index.jpg

 

Нэгдүгээр бүлэг - Арван тавдугаар хэсэг

 


 


- Юу вэ , Берт , Яах гэж ингэтлэ уучихаа юэ ? гэж Мери чанга дуугаар зэмлэв.
Тэд Варнумын рестораны тусгай нэг өрөөнд дөрвүүл сууна. Саксонд хэтэрхий хээнцэр санагдсан тэр оройн хуримын тачирхан будаалга төдхөн дуусах тэр үед Берт энд шил нь тавин цент байсан калифорний аяга улан дарс барьсаар босч үг хэлэхийг хүсэв. Нүүр нь улайж , нүд нь жигтэйхэн гялалзана.
- Чи над дээр ирэхээсээ өмнө уучихсан байсныг чинв би мэдэж байна гэж Мери хэлэхэд цаадахи нь мэтгэж ,
- Хайрт минь эндүүрч байна , нүдээ олигтойхон нээгээд хар . Бертрам өнөөдөр дээд зэргээрээ байна гээд хуучин найзынхаа гарыг барихаар босож , - Билл ! Найз минь ! Мутраа нааш нь ! Чи нэгэнт эхнэртээ болж гэрийн мухар сахидаг хүн болох учрас одоо би чамд сайн сайхныг ерөөгөөд салах ёс гүйцэтгэх хэрэгтэй байна ! Одоо чамд залуу харчуултай зугаалж явах хэрэгцээ алга . Биеэ хайрлаж элдвийн ослоос болгоомжилж , барилгын хоршоололд орох … харилцан туслах касс , оршуулгын товчооны гишүүн болох ёстой гэхэд Мери угий нь таслаж ,
- Берт , чи болиоч! Хуриман дээр оршуулгын тухай ярьдаг юм уу ? Ичих зовохыг мэдэхгүй яасан хачин юм ! гэв.
- Боль доо ! Берт минь , азнаж үз . Тийм юм ярих хэрэггүй … Би одоо юу болсноо хэлье … Чиний харж байгаа гаас огт өөр юм байхгүй юу ?… Байз, байз … би оршуулгын товчоо гэж хэлсэн юм уу ? Тийм үү? Ийм баяртай үед тийм юм ярьж урам хугалах гэж бодоогүй … харин ч …
Бертийн үнэхээр будилан мунгинаж байгааг Мери хараад бах нь ханав бололтой толгой сэгсрэв. Цаадахи нь үүнийг хараад улам аазгай нь хөдлөж ,
- Яагаад би тийм юм цухуйлгасанаа хэлье л дээ … Яагаад гэвэл чи найз минь цог золбоотой, хөөрхөн хүүхэнтэй суулаа . Залуучууд наад хүүхэнд чинь сүйд болдог юм . Тэгээд тэднүүс одоо хөөцөлдөөд амар заяа үзүүлэхгүй бол Билл минь чи яах вэ ? Чамд чамлалтгүй их ажил гарна. Тэднүүсийг бүгдийг нь оршуулахад товчоо хэрэгтэй болох юм биш үү ? Минийхээр бол хэрэг болно. Бүсгүйчүүдийн талар чиний шилж олсон авъяасыг л магтах гэсэн юм . Тэгтэл Мери саад боллоо. Берт, Биллийг гиллазах нүдээрээ инээмсэглэн ширтэх нь бах тав нь ханасан янзтай харагдана.
- Хэн намайг мал болтлоо уусан гэж байгаа юм . Тэр дэмий , би юм бүхнийг нэгд нэггүй сайн мэдэж байна , харж ч байна. Хуучин найз Биллигэ харж байна , хоёр Билл харагдаагүй , төрөлхөөсөө хоёр нүүртэн байж ч үзээгүй хүн . Билл ! Найз минь ! Одоо би чамайг эхнэрийн гарт орлоо гэж бодохоос гансарч байна. , нээрэн гансарч байна гээд үгээ таслан Мери рүү эргэж -–Хөгшин минь битгий уурла ! Би юу ярьж байгаагаа өөрөө мэдэхтэйгээ байна. Миний өвөг муж улсдаа сенатч болж өглөөнөөс үдшийн бүрий болтол хүн хартай сайхан ярилцаж чаддаг байсан хүн . Би ч гэсэн , Билл минь , чамайг харахаас гансарч байна . Нээрэн гансарч байна гээд Мери рүү эгдүүтэй харав. Тэгснээ ,
- Чамайг хичнээн жаргалтай болсныг би мэдэж байна, мэдэхгүй гэж бодож байна уу ? Чи ухаантй хүн, үгэнд минь итгэ, энэ эмэгтэйчүүдийг чөтгөр бүгдий нь алгадаг! Чи зөв эхэлжээ, цааш нь энэ янзаа бүү алаарай, гэрлэлгүй яах вэ , найз минь бүгдтэй нь хамаагүй ! за тулгая . Билл , хундага тулгая . Чи могикан , зоригтой эр ! Хань чинь ч толгой цохино . Эрүүл мэндийн чинь төлөө , та хоёулангийн төлөө энэ хундагыг тогтооё , та хоёрыг бурхан өршөөх болтугай ! гээд аягтайгаа ганц амьсгаагаар хөнтрөөд сандал дээрээ лагхийн сууж залуу хосыг мэлтийтэл ширтэж удалгүй нулимс асгарулав. Мери гары нь барьж аяархан илэхэд Берт бүр уяран ,
- Бурхан минь хамгийн сайн найзаасаа хагцаж байгаагаа харамсан уйлахад яадаг юм ! Нэгэнт өнгөрсөн юмыг эргүүлж болдоггүй , хэзээ ч болдоггүй … Урьд Биллтэй хамт өнгөрөөж байсан баярт өдрүүдээ, урьдын явдлуудаа бодоод одоо Саксон та гараас нь зуурчихаад хамт байгааг чинь бодохоос танд дургүй хүрмээрч байх шиг.
