хүйтэн ус мөрөөдсөн шархдангууд ориллолдоно. Дэзи тийнхүү тэндээс гарч цэцэг навч дэлгэрсэн нуга хөндийгөөр сэмхэн явж мэл гайхаж цэл хөхөрсөн цэвсэгт индианчуудын хажуугаар өнгөрч зуун лахамын тэртээх нэг усан цөөрөм дээр очоод эргэж ирлээ гэж Саксон дүрслэн бодож байснаа испани хилэн цэжмийг зүрх догдлон халуун сэтгэлээр үнсээд бушуухан буцаааж эвхэхдээ нүднийх нь нулимс асргарах агаад үүнээс хойш бурхан мэт эхийгээ нэхэн санаж , амьдралын хачин үзэгдлүүдийн тухай ургуулан бодож бие сэтгэлээ зовоодгоо больё гэж шийдлээ.
Гэсэн ч Саксон орондоо орсон хойно тэдгээр явдлын тухай дахин бодож эхлэхдээ гагцхүү эхтэйгээ шууд холбоотой , хүүхэд ахуй цагаас сэтгэлдээ хоногшиж үлдсэн цөөн боловч чухал үйл явдлыг санагалзад. Ер нь эхийнхээ дүрийг энэ мэтээр дүрслэн бодсоор гүн нойрондоо автах хэзээний таатай ажээ.
Гэвч энэ бол элчилгүй хээрийн Дэзи ч биш , зураг дээр байдаг тэр Дэзи ч биш юм. Тэр Дэзи Саксоноос өмнийн хүн билээ. Дүрий нь нойрон дундаа бодсоор унтдаг эх нь нойр хоолгүй аялалд ядраад гагцхүү хатан зоригийн хүчээр тэсэж явсан эрэлдхэг - гунигтай , цонхигор дуу цөөнтэй эмзэгхэн хөөрхий эмэгтэй болжээ. Хатан зориг гаргаж явсандаа сэтгэлээр унж галзуурхад хүрээгүй юм байж . Хатан зориг нь гагцхүү нойр хулжих зовлонг давж чадахгүй байж . Ганц ч эмч яаж ч оролдоод цурам хийх нойр өгч чадсангүй ээ . Тийнхүү олон өдөр сараар тарчлан зовж гэр дотуураа хэвтэх ор , суух сандал хорёрнхоо хооронд холхин холхихдоо хэзээ ч зовлон тоочиж үзээгүй бөгөөд гагцхүү мэшээдиг уруул ам нь өвчний эрхээр муруйжээ. Ухаалаг хонин бор нү нь ухаалаг хэвээр авч ихээр томорё ухархай нь ширгэжээ.
Тэр шөнө Саксон тийм амархан дугжирсангүй . Байшин дотуураа холхиж эхийнх нь дүр нэг үзэгдэж нэг алга болсоор байхаар завсар хоорондуур хөнгөн ггуниг бүхий сайхан нүдтэй Биллийн дүр үзэгдээд хацар нь халуу оргих амуй . Нойрондоо нэгэнт дийлдээд ирэх агшинд :
“Заяаны минь хань мөн байж магадгүй яа ? ” гэж дотроо бодов.