Нэгдүгээр бүлэг - Наймдугаар хэсэгindex.jpg

 


 


Вальс төгсч, хөгжим зогсоход Билл Саксон хоёр бүжгийн танхимын гол хаалганы тэнд хөтлөлцөн нэг газар суухаар явтал урдаас нь Чарли Лонг гэнэт гарч ирэв.
Дөнгөж сая гарч ирсэн бололтой . Тэгээд
- Өө чи хүүхнүүдийг нь таслаж аваа юу? гэж заналтайгаар асуухад нүүр ам нь татвалзан жигтэйхэн ууртай байв.
- Хэн? Би юу? Чи эндүүрч байна. Би хэзээ ч тийм юм хийдэггүй гэж Билл тайвнаар хариулв.
- Аминдаа хайртай, толгойноосоо салах хүсэлгүй бол эндээс одоохон тонил !
- Толгойноосоо салах харамсалтай байлгүй яах вэ? За яахав Саксон хоёул эндээс явахуу даа . Энд ийм хүнтэй байж таарахгүй юм байна.
Тэгээд Саксоны хамт цааш явах гэтэл Лонг урдаас нь хөндөлдөн.
- Залуу минь , чи арай даварч байна , хашраавал таарах амьтан байна , ойлгов уу ? гэж муухай дууграв.
Билл шилээ маажаад баахан гайсан царайлж ,
- Ойлгосонгүй шүү юү гэнээ , дахиад нэг хэлчихгүй юү ? гэв.
- Гэтэл лантгар дархан ярвайн эргэж Саксонд ,
- Наашаа ир , картаа өгөөдөх гэв.
- Та энэ хүнтэй бүжмээр байгаа юм уу ? гэж Билл асуухад Саксон үгүй гэж толгой сэгсрэв.
- За нөхөр минь тоогүй юм болж дээ , одоо яая гэхэв гээд Билл бас л цааш явах гэлээ.
Гэвч төрмийн дархан гурав дахь удага тэр хоёрыг дайрав. Билл
- За та цаашаа бол , таныг бариад байгаа хүн алга гэв.
Лонг уулгалан дайрахыг завдн нудрагаа зангидаж байлаа . Уг нь нэг гараараа дэлсэх санаатай зэхэж гараа далайн, цээжээ тэхэслийлгэсэн боловч Биллийн хөдлөшгүй тайван байдал, номой харцтай тулгараад арга буюу болив. Биллийн харах нүүрэнд ч, хамаг бие булчинд ч цочиж доргисон шинж огт үгүй, ер нь хүнд зодуулах аюулыг ухаараагүй ч юм шиг харагдана. Төмрийн дархан ийм хүнтэй хэзээ ч тааралдаж явсангүй.
- Чи миний хэн болохыг мэдэхгүй байна уу ? гэж лонг өдөхөд Билл ,
- Сайн мэдэж байна , чи бол дээд зэргийн танхай этгээд
(Лонг баярлаж буй бололтой) . Насанд хүрээгүй жаалуудыг барьж зоддог мэргэжилтэн. Чамд цагдаагийн сонины газар очир алмасан тэмдэг шагнууштай юм , чи юунаас ч айдаггүй хүн юм, андашгүй байна гэж бас л хөдлөшгүй тайвнаар хэлэв.
Хажууд бөөгнөрсөн залуусын нэг нь ,
- Боль доо, Чарли, наадхи чинь Билл Робертсон, боксчин, Яагаа вэ … Том Билл … гэв.
- Жим Жеффис байсан ч яадаг юм ! Би хэн гуйгайг ч замда тээглэхийг тэвчихгүй !
Гэсэн ч түүний догшин омог, уур хилэн даруй намжиж байгаа нь Саксонд ч андашгүй болжээ. Билл гэдэг нэрийг сонсмогц хамгийн цуутай хэрүүлч, зодоочингууд ч номхордог юм уу гэмээр ажээ.
- Та энэ хүнийг таньдаг юм уу ? гэж Билл Саксоноос асуув.
Хичнээн эргүүлдэж зовоож , доромжилдогий нь чангаар хашгичин хэлчихмээр санагдавч тэгсэнгүй , нүднийхээ харц ар л таньдаг гэдгээ ойлгуулав. Билл төмрийн дарханд ,
- За нөхөр минь, надтай маргах хэрэггүй, дэмий тусгүй юм болно байх шүү . Ер нь ямар хэрэг байна ? Ийм юмыг та бид хоёр шийдэх биш , энэ охин өөрөө л мэдэг гэхэд Лонг,
- Үгүй ээ бид шийдэх ёстой гэв.
Билл хачирхан толгойгоо сэгсэрч ,
- Хаанаас даа , энэ хүүхэн өөрөө мэдэх ёстой шүү дээ гэлээ . Лонг Саксонд ,
- За хэлээч дээ! Хэнтэй нь яваха хэлээч надтай юу энэ залуутай юу? Одоо л хэлээдэх! гэж хашгичив.
Саксон хариу хэлэхийн оронд бас нэг гараа Биллийн гар дээр тавихад Билл ,
- За хэлэх шив дээ гэв.
Лонг , Саксон руу ууртай харснаа, дараа өмөг түшиг болох хүний нь хараад шүд зуун,
- За яах вэ , би чамтай тооцоо хийхээ л хийнэ гэв.
Энэ явдлын дараа Саксон Биллийн хамт зайлан явахдаа их баяртай байлаа. Лили Сэндерсоны адил юм болсонгүй . Энэ хөдлөшгүй тайван , яарамгүй жаал эр хүн , тэр омогтой дархныг нэг ч дэлсэлгүй нэг ч үгээр сүрдүүлээгүй атлаа номхтгож чадлаа
- Намайг ийш тийш ер явуулахгүй эргүүлдээд , ойртож ирсэн болгоныг зодож жанчдаг хүн байгаа юм . Би энэ хүнтэй хэзээ ч дахин уулзахыг хүсэхгүй байна ! гэж Саксон Биллд шивнэв.
Билл гэнэт зог тусав . Цаашаа дуртай дургүй алхаж байсан Чарли ч зогслоо.
- Чамтай дахин уулзах хүсэлгүй байна шүү. Хэлсэн үг нь үнэн гэж мэдээрэй . Дахин эргүүлдэж зовоосон байвал зохих ёсоор үзүүлнэ шүү , мэдэв үү , чи ?
Лонг өөдөөс нь үзэн ядах харцаар ширтсэн боловч юу ч хэлсэнгүй.
- Ойлгов уу чи ? гэж бүр шийдэмгй асуухад төмөрчин амандаа ойлголоо гэсэн бололтой нэг юм бувтаналаа.
- За тэгвэл болоо. Битгий л мартчихаарай . Одоо чи эндээс тонил , үгүй бол эрүүгий чинь мулт цохино шүү .
Лонг утгагүй үгээр занасан мэт бувтнан одоход Саксон энэ чинь арай зүүд биш байгаа даа гэж боджээ. Тийнхүү Чарли Лонг булбарайхан арьстай, цэнхэрхэн нүдтэй энэ залуугаас айжээ! Саксон тийнхүү нойтон хамуу шиг эргүүлдэгчээсээ ангижрав. Урьд нь өөр хэн ч зориглож чадаагүй юмыг Билл хэрэгжүүлсэн төдийгүй , Саксоныг Лили Сэндерсоноос огт өөрөөр үзэж буйга харуулав.
Чарли Лонгтой хэрхэн танилцсан тухайгаа хоёр ч уда ярих гэхэд нь яриулсангүй.
- Тийм юмыг дурсаад яах юм ! Ямар ч хамаагүй , одоо та энд байгаа юм чинь хамгийн гол нь гэж хоёр дахь удаагаа хэлжээ.
Гэвч Саксон заавал ярих гээд болсонгүй . Тэгээд сэтгэл хөдлөн уур нь хүрч ярисаар дуусгахад Билл гары нь энхрийлэн илж ,
- Дажгүй саксон минь , цаадхи чинь ичих нүүргүй амьтан хойно арга байж уу . Би хармагцаа хэн болохы нь мэдсэн . Одоо таныг дахи¬ зовоохгүй . Тиймэрхүү омогтой шартай амьтдыг би андахгүй , аймхай ноход байдаг юм. Зодоонч уу ? Яриангүй, хөхүүл хүүхэддээ эр бар, хэдэн зуугаар нь ч барьж зодно.
- Та яаж чадав аа ? Эрчүүл яагаад бүгдээр айдаг юм . Та ч ёстой гайхмаар хүн юм даа ! гэж Саксон бахархан хэлэв.
Билл зовсон янзтай инээвхийлснээ ярианыхаа чигийг өөрчлөв.
- Танай шүд мөн сайхнаа, дун цагаан , жигд тэгсэн мөртлөө хурган шүд биш юм. Ямар сайхан … Өөрт чинь яг таарчээ. Ийм сайхан шүдтэй хүүхэн ерөөс үзээгүй . Харахаас зүгээр байж чадамгүй санагдана, нээрэн шүү хазчихмаар л санагдаж байна гэлээ.
- Эцэж цуцахыг мэдэхгүй Берт Мери хоёртой шөнө дунд салах ёс гүйцэтгээд Билл Саксон хоёр гэрийн зүг явлаа. Эртхэн явах хэрэгтэй гээд байсан шалтгаанаа Билл тайлбарлахдаа ,
- Биеэ хайрлаж бай гэсэн нэг зүйлийг бокс надад сургасан юм . Өдөржин ажилчихаад шөнөжин бүжиглэх юм бол бяртай байж чадахгүй . Архи уух ч муу . Өөрийгөө бурхан гэж байгаа юм биш шүү. Согттолооо хэтэртлээ ууж үзсэн , ямар байдгийг нь мэдсэн . Одоо ч гэсэн пиво уух дуртай , балгахгүй аяга аягаар нь залгилчихна. Гэхдээ би хүссэнийхээ хэрээр хэзээ ч тийм их уудаггүй. Яадаг юм бол гэж үзээд хэрэггүй юм байна гэж бодсон . Өнөөдрийн тэр надтай мөчөөрхөх гээд байсан танхай этгээдийг би дор нь нам цохих л доо. Угаас агсам , тэгээд бас уусан нь толгойд нь гарчихаад бүрч арга алга. Би амархан дийлэх юм байна гэж хармагцаа мэдсэн . Хүн ямар байгаагаас хамаг юм шалтгаална.
- Жигтэйхэн том хүн шүү! Атгасан гар нь таныхаас хоёр дахин том гэж Саксон итгэж ядав.
- Тэр хамаагүй, гарын том жижигээс биш , цаана нь юу байгаагаас л болно. Намайг араатан шиг ноцох байсан байх. Цохимогцоо уначихгүй бол хамгаалаад байя байз сүүлдээ тамир нь барагдаад амьсгаа , омог хоёр нь үлдэнэ. Тэр цагт яая ч гэсэн миний дур гэж би бодсон юм . хамгийн гол нь мань эр ингэнэ гэдгийг сайн мэдэж байна билээ.
Саксон түр дуугай байснаа ,
- Би боксчин хүнтэй ер уулзаж ярьсангүй гэв.
- Үнэндээ би боксчин биш гэж Билл яаран хэлээд
- Бокс намайг бас нэг юманд сургасан, юу гэвэл боксыг орхих хэрэгтэй гэж сургасан. Үнэндээ хэрэггүй юм . Хүн дасгал сургууль хийгээд жигтэйхэн сайхан болж, бие нь хүртэл торгон хилэн шиг оргиод, ер нь хачин сайхан болоод зуун насыг ч насалмаар болно. Дэвжээний хашлага доогуур бөхийн ороод өөр шигээ бас нэг залуутай хорин раунд үзэлцсэний дараа юун торгон хилэн шиг арьс марьс! Амь наснаасаа бүтэн жилийг алдана шүү дээ . Нэг жил бол яамай , тав зургаа , тэр чигээрээ өнгөрөх тохиолдол ч байдаг. Тийм юм бишгүй үзлээ. Би боксчидыг ч мэднэ Зарим нь буулганы шар шиг харагдана. Гэтэл үнэн хэрэг дээрээ жилийн ч насгүы болсон сүрьеэтэй бөөрниы өвчтэй ч юмуу тийм байдаг юм . Ингэхээр ямар сайн байх вэ ? Нэгэнт тийм замаар алдсан зүйлийг ямар ч их мөнгөөр нөхөж чадахгүй. Тийм ч учраас би энэ ажлыг хаяад дахин морь тэргэчин болсон юм. Бие минь эрүүл чийрэг байна , ийм л явахсан гэж боддог . Ийм л байна даа.
Саксон бяр чадал авхаалжий нь бахархаж ,
- Та хүнийг дийлэх чадалтайдаа лав бахрахдаг байх гэж нам дуугаар хэлэхэд Билл ,
- Тэгдэг байж болох юм. Дэвжээнд гардагтаа баярладаг байсан бол одоо больсондоо бас баярладаг. Харин дэвжээнээс л их юм сурсан даа. Сонор сэрэмжтэй байх , биеэ барьдаг байхыг сурсан. Урьд намайг ямар зантай байсан гэж санана ! Өрөмний өт л гэсэн үг . Заримдаа өөрөө өөрөөсөө айдаг байлаа . Дэндэс хийвэл дүрсгээд явдаг , биеэ огт барьж чаддаггүй байлаа. Яагаа ч үгүй байхад хамаг байдгаа гаргачих юм уу, дараа нь амаа баривч хожимдох тийм юм хийхгүй байхыг боксоос л сурсан.
- Юу гэсэн үг вэ ! Би тан шиг ийм тайван эелдэг хүнийг насандаа үзээгүй гэж Сөаксон яриагий нь таслаж хэлэв.
- Харин та хатуу итгэх хэрэггүй Сайн танилцаад ирэхээрээ миний ямар болохыг аяндаа мэднэ. Нэг адайрлавал уу яадаг гэж санана . Жолоогоо нэг алдвал галзуу хүн л гэсэн үг ! гэж Билл цаашид улам сайн танилцах хүсэлтэй байгаагаа илэрхийлэх мэт болоход Саксон зүрхнээсээ баярлана.
Гэрийнх нь гадаа ойртож ирсэн хойноо Билл
- Дараагийн сайн өдөр та яах вэ ? Бодсон төлөвлөсөн юм бий юу гэв.
- Үгүй , юу ч байхгүй .
- Тэгвэл морь тэрэг аваад ууланд өдөржин явбалямар вэ ?
Саксон өнөөх төмөрчинтэй сүүлийн удаа хамт явсан аймшигт явдлаа санамагц тагларах шиг болж түргэн хариу хэлж чадсангүй . Тэгж явахдаа нөгөөдөхөөсөө айж , тэрэгнээсээ гарч зугадан харанхуй бүрэнхийд бүдчин хачин хурц ирмэгтэй хад чулуун дундуур нимгэн ултай гуталтай олон бээр газар гүйж үйлээ үзсэнээ санав. Гэтэл одоо хамт байгаа хүн нь Лонгоос огт өөр хүн учир битүүдээ баярлан эхэлж ,
- Би моринд их дуртй , бүжгээс ч илүү дуртай . Даанч мэдэх юмаар л умаахан даа . Эцэг минь морин цэрэгт байхда том гэгчийн буурал морь унадаг байсан юм гэнлээ . Морин цэргийн хорооны ахмад байсан хүн л дээ . Би өөрийн нь үзээгүй гэхдээ том гэгчийн морь унаад бүсэндээ урт сэлэм зүүж явсан гэж дандаа дүрслэн боддог юм. Одоо тэр сэлэм миний ах Жоржид байгаа . Харин хоёр дахь ах Том , одоо би гэрт нь сууж байгаа ах я°ихда тэр сэлмийг минийх байх ёстой , яагаад гэвэл тэр бид хоёр эцэг өөртэй юм байж . Бид эх нэгтэй эцэг өөр улс байхгүы юу . Эх маань хоёрдох нөхрөөсөө ганц намайг төрүүлсэн юм гэнэ лээ . Жинхэнэ хайр сэтгэлээрээ суусан юм гэнэ лээ гээд Саксон гэнэт таг дуугай болов.
Гэсэн ч энэ залууд өөрийнхөө тухай яримаар санагдаад болсонгүй. Өөрийнх нь тэр бүх таатай дурсамж ч энэ биеийнх нь хагас хугас мэт санагдах ажээ.
- Ярь ярь цааш нь ярь л даа ! Би хуучны юм тэр үеийн хүмүүсийн тухай сонсох их дуртай . Миний эцэг эх бас л тийм амьдрал туулсан улс , гэсэн мөртлөө яагаад ч юм миний бодоход тэр цагт амьдрал одоогийнхоос дээр байсан юм шиг санагдана. Юм бүхэн эгэл зүйн дагуу байжээ. Юу ч гэж хэлэлтэй юм дээ , одоогийн амьдралыг би ойлгохгүй юм . Үйлдвэрчний эвлэл , түншийн холбоо , ажил хаях хямрал , ажилгүйдэл гэх мэтийн юм дээр үед байсангүй. Хүн бүр газартай , ан хийдэг , хоол хүнс элбэг дэлбэг олж болдог , өвгөд хөгшдөө өргөж асардаг , хүн бүр юм юмаар дутагдаж гачигдахгүй байж . Гэтэл одоо юм бүхэн тонгоруу болж , дээр доороо орж , учир ухаан нь олдохоо больжээ. Бүү мэд , би тэнэг болоод л ингэж боддог байж магадгүй . Одоо тэ эхийнхээ тухай цааш нь ярь л даа .
- Ээж минь ахмад Браун гэдэг хүнтэй сэтгэлтэй болсон үеэр бүр залуухан байж . Дайнаас бүр өмнө цэргийн албанд байж л дээ . Дайн гармагц ахмадыг нь Дорно муж улсууд руу явуулж , ээж минь өвчтэй байсан дүү Лорагаа сувилахаар явжээ. Хожим нь Шайлоугийн дэргэд амь үрэгдлээ гэсэн мэдээ иржээ . Тэгээд ээж минь өөрт нь олон жилийн турш хайр сэтгэлтэй байсан хүнтэйгээ суусан байх юм . Жаал хүү байхдаа элчилгүй хээрээ ээжийн минь хамт явсан тэр хүмүүсийн дотор байж шүү. Ээж хүндэтгэдэг байснаас биш жинхэнэ хайр сэтгэлтэй болоогүй байж . гэтэл сүүлд нь эцэг маань амьд гэж гэнэт дуулджээ. Ээж гуниглаж эхэлсэн боловч амьдралаа зовлонгоор түйвээсэнгүй . Ялдам зөөлөн ааштай, энхрий хайртай сайн ч эх, сайн ч эхнэр байсан атлаа дандаа гунигтай байдаг байж , миний бодоход ертөнцөд хосгүы сайхан дуу хоолойтой байсан б айх.
- Сэтгэлээ сайн л барьж дээ гэж Билл сайшаав.
- Эцэг маань эхнэр ер аваагүй , ээжийг дотроо хайрлан явсан байх юм . Ээж түүндээ зориулж бичсэн яг хөгжмийн уянгат эгшиг шиг нэг сайхан шүлгий нь би хадгалж явдаг юм. олон жилийн дара , ээжийн нөхрийг нас барсан хойно тэр хоёр суужээ. Мянга найман зуун наян хоёр онд тэр хоёр суугаад ээж минь сэтгэл төвшин болжээ. Саксон үүдэн дээрээ очоод цааш нь зөндөө их юм ярьж өгөв. Билл энэ удуу түрүүчийнхээсээ бүр удаан үнсэх шиг санагджээ. Хашааныхаа хаалгаар орсон хойно нь Билл хашааны завсраар ,
- Есөн цаг эртдэхгүй биз ? орой хоол ундаа идэж уух гэж битгий түвэг болоорой , хэрэггүй шүү . Есөн цагтаа л яг бэлэн байгаарай гэв.