Саксон ялдамхан инээмсэглэж ,
- Берт минь бүү гансар . Мери та хоёр ч гэсэн гар гараасаа бариад сууж байна гэхэд Мери
- Энэ ингэж гонгинох гээд байдаг юм гэж эрс хэлэх боловч толгойтой үсийг ньэнхрийлэн илбээд – Берт минь бүү гансар . Одоо чиний хэлсэн гйхалтай сайхан үгийн хариуд Билл юу хэлэхий нь сонсоё гэв.
Берт дахин нэг аяга дарс ууж зоригоо чангаллаа.
- Яриарай Билл , одоо чиний ээлж шүү !
- Би ярьж чаддаггүй хүн шүү дээ . Энэ хоёртоо юу гж хэлэх билэ , Саксон ? Бид хоёр жаргалтай байна гэлтэй нь биш , тэртэй тэргүй энэ хоёр маань мэдэж байгаа .
- Сайныг хүсэн ерөөсөнд нь талархаад мөн сайн сайхныг хүс л дээ . Бид хоёр ямагт жаргалтай явна , дөрвүүл хэзээд сайан найзууд явья , дараагийн сайн өдөр манайхаар ирж өдрийн зоог идээрэй . пайн гудамж , тван зуун долоо. Харин Мери чи хагас сайны орой ирмээр санагдвал ирээд манай зочны өрөөнд унтаж болно шүү гэж хэл л дээ .
- Чи надаас илүү хэлчихлээ , гэж Билл алга ташаад
Сайн байна , Саксон минь ! Чиний хэлсэн дээр нэмэх юм юу байх вэ тун ялимгүй юм , жаахан юм нэмье гэлээ.
Билл босч аяга дарс гартаа барив. Өтгөн хар хөмсөг сормуусныхаа нөлөөнд нүд нь цэнхэр юм шиг харагдаж , цйвал өнгө үснийх нь өнгө бүр ч их татагдах ажээ. Өөгүй толигор хацар нь ялимгүй улаа бутрана. Энэ бол уусан хоёр дарснаас нь биш угаас бие эрүүл хиймортойн шинж юм. тэнхээтэй бол тэнхээтэй , царайлаг бол царайлаг , хувцас хунара нямбай тааруулж өмсдөг бол нямбай ийм залууг нөхрөө гэж бодохоос , бас өөрийнхөө үзэсгэлэн гоо , сэтгэл сүжрээх увидастайг бодохоос Саксон дотроо бахархана.
- Берт ,Мери хоёр минь ,бид хоёрын хуримын будаалга дээр ирж сайн сайхныг ерөөж байгаад чин зүрхнийхээ угаас баярлаж , та хоёртоо та хоёрын бодож байгаас ч илүү сайн сайхныг ерөөе . Саксон бид хоёр аяганы хариу өдөртөө , атганы хариу жилдэ гэдэг зүйр үгийг бодож та хоёрын хуримын үдэшлэгэ дээр очих өдрийг саатан хүлээж байна ! Хэрэв та хоёр сайн өдөр манайхаар ирвэл илүү өрөө минь та хоёрын мэдэлд гэж мэдээрэй
Сул өрөөг дэмий хэдгэлэх хэрэг юу билээ ? та хоёр юу гэж бодож байна.
- Билл минь таныг ийм юм хэлнэ гэж би ерөөсөө бодоогүй , Та Бертээс ч дор байна. Гэсэн ч яахав гэж Мери чангаар хэлэв .
Мери гэнэт нулимс асгаруулан мэлмэрүүлэн уйллаа. Хоолой нь чичирч цаадхи нь тэврэн авч өвөр дээрээ суулгалаа.
Дөрүүл ресторанаас гарад наймдугаар гудамж , Бродвейгоор явдаг трамвайн буудал дээр очиж зогсов.
Берт Билл хоёр бие биенээсээ баахн гэрэвшин дуугай байхад Мери , Саксоныг энхрийлэн тэвэрч ,
- Зүгээр, найз минь, чи битгий ай, дажгүй . Энэ ертөнцийн бүх эмэгтэйчүүдийг бооод үз л дээ гэж шивнэв.
Үйлчлэгч хонх дууграгхад, манай дөрвөн хос хосоороо салж явахдаа сайн сайхныг ерөөсөн үгийг харилцан яаруу сандруу хэлж байлаа.
Трамбай хөдлөхөд Берт ,
- Чи бол могикан эр , цаадхи чинь могикан эмэгтэй гэж хашгирав.
- Миний хэлснийг битгий мартаарай гэж мЕри ,Саксонд сануулав.
Трамвай Долдугаар , Пайн гудамжны уулзвар дээр зогсов. Энэ бол эцсийн буудал
Тэндээс хороолол яваад гэртээ хүрч Билл довжоон дээрээ гаруут халааснаасаа түлхүүрээ гаргав.
Билл цоожоо онгойлгох зуур ,
- Үнэхээр сайхан аа ? Чи бид хоёроос өөр хэн ч байхгүй Хоёулахнаа ! гэв.
Билл зочныхоо өрөөнд чийднээ асааж байхад Саксон малгайгаа авч байв. Билл унтлагынхаа өрөөнд орж гэрлээ асаагаад эргэж үүдэн дээрээ зогслоо. Саксон малгайныхаа сүлбээрээр оролдон бас л ичиж зовсон байдалтай байхдаа Биллийг хулгай нүдээр харав. Билл түүнд гараа өгч ,
- За ? гэв.
Саксон дэргэд нь очлоо. Тэврэхэд бие нь чичирч буйг Билл мэдлээ